Vikatan.com

www.vikatan.com would like to send you push notifications.

Notifications can be turned off anytime from browser settings.

இந்தியப் பெண்களுக்கு தற்காப்புக் கலை கற்றுத் தரும் கலிஃபோர்னியா மாணவி! #taekwondo

பெண்களுக்கு எதிராக நடக்கும் பாலியல் குற்றங்கள் பற்றி தினமும் செய்திகளில் படிக்கிறோம். ''பெற்றோர்கள், பெண் குழந்தைகளுக்கு சொத்துகள் தராவிட்டாலும் பரவாயில்லை. தன்னம்பிக்கை மற்றும் தற்காப்புக்கலை கற்றுத்தருவதுதான் காலத்தின் அவசியம்'' என்கிறார், 19 வயது பூஜா நாக்பால். அமெரிக்காவில் வசித்துவரும் இவர், அமெரிக்கா மற்றும் இந்தியாவில் உள்ள மாணவிகளுக்கு தற்காப்புக்கலை கற்றுத்தருவதோடு, தக்க சமயத்தில் அதைச் செயல்படுத்தத் தேவையான தைரியம், தன்னம்பிக்கையும் கொடுத்து வருகிறார்.

அமெரிக்கா, மக்களுக்குச் சேவை செய்யும் இளம் ஹீரோக்களைத் தேர்வுசெய்து, 'குளோரியா பேரோன்' என்ற விருதை ஆண்டுதோறும் வழங்கி வருகிறது. இந்த ஆண்டுக்கான இளம் ஹீரோ விருது பெற்றிருக்கிறார், பூஜா நாக்பால். ''என் மூன்று ஆண்டு சேவைக்கான பலன் இந்த விருது'' என்று பெருமையுடன் கூறும் பூஜா,  கராத்தே, டேக்வாண்டோ தற்காப்புக் கலைகள் கற்று, 15 வயதில் பிளாக் பெல்ட் பெற்றவர்.

பூஜா தான் படிக்கும் பள்ளியில் ஸ்கௌட்டில் சேர்ந்திருந்தார். இதில் 'Girl Scout Gold Award ' புராஜெக்ட்டுக்காக இந்தியாவின் இமாச்சல பிரதேசத்தில் உள்ள சுபாத்து என்ற மலைக் கிராமத்துக்கு வந்தார். இந்தக் கிராமம்தான் பூஜா நாக்பால் அப்பாவின் சொந்த ஊர். இங்கு, சிறு வயதிலேயே திருமணம் செய்துவைப்பது, வேலைக்கு அனுப்பவது மற்றும் பாலியல் வன்முறைகள் என பெண்களுக்கு எதிராக நடக்கும் விஷயங்களைப் பார்த்து  மிகவும் வேதனை அடைந்தார் பூஜா. அவர்களுக்கு உதவ எண்ணி,  தற்காப்புக் கலை கற்றுத்தர ஆரம்பித்தார். பூஜாவின் இந்த சிந்தனையையும் முயற்சியையும் பாராட்டிய அவர் பள்ளி, அவருக்கு கேர்ள் ஸ்கௌட் கோல்டு அவார்டு வழங்கியது.

ஸ்கௌட்டில் தனக்கு அவார்டு கிடைத்துவிட்டது என்பதுடன் நிறைவடைந்துவிடவில்லை பூஜா.  சுபாத்து கிராமத்துக்கு மீண்டும் வந்தவர், அங்குள்ள  பள்ளி மாணவிகளுக்குத் தற்காப்புக் கலையைத் தொடர்ந்து கற்றுத்தர ஆரம்பித்தார்.  அதோடு தன்னம்பிக்கை, தைரியத்தையும் அவர்கள் மனதில் வளர்த்தார். அடுத்தக் கட்டமாக, 'For a Change, Defend' என்ற பெயரில் தொண்டு நிறுவனம் ஒன்றைத் தொடங்கியவர், ஆதரவற்ற குழந்தைகளுக்கும் தற்காப்புக் கலை கற்றுத் தர ஆரம்பித்தார்.

தற்போது, கலிஃபோர்னியா பல்கலைக்கழகத்தில் பொறியியல் படித்துவரும் பூஜா, ஒவ்வொரு ஆண்டும்  இந்தியாவுக்கு வந்து, இமாச்சல பிரதேசத்தில் உள்ள கிராமங்கள் மற்றும் டெல்லி, சண்டிகரில் உள்ள  பள்ளி மாணவிகளுக்கும், ஆதரவற்ற குழந்தைகளுக்கும் தற்காப்பு வகுப்புகள் எடுக்கிறார். கடந்த மூன்று வருடங்களாக இச்சேவையைச் செய்துவரும் பூஜா, இதற்காக ஆண்டுக்கு  சுமார் 10 லட்சம் செலவிடுகிறார். தன் தொண்டு நிறுவனத்துக்கான செலவுகளுக்காக படித்துக்கொண்டே பார்ட் டைம் வேலை செய்து வருகிறார்.

''இந்திய மற்றும் அமெரிக்கப் பெண்களுக்கு தற்காப்புகலை கற்றுத் தருவதற்காக அமெரிக்க அரசாங்கம் வழங்கியுள்ள 'குளோரியா பேரோன்' விருது என்னை உற்சாகப்படுத்துவதாக இருக்கிறது. எந்த தேசமானாலும் சரி... ஒவ்வொரு வீட்டிலும் உள்ள பெண் பிள்ளைகள் தைரியமும் தற்காப்புக்கலையும் தெரிந்தவர்களாக வளரட்டும்!" என்கிறார் பூஜா.

- என்.மல்லிகார்ஜுனா

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ