Vikatan.com

www.vikatan.com would like to send you push notifications.

Notifications can be turned off anytime from browser settings.

ஹேட்ச்பேக் கார் வாங்க போறீங்களா? ஒரு நிமிஷம் ப்ளீஸ்...!


இந்தியாவின் போட்டிமிகுந்த காம்பேக்ட் ஹேட்ச்பேக் செக்மென்ட்டில், கடந்த 2011-ல் பிரியோவைக் களமிறக்கியது ஹோண்டா. டிரைவர்ஸ் கார் என்ற பெருமைக்குச் சொந்தக்காரரான பிரியோ, நீண்ட காலமாக பேஸ்லிஃப்ட் செய்யப்படாதது குறையாகவே இருந்தது. எனவே வரும் பண்டிகை காலத்தைக் கருத்தில் கொண்டு, ஸ்போர்ட்டியான டிஸைன், பிரிமியமான இன்டீரியர், மாடர்ன் சிறப்பம்சங்களுடன் கூடிய மேம்படுத்தப்பட்ட பிரியோ ஹேட்ச்பேக்கைத் தற்போது அறிமுகப்படுத்தியுள்ளது ஹோண்டா. பழைய காரில் இருந்த EX மற்றும் V ஆகிய வேரியன்ட்கள், புதிய பிரியோவில் இல்லை. தவிர ஆரம்ப மற்றும் டாப் வேரியன்ட்டுக்கு ஏற்ப சீட் ஃபேப்ரிக் மாறுகிறது. 88bhp பவர் - 10.9kgm டார்க் - 18.5கிமீ அராய் மைலேஜை வெளிப்படுத்தும் 1.2 லிட்டர், 4 சிலிண்டர் i-VTEC இன்ஜின் - 5 ஸ்பீடு மேனுவல்/AT கியர்பாக்ஸில் எந்த மாறுதல்களும் இல்லை. 87,000-க்கும் அதிகமான பிரியோ கார்களை, இந்தியாவில் ஹோண்டா விற்பனை செய்துள்ளது குறிப்பிடத்தக்கது. பாதுகாப்புக்காக, ABS, EBD, Seat Belt Pretensioner, Impact Mitigating Headrest, ACE பாடி வழங்கப்பட்டுள்ளது.

காரின் வெளிப்புறத்தில் என்னென்ன மாற்றங்கள்?

க்ரோம் ஃபினிஷ் உடனான கறுப்பு நிற கிரில் 
புதிய முன்பக்க பம்பர் மற்றும் டெயில் லைட், 
LED விளக்குகள் உடனான பின்பக்க ஸ்பாய்லர்
Taffeta White, Alabaster Sliver, Urban Titanium, Rally Red, White Orchid Pearl - கலர் ஆப்ஷன்கள்.

காரின் உட்புறத்தில் எவையெல்லாம் புதிது?

கார்பன் ஃபினிஷ் மற்றும் சில்வர் வேலைப்பாடுகளைக் கொண்ட புதிய டேஷ்போர்டு 
வெள்ளை பேக்லிட் உடன் மூன்று டயல்களைக் கொண்ட இன்ஸ்ட்ரூமென்ட் க்ளஸ்டர் 
USB, Aux-in, Bluetooth Connectivity, Hands Free Telephony ஆகிய வசதிகளுடன் கூடிய 2 DIN ஆடியோ சிஸ்டம் 
டிஜிட்டல் ஏசி கன்ட்ரோல்கள்
E, S வேரியன்ட்டில் கறுப்பு - பீஜ் நிற இன்டீரியர் 
VX வேரியன்ட்டில் கறுப்பு நிற இன்டீரியர்.
 


2 ஆண்டுகள்/40,000 கிமீ வாரன்டியுடன் வரும் பிரியோவின் டெல்லி எக்ஸ் ஷோரும் விலைகள் பின்வருமாறு;

E MT - 4.69 லட்சம்

S MT - 5.20 லட்சம்

VX MT - 5.95 லட்சம்

VX AT - 6.82 லட்சம்

- ராகுல் சிவகுரு

எடிட்டர் சாய்ஸ்

MUST READ