Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

உங்கள் வாழ்க்கையில் மேஜிக்குகளை நிகழ்த்துங்கள்! #MorningMotivation

 

மேஜிக் என்றால் என்ன ? இல்லாத ஒன்றை இருப்பது போல  ஒருவரை நம்ப வைப்பதா? அது இல்லை. அதை நம்ப வைக்க உழைப்பதுதான் மேஜிக்.  ஒரு மேஜிக் கலைஞனாக உங்களை நினைத்துக் கொண்டு குழப்பமில்லாத திறந்த மனதுடன் இந்த விஷயங்களை உங்கள் மனதில் விதைத்துப் பாருங்கள்   

1. இது வேற மாதிரி :
          ஒரு மேஜிக் கலைஞன் எப்பொழுதும் புதுப் புது முயற்சிகளில் இறங்கிக் கொண்டே இருக்க வேண்டும்.  பல இடங்களில்  ஒரே மேஜிக்கை பார்த்த குழந்தைகளுக்கு மேஜிக்கின் மீதிருந்த பழைய ஆர்வம் குறைவதை பார்க்க முடியும். அந்த மேஜிக் கலைஞனைப் போலவே ஒவ்வொரு செயலைச் செய்ய ஆரம்பிக்கும் பொழுதும் புதிதாக முயற்சி செய்து பாருங்கள். ஒரு விஷயத்தை இப்படித் தான் செய்ய வேண்டும் என்ற வரைமுறைகளை உடைத்தெறிய பழகுங்கள்.  ' இது வேற மாதிரி '  எனச் சொல்லி அடிக்கும் அதே நேரம் அந்த செயலுக்கான நேரத்தையும் கணக்கில் வைத்துக் கொள்ளுங்கள்.

2. அமைதி :
           ஒரு மேஜிக் கலைஞன் தனது திறமைகளை பார்வையாளருக்கு வெளிப்படுத்தும்  முன்பு அவன் செய்யும் முதல் விஷயம். கூட்டத்தை கட்டுப்பாட்டில் வைத்துக் கொள்வதுதான். அப்படி ஆரம்பத்திலேயே அந்த கூட்டத்தை கட்டுப்படுத்தாமல் விட்டால் அவனின் ஒவ்வொரு செயலுக்கும் கமெண்டுகள்  குவியும்.  ஆர்வமாக பார்த்து ரசிக்க நினைப்பவர்களுக்கும் கூட தன் திறமையை வெளிப்படுத்த முடியாமல் போய்விடும். இப்படி எல்லா காலக்கட்டத்திலும் உங்கள் மனதை  நிலையாகவும் தெளிவாகவும் வைத்துக் கொள்ள பழகுங்கள். எல்லா விஷயங்களுக்கும் கோபப்படுபவராகவோ அல்லது எளிதில் குழப்பமடைபவராவோ இருக்காதீர்கள். 

3. உடலும் உள்ளமும் :
           மேஜிக் செய்வதற்கு மேஜிக் கலைஞனின் மனநிலை எவ்வளவு முக்கியமோ அதே அளவு ஆரோக்கியமான உடல்நிலையும் ரொம்ப முக்கியம். நல்ல ஊட்டச்சத்துகள் நிறைந்த உணவை எடுத்துக் கொள்வதை வாடிக்கையாக்கிக் கொள்ள வேண்டும். நீங்கள் யோசிப்பதை செய்ய எப்போதும் உங்கள் உடலைத் தயார் நிலையில் வைத்துக் கொள்ளுங்கள்.          

4. ஃபார்முலா :
      ஒவ்வொரு மேஜிக் கலைஞனும் தனக்கென தனித்துவமான ஒரு  மேஜிக்கை கண்டறிந்து அதில் சிறப்பாக தேர்ச்சி பெற்றிருப்பான். குறிப்பிட்ட  அந்த மேஜிக்கை செய்யும்பொழுது மட்டும் ரசித்து கூட்டத்தை இன்னும் உற்சாகப் படுத்தியவாறு செய்து முடித்து கைதட்டலை அள்ளுவான். யாராவது மேஜிக் ரகசியங்களை கேட்கும்பொழுது சொல்லும் அவன், தன் தனித்துவமான மேஜிக்கை பற்றி மட்டும் அவ்வளவு எளிதில் சொல்லிவிட மாட்டான். அப்படி நம் ஒவ்வொருவருக்குமே தனித்துவமான திறமைகள் இருந்திருக்கும்.  உங்களுக்கான சக்ஸஸ் ஃபார்முலாக்களை  உருவாக்கிக் கொண்டே இருங்கள்.யாரோ உருவாக்கி வைத்திருக்கும் வெற்றி மந்திரத்தை கடைபிடிப்பதை விட  உங்களுக்கான ஃபார்முலாவை நீங்களே உருவாக்குங்களேன்! 

உங்கள் மேஜிக், உங்கள் வாழ்க்கையில் பல மேஜிக்குகளை நிகழ்த்த வாழ்த்துகள்!

- க. பாலாஜி    

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close