Vikatan.com

www.vikatan.com would like to send you push notifications.

Notifications can be turned off anytime from browser settings.

உடல் ஓவியமாகும் யோகாசனங்கள் - அசத்தும் பிரிட்டன் ஓவியர்! #BodyArt

பிரிட்டன் நாட்டைச் சேர்ந்த எம்மா ஃபே எனும் பெண் எதையும் வித்தியாசமாக சிந்திப்பவர். வியக்கும் வைக்கும் ஓவியங்களை வரைபவர். பொதுவாக, ஓவியர்கள் ஓவியம் வரைய கேன்வாஸ் கேட்பார்கள். ஆனால், இவர் மனித உடலையே கேன்வாஸாகப் பயன்படுத்தி அசத்துகிறார்.

1987-ம் ஆண்டு பிறந்த எம்மா ஃபே, நுண்கலை (Fine art) படித்தவர். 'பாடி ஆர்ட்' கலையில் ஆர்வம் கொண்டவர். அதில் தன் திறமையைக் காட்டிவருபவர். 'இயற்கையின் அதிசயம்' என்ற தலைப்பில் வரைந்த ஓவியங்கள் மூலம், உலகளவில் சிறந்த 'பாடி ஆர்ட்டிஸ்' என்று புகழ்பெற்றார். இதற்காக வாட்டர் கலர்ஸைப் பயன்படுத்தும் எம்மா ஃபே, இதுவரை நூற்றுக்கணக்கான உடல் ஓவியங்களை வரைந்து சக ஓவியர்களையே ஆச்சர்யப்பட வைத்துள்ளார்.

ஓர் ஓவியம் வரைய பல மணி நேரம் உழைக்கும் எம்மா ஃபே, முதலில் மாடல்களைத் தேர்வு செய்து, எந்த நிலையில் இருந்தால் எந்த உருவம் வரையமுடியும் அதற்கு எத்தனைப் பேர் தேவைப்படுவார்கள் என துல்லியமாக திட்டமிடுகிறார். அதையே மனதிற்கு ஒரு வரைபடமாக நிறுத்திக்கொள்கிறார். அதன்படி மாடல்களை நிற்கவைத்து ஓவியம் வரைந்து வண்ணம் தீட்டுகிறார். பிறகு அதே நிலையில் மாடல்களை வைத்து புகைப்படங்களை எடுக்கிறார். தற்போது பிரிட்டன் மக்களிடையே இவருடைய 'பாடி ஆர்ட்' புகைப்படங்களுக்கு நல்ல வரவேற்பு.

சமீபத்தில் 'Union of Yoga' என்ற தலைப்பில் எம்மா ஃபே வரைந்த ஓவியங்கள் உலகளவில் பராட்டுக்களைப் பெற்றுள்ளன. இதற்காக நீண்ட காலம் யோகா பயிற்சி மேற்கொள்ளும் மாடல்களைத் தேர்வுசெய்து, யோகா நிலையில் இருக்கும் மாடல்களின் உடலில் வரிக்குதிரை, ஜிராஃபி, குரங்கு, பாம்பு, கம்பளிப்பூச்சி, முயல் எனப் பல உருவங்களைத் தீட்டி மிரட்டியிருக்கிறார். புகைப்படங்களைப் பார்த்து 'ஆஹா... ஓஹோ...' என பாராட்டுகள் குவிவதுடன் அவரோடு செல்ஃபி எடுக்க கூட்டம் அலைமோதுகிறது.

எதிலும் வித்தியாசம் தேடும் எம்மா ஃபேவின் ஓவியங்களைப் பார்க்க ஆவலாக இருக்கிறதா... கீழே இருக்கும் வீடியோ வில் கண்டு ரசியுங்கள்.

 

 

 

-என்.மல்லிகார்ஜுனா

எடிட்டர் சாய்ஸ்

அப்போலோ டூ எம்.ஜி.ஆர் சமாதி... ஜெயலலிதாவுக்கு அரண் அமைத்த மன்னார்குடி!

MUST READ