Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ஜி.வி.பிரகாஷ், சீமான், ராஜ்கிரண், ராமராஜன்... இவர்களுக்கு என்ன அசைன்மென்ட் கொடுக்கலாம்?

லேட்டஸ்ட் பகீர் - பாபா ராம்தேவ் தனது பதஞ்சலி நிறுவனம் மூலமாக ஜீன்ஸ் பேன்ட் தயாரிக்க இருப்பதாக அறிவித்திருக்கிறார். அதோடு முடிந்த அளவிற்கு அவற்றை பற்றி புரமோட் செய்யவும் தொடங்கியிருக்கிறார். ஆடைகளைத் துறந்த சாமியார், வெஸ்டர்ன் ஜீன்ஸை பிஸினஸ் புரமோட் செய்யும் முரட்டு கான்ட்ராஸ்ட் காமெடி எல்லாம் இங்கு மட்டுமே காணக் கிடைக்கும். இதுபோல வேறு என்னவெல்லாம் கான்ட்ராஸ்ட்டாய் நடக்கலாம் என்ற கருப்புக் காமெடி( அதான் ஜி பிளாக் ஹியூமர்) பதிவுதான் இது.

ஜி.வி.பிரகாஷ்:

உங்களுக்கு அறவே பிடிக்காத எதிரியை எக்ஸாமில் பெயிலாக்க ஒரு கேள்வி இருக்கிறது. ஜி.வி பிரகாஷின் முந்தைய பட டீசருக்கும் அடுத்தப் பட டீசருக்கும் என்ன வித்தியாசம் என்ற கேள்வியே அது. சகட்டுமேனிக்கு குளுகுளு ஜிலுஜிலு படங்களை சுட்டுத்தள்ளும் ஜி.வியை கான்ட்ராஸ்ட்டாக பக்திப்படங்களின் புரொமோஷனுக்கு பயன்படுத்திக் கொள்ளலாம். தேனாண்டாள் பிலிம்ஸ் கவனத்திற்கு...

திருநாவுக்கரசர்:

இத்தனை நாட்களாக ஒரு துண்டு ஆக்‌ஷன் சீன் கூட இல்லாமல் வெறிச்சோடி இருந்த சத்தியமூர்த்தி பவன் இப்போதுதான் களை கட்டியிருக்கிறது. இனி கிழிந்து தொங்கப் போகும் தாரை தப்பட்டைகளை ரிப்பேர் பார்க்கும் வேலை திருநாவுக்கரசருக்குத்தான். காஷ்மீரில் கூட வெள்ளைக் கொடி வேலை செய்துவிடும். ஆனால் கதர் கட்சியில் வாய்ப்பே இல்லை. எனவே வெள்ளைத்துணியை புரொமோட் செய்ய திருநாவுக்கரசரை அணுகலாம்.

ராமராஜன்:

மத்திய கிழக்கு நாடுகளுக்கு முன்னதாகவே பெல்லி டான்ஸை கண்டுபிடித்த பெருமை நம்மூர் வசூல் சக்ரவர்த்தி ராமராஜனையே சேரும். துண்டு, ட்ரவுசரோடு ஆடி தயாரிப்பாளர்களை கோட் சூட் போட வைத்த 'மேன் ஆஃப் சிம்பிளிசிட்டி'. இவரை பில்லா அஜீத் காஸ்ட்யூமில் கற்பனை செய்ய எவ்வளவோ முயன்றும் மூளை மூர்ச்சையாகிறது. எனவே ராமராஜனுக்கு கான்ட்ராஸ்ட் கோட் சூட்தான். புரொமோஷன் செய்தால் பிசினஸ் சும்மா பிச்சுக்கும்.

ராஜ்கிரண்:

ஓடுவது, பறப்பது, குதிப்பது, பாய்வது என டைனோசர் முட்டை தொடங்கி டபுள் ஆம்லேட் வரை சகலவற்றையும் கடைவாயில் மென்று அரைத்து உள்ளே தள்ளும் பெருமைக்குச் சொந்தக்காரர் நம்ம தல ராஜ்கிரண். மாட்டுவண்டியில் வரும் அவரை கான்ட்ராஸ்ட்டாக புல்லட் பைக்கிற்கு புரொமோஷன் செய்யச் சொல்லலாம்தான். தனுஷ் முந்திவிட்டார். எனவே இவரை ஆர்கானிக் ஃபார்மிங் புரொமோஷன்களுக்கு பான்படுத்திக் கொள்ளலாம். 

சிவா:

ஆல் ஓவர் வேர்ல்டிலும் மிர்ச்சி சிவாவைப் போல டான்ஸ் ஆட ஆள் கிடையாது. பேட்டாராப்பில் ஆடும் வடிவேலுவையும் சேற்றில் இறங்கி காலால் சோறு பிசையும் 'இந்தியன்' கமலையும் இணைத்து புது பியூஷனை உருவாக்கி நம்மை கதற விடுவதற்காகவே அவருக்கு அவார்ட் கொடுக்கலாம். இந்த ஜென் Z மைக்கேல் ஜாக்சனை வைத்து ஹிப்ஹாப், பாப்பிங், பிரேக் உள்ளிட்ட டான்ஸ் வகைகளுக்கு புரொமோஷன்கள் செய்யலாம்.

சீமான்:

எதிர்த்து இருப்பவரின் முகத்தில் எச்சில் தெறிக்க தெறிக்க பேசுவது, கோபத்தில் மைக்கை கடித்து வைப்பது, மின்னல்வேகத்தில் கை காலை ஆட்டி அந்தரத்தில் மியூசிக் போடுவது என ஆண்டு முழுவதும் பிஸியாகவே இருக்கிறார் சீமான். அவரை வைத்து ஆழ்நிலை தியானத்தை புரொமோட் செய்யலாம். அன்புத்தம்பிகள் கூட்டங்கூட்டமாக ஆதரவளித்து அதிரடிப்பார்கள்.

மன்மோகன்:

இவரின் சாபம்தான் மொத்த இந்தியாவையும் எங்கே நம்ம பிரதமர் என இப்போது தேட வைக்கிறது. ஆட்சியில் இருந்தபோது இவர் பேசிய டயலாக்குகளை கோர்த்து 'ஒரு' பக்க புத்தகமே போடலாம். இவருக்கு கான்ட்ராஸ்ட் சப்ஜெக்ட்... வேறு என்ன மைக்கும் லவுட் ஸ்பீக்கரும்தான். மைக்கை வைத்து மைக்கிலேயே புரொமோஷன் செய்ய சர்வ லட்சணங்களும் பொருந்திய இவரால் மட்டுமே முடியும். 

-நித்திஷ்

உங்கள் கருத்தைப் பதிவு செய்யுங்கள்

இது தொடர்பா வேற என்னலாம் நடந்திருக்குனு தெரிஞ்சுக்கலாமா?

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close