Vikatan.com

www.vikatan.com would like to send you push notifications.

Notifications can be turned off anytime from browser settings.

யெஸ் பாஸ்; நோ சொல்லப் பழகுங்க! #MorningMotivation

 

 

via GIPHY

நம்மிடம் இருக்கும் பெரும் பிரச்சனைகளில் ஒன்று எல்லாவற்றிற்கும் " யெஸ் " சொல்லி மாட்டிக்கொள்வது. அலுவலகத்தில் உயர் அதிகாரி இந்த வேலையை  நீங்கள் தான் செய்து முடிக்க வேண்டும் என கேட்கிறாரா, வீட்டில் குழந்தை வெளியே அழைத்துச் செல்ல வேண்டும் என கேட்கிறதா எல்லாவற்றுக்கும் யோசிக்காமல் 'யெஸ்' சொல்லியே பழக்கப்பட்டிருப்பீர்கள்.

 ஆனால் வேறு ஏதாவது ஒரு வேலைப்பளுவில் மாட்டிக் கொண்டு நீங்கள் ஒப்புக் கொண்ட வேலையை முழுமையாக செய்து முடிக்காமல் போகும் பொழுது உங்கள் உயரதிகாரிக்கும் குழந்தைக்கும் உங்கள் மேல் இருக்கும் நம்பிக்கை குறைவதையும் தாண்டி உங்களுக்கே உங்கள் வேலை மீதான நம்பிக்கை குறைந்து விடுவதை உணர முடியும். இப்படி உங்களுக்காக இல்லாவிட்டாலும் உங்களை சுற்றி இருப்பவர்களுக்காகவே உங்களுக்கு பிடிக்காத வேலையாக இருந்தாலும் யாரும் ஏதும் சொல்லிவிடுவார்களோ என்ற நினைப்பிலும் தயக்கத்திலுமே எல்லாவற்றுக்கும் தலையாட்டி விடுவோம். பின்னர் அந்த வேலையை செய்ய ஆரம்பிக்கும் பொழுது நிச்சயமாக அதன் மீது முழுமையான ஈடுபாட்டை காட்டவே முடியாது. 

  • உங்களுக்கு தெரியாத அதிகம் பரிட்சயமில்லாத விஷயங்களைச் செய்ய சொல்லி நிர்பந்திக்கும் பொழுது முழு மனதோடு அதை நிராகரித்து விடுங்கள். அதே நேரம் எல்லாவற்றுக்கும் "எனக்கு இது தெரியாது " " எனக்கு இதில் ஆர்வம் இல்லை " என்ற கருத்துகளை மட்டுமே பகிராமல் ஓய்வு நேரங்களில் அதை பற்றித் தெரிந்து கொள்ள உங்கள் நேரத்தை செலவு செய்யுங்கள். இது உங்களுக்கு தெரியாத விஷயத்தையோ ஏதோ சொல்கிறார்கள் செய்து பார்ப்போம் என்று அரைகுறையாக செய்வார்களே அவர்களிடமிருந்து உங்களைத் தனித்துக் காட்டும்.

 

  • 'செய்ய முடியும்' அல்லது 'முடியாது' என்ற குழப்பமான நேரங்களில் நாம் அதிகம் தேர்ந்தெடுப்பது அதிகபட்சமாக ' செய்ய முடியும் ' என்பதாகத் தான் இருக்கும். அது போன்ற நேரங்களில் தெளிவாக உங்கள் கருத்தை வெளிப்படுத்த பழகுங்கள். 
  • ' யெஸ் ' அல்லது 'நோ' அதைச் சொன்னாலும் அது முழுக்க முழுக்க எந்த வித விமர்சனத்துக்கும் அஞ்சாமல் உங்களிடமிருந்து வெளிப்பட்டதாகவே இருக்க வேண்டும் என்பதில் உறுதியாக இருங்கள். ' நேர்படப் பேசு' என பாரதி சொன்னது இதற்காகத் தான்.
  • ஒவ்வொரு முறை நோ சொல்லும் பொழுதும் அந்த கேள்விக்கான அடுத்த கட்ட தீர்வையும் தயக்கமில்லாமல் முன்வைத்தால் உங்கள் மேல் தனிக்கவனம் உருவாகும். இயல்பாக எல்லா விஷயத்துக்கும் ' யெஸ் ' சொல்லியே பழக்கப் பட்டிருக்கும் நம் மனதுக்கு ' நோ ' எனச் சொல்வது ஆரம்பத்தில் கொஞ்சம் சிரமமாய் தான் இருக்கும். ஆனால் விருப்பமில்லாத விஷயங்களில் நீங்கள் 'நோ' சொல்ல ஆரம்பித்தால் தானாகவே உங்களுக்கு பிடித்த விஷயங்களுக்கு எல்லோரும் 'யெஸ்' சொல்லுவார்கள்!

யெஸ் பாஸ்; நோ சொல்ல பழகுங்க!

- க. பாலாஜி 

எடிட்டர் சாய்ஸ்

அப்போலோ டூ எம்.ஜி.ஆர் சமாதி... ஜெயலலிதாவுக்கு அரண் அமைத்த மன்னார்குடி!

MUST READ