Vikatan.com

www.vikatan.com would like to send you push notifications.

Notifications can be turned off anytime from browser settings.

செல்ஃபி ஓ.கே... ஷூஃபி தெரியுமா? #Shofie

உலகம் முழுக்க இப்போது இதுதான் ஹாட்!

அழகாக வைத்துக் கொள்வதில் தொடங்கி அஷ்டகோணலாக போஸ் கொடுப்பது வரை செல்ஃபி எடுக்கும்போது ஏகப்பட்ட முகபாவங்களைப் பார்க்கலாம். செல்ஃபி டிரெண்ட் கொஞ்சம் போரடிக்கத் தொடங்கியிருப்பதை அடுத்து இப்போது ஷூஃபி ட்ரெண்ட் பற்றிக் கொண்டிருக்கிறது. இன்ஸ்டாகிராம், ட்விட்டர் என எல்லாவற்றிலும்  ஷூஃபிக்களை போஸ்ட் செய்யவென்றே ஒரு செலிப்ரிட்டி கூட்டம் இருக்கிறது.

ஷூஃபி என்றால் புரியாதவர்களுக்க ஷூ செல்ஃபி என்றால் விளங்கும்.

முகத்துக்கு பதிலாக ஷூக்களை மட்டும் விதம் விதமாக செல்ஃபி எடுத்து சோஷியல் நெட்வொர்க்கில் போஸ்ட் செய்வதுதான் ஷூஃபி.

ஆரம்பத்தில் நகைச்சுவையாகப் பார்க்கப்பட்ட ஷூஃபி கலாசாரம், இன்று பிரபலங்கள் மத்தியில் ஃபேஷன் ஸ்டேட்மென்ட்டாகவே மாறியிருக்கிறது. அழகான கால்கள், ஆடம்பரமான காலணிகள், அட்டகாசமான தரை... பெஸ்ட் ஷூஃபி எடுக்க இவை மட்டுமே போதும்.

மேக்கப் போடலை... ஃபோட்டோவுக்கு போஸ் பண்ண மூடு இல்லை.... நாட் இன்ட்ரெஸ்ட்டட் என்றெல்லாம் சொல்லி, மீடியாக்களுக்கு போஸ் கொடுக்க மறுக்கும் பிரபலங்கள்கூட, ஷூஃபி என்றால் டபுள் ஓ.கே சொல்ல ஆரம்பித்திருக்கிறார்கள்.

ஹாலிவுட்டில் ஷூஃபி டிரெண்ட் பற்றி எரியக் காரணமானவர் சின்னத்திரை பிரபலமும் மாடலுமான Kim Kardashian.  அநியாயத்துக்கு செல்ஃபி பைத்தியமான இவர், இப்போது ஷூஃபி பைத்தியமாக மாறியிருக்கிறார்.

செல்ஃபிஷ் என்கிற பெயரில் தனது செல்ஃபிக்களை வைத்து ஒரு புத்தகமே வெளியிட்டிருக்கிறார் கிம். அந்தப் புத்தகத்தில்  அவரது செல்ஃபிக்களுக்கு இணையாக ஷூஃபிக்களே ஆக்கிரமிக்கின்றன. 

ஹாலிவுட்டில் ஆரம்பித்த இந்த புதுமைப் பித்து இப்போது நம்மூருக்கும் வந்திருக்கிறது. இன்னும் கொஞ்ச நாட்களுக்கு  சோஷியல் மீடியாக்களில் காலணி ஆதிக்கம்தான்!

-ஆர்.வைதேகி

எடிட்டர் சாய்ஸ்

MUST READ