Vikatan.com

www.vikatan.com would like to send you push notifications.

Notifications can be turned off anytime from browser settings.

எல்லாமே ஒரு கணக்குதான்! #WorldMathsDay

படிக்கும்போது நமக்கு எட்டிக்காயாய் எட்ட நின்றது கணக்குப் பாடம். பலருக்குக் கணக்கை நினைச்சாலே மெரசல் ஆகும். அப்படிச் சின்ன வயதில் நம்மை வெச்சு செஞ்ச கணக்குக்கு இன்னிக்கு பர்த்டேவாம். அதான் பாஸ், உலக கணக்கு தினமாம். #WorldMathsDay

நாம ஒண்ணாவது, ரெண்டாவதுல படிச்ச கூட்டல், பெருக்கல் கணக்குகளைத் தவிர வேறு கண்ணைக் கட்டும் எந்தக் கணக்குகளையும் வாழ்நாளில் எங்கேயுமே பயன்படுத்தப் போறதில்லை. அப்புறம் எதுக்குய்யா அப்படி மண்டையைக் குழப்பி காஷ் தீட்டா, டேன் தீட்டான்னு 'கொசகொச' ஃபார்முலாக்களைப் படிக்கச்சொல்லி 'ஞேஞே'ன்னு சுத்த விட்டீங்க? ...

பிதாகரஸ் தேற்றம், லெக்ராஞ்சியின் நான்கு வர்க்கத் தேற்றம்னு விதவிதமான பெயர் வெச்சு அதே எக்ஸ், ஒய், இசட்டை மல்லாக்கப் படுக்க வெச்சு, சேர்த்து வெச்சு, விலக்கி வெச்சுனு டிசைன் டிசைனா புரியாமலேயே என்னென்னவெல்லாமோ பண்ணிக் கடைசியா, வலதுகைப் பக்கமும், இடதுகைப் பக்கமும் சமமா இருக்கு. தேற்றம் சரியாத்தான் இருக்குனு சர்டிஃபிகேட் கொடுப்போம். ஆமா... அவ்ளோ பெரிய அறிஞர்களுக்குத் தெரியாததா எங்களுக்குத் தெரிஞ்சிடப் போகுது? அப்புறம் ஏன்யா பாடாய்ப் படுத்துறீங்க?

வர்க்கமூலம், கனமூலம்னு விதவிதமான பஸ் ஸ்டாப் போஸ்டர் வகையறாக் கணக்குகளைத் தீர்க்கச் சொல்லி வருசம் முடியும்போது கணக்குக்கு மட்டும் ஆறு நோட்டு முடிஞ்சு போயிருக்கும். அப்பா கொடுத்த காசெல்லாம் கணக்கு நோட்டு வாங்கியே காலியாப் போகுதுன்னு கண்ணைக் கசக்கி நின்ன பயலுகதானே நாமெல்லாம். 

பள்ளிக்கூடம் படிக்கும்போது பெருமைக்கு எருமை மேய்ச்ச கதையா கணக்கைப் பார்த்தாலே எட்டடிக்குப் பாய்ஞ்சு பல்டி அடிச்சுப் பறந்திருப்போம். கணக்கு வாத்தியாரைப் பார்த்தாலே log 270 டிகிரிக்கு வேல்யூ என்னன்னு கேட்டு மண்டையில் கொட்டுவாரேனு டேபிளுக்கு அடியில் நுழைஞ்சு தலைமறைவாகி இருப்போம். 

ஆனால், மளிகைக் கடையில் பொட்டுக்கடலையும் பொரியும் வாங்குறதுல இருந்து பங்குச்சந்தையில் ஷேர் விற்கிறது, விண்வெளிக்கு ராக்கெட் விடுறது வரையும் வாழ்க்கையில் எல்லாமே கணக்குதான். ஆகவே மக்களே... நாம படிச்ச கணக்கு நமக்கு ஒரு வகையிலேயும் பயன்படலையேன்னு மனம் வெதும்பிப் பாடம் நடத்திய வாத்தியாரைத் திட்டுறதை விட்டுட்டு கணக்குப் பாடத்தைக் கொண்டாடும் விதமாக உங்களுக்கு நினைவில் இருக்கும் ஃபார்முலாக்களை எல்லாம் கமென்ட்டில் கொட்டிவிட்டுப் போங்களேன். a+b+2ab -யைத் தவிர இன்னும் என்னவெல்லாம் நமக்கு ஞாபகம் இருக்குனு பார்க்கலாம்.

கணக்கு வாத்தியார்களையே கதிகலங்க வைத்த சில கில்லாடி மாணவர்களின் பதில்களை வீடியோவில் கண்டு மகிழுங்கள்...

 

 

- விக்கி

இது தொடர்பா வேற என்னலாம் நடந்திருக்குனு தெரிஞ்சுக்கலாமா?

எடிட்டர் சாய்ஸ்

MUST READ