Vikatan.com

www.vikatan.com would like to send you push notifications.

Notifications can be turned off anytime from browser settings.

பிரேக் தி ரூல்ஸ் தலைவா! #MorningMotivation

எல்லா பெரிய மாற்றங்களும் சிறிய செயல்களிலிருந்து தான் துவங்கும் என்பார்கள். இந்த சின்ன சின்ன செயல்கள் உங்களை வேற லெவலுக்கு கொண்டு செல்லும்...,

1. இன்று இங்கு இப்போதே :

"குட் மார்னிங் தல..." 
நீங்கள் இப்பொழுது தான் எழுந்தீர்கள் என வைத்துக் கொள்வோம். உடனடியாக உங்கள் மனதில் தோன்றுவது என்ன? செல்போன் எங்கே கிடக்கிறதோ?  நேத்துப் போட்ட ஸ்டேட்டஸுக்கு எவ்வளவு லைக் விழுந்திருக்கும்?, ஆண்டவா இன்னைக்கு திங்கள் கிழமையா மட்டும் இருக்க கூடாது என்பதுதானே!. ஆனால் இதையெல்லாம் தாண்டி முதல் நாள் செய்த செயல்களையும், நாளை என்னவாகப் போகிறோம் என்ற கனவுகளையும் அவ்வப்போது அசைபோட்டு பார்ப்போம். அதிலும் நேற்றும் வேண்டாம் நாளையும் வேண்டாம் இன்று இப்போது என்ன செய்ய போகிறோம் என்ற திட்டமிடுதலுடன் ஒவ்வொரு நாளையும் துவங்குபவர்கள் குறைவு. அந்த சிலரில் ஒருத்தராக இருக்க முயற்சி செய்து பார்ப்போமே. இப்படி அன்றைக்கான சின்னச் சின்ன இலக்குகளுடன் உங்கள் ஒவ்வொரு நாளையும் துவங்குங்கள். இலக்குகள் என்றால் மிகப்பெரியதாவும் வேண்டாம். எளிமையானதாகவும்  வேண்டாம். அன்று உங்களால் என்ன செய்ய முடியும் என நீங்கள் நினைக்குறீர்களோ அந்தளவுக்கு மட்டும். ஏனென்றால் உங்களை பற்றி உங்களுக்கு தான் பாஸ் அதிகமாகத் தெரியும்! 

2. இதுக்கெல்லாம் கூச்சமே படாதீங்க பாஸ் : 
காலையில் எழுந்ததும் டீ / காபி குடிக்க வேண்டும். யோகா செய்ய வேண்டும். ரெண்டு கிலோமீட்டராச்சும் மூச்சிரைக்க ஓடிவிட்டு வர வேண்டும் என்பதெல்லாம் இருக்கட்டும். ஆனால் இதையெல்லாம் செய்தது போக ஒரு பத்து நிமிஷம். உங்கள் படுக்கையை எடுத்து மடித்து வைக்க நேரம் ஒதுக்கலாம். உங்கள் அறையை கூட்டி பெருக்கலாம். உங்கள் தோட்டத்தை பராமரிக்கலாம். தினம் தினம் உங்களுக்காக சமையலறையிலேயே தங்கள் காலைப் பொழுதுகளை தொலைத்து விட்ட அம்மாவுக்கோ மனைவிக்கோ உதவி செய்யலாம். இதற்கெல்லாம் ரொம்பவே நேரம் எடுத்துக்கொள்ளாது தான். வாட்ஸ் அப் ஸ்டேட்டஸ் மாற்றுவது ஃபேஸ்புக் அரட்டை போன்றவற்றிற்கு ஒதுக்கும் நேரத்தில் கொஞ்சம் ஒதுக்கினால் கூட போதும் தான். ஆனால்... இதையெல்லாம் தாண்டி இதெல்லாம் நாம செய்ய வேண்டிய வேலை இல்லையே என உங்கள் மனது சொன்னால் அந்த எண்ணத்தை தூக்கியெறிந்து விட்டு வேலையில் இறங்குங்கள். 

3. புதியன விரும்புங்கள் :
அலுவலகத்தில் அன்றைய வேலைகளை முடித்து விட்டீர்கள். நேரம் மீதம் இருக்கிறது. என்ன செய்வீர்கள்? வேறென்ன வீட்டிற்கு கிளம்பி போக வேண்டியது தானே என்கிறீர்களா? இனி அந்த எண்ணத்தை கொஞ்சம் தள்ளி வைப்போம். அதற்கு பதிலாக உங்கள் பக்கத்து சீட்டு நண்பரின் வேலையை கொஞ்சம் பகிர்ந்து கொண்டு செய்து பாருங்களேன். உங்கள் வேலையை தாண்டி புதிதான ஒரு வேலையின்ப அனுபவம் கிடைப்பதோடு அந்த நண்பருக்கும் உங்கள் மேல் தனி மரியாதை உருவாகும். எல்லா சின்ன சின்ன மாற்றங்களும் நன்றாக திட்டமிட்டு செயல்படுத்தபடுபவை அல்ல. இது போன்ற சூழ்நிலைகளிலும் மாற்றங்களை முன்னெடுக்க தயாராக இருங்கள். பல்வேறு இடங்களில் இவர் இந்த வேலைக்குத் தான் சரிப்பட்டு வருவார். வேறு வேலைகளை கொடுத்தால் சரியாக செய்ய மாட்டார் என்ற பிம்பம் தோற்றுவிக்கப்பட்டிருக்கும். அந்த எல்லைகளை உடைக்க முயற்சி செய்யுங்கள். ஒவ்வொரு விஷயத்திலும் புதிதான கோணங்களில் அணுகிப் பாருங்கள். ஒவ்வொரு நாளையும் சின்ன மாற்றங்களுடன் தொடங்குவதற்கு எப்போதுமே தயாராக இருங்கள். 

ஆம் அதே தான், பிரேக் தி ரூல்ஸ் தலைவா!

                                                                                                                                                                                                                   - க. பாலாஜி 

எடிட்டர் சாய்ஸ்

MUST READ