Vikatan.com

www.vikatan.com would like to send you push notifications.

Notifications can be turned off anytime from browser settings.

மாற்றம்... முன்னேற்றம்.. அவ்வ்வ்வ்வ்! #MakeADifferenceDay

'மாற்றம் ஒன்றே மாறாதது'ன்னு மகான் சூர்யா சொன்னதற்கேற்ப, இந்த உலகத்தில் இருக்கும் எல்லாமே மாற்றங்களுக்கு உட்பட்டவைதான். இன்னிக்கு நம்மகிட்ட இருக்கிற ஒண்ணு நாளைக்கு வேறொருத்தர்கிட்ட இருக்கலாம். அல்லது இல்லாமலேயே அழிஞ்சும் போகலாம். (இதை யாரு சொன்னதுன்னு கேட்கப்படாது.) அதனால், இழந்த பல விஷயங்களை நினைத்து ஏங்கிக்கொண்டிருக்காமல் மாற்றங்களை மனதார ஏற்றுக்கொண்டு மகிழ்ச்சியோடு வாழப் பழகிக்கொள்ளுங்கள். #MakeADifferenceDay

 

கருத்தெல்லாம் இருக்கட்டும். பல நூற்றாண்டுகள் ஆனாலும் இவையெல்லாம் மாறவே மாறாதான்னு நம்மைக் கலங்கடிக்கும் சில விஷயங்கள் இருக்கு. அதையெல்லாம் கொஞ்சம் மாத்துனா பல பேருக்கு நன்மையாக அமையும். யாருக்கு? யாருக்கோ...

 

  • ஹாஸ்பிட்டலில் அட்மிட் பண்ணின பேஷன்ட் புட்டுக்கிட்டா, ஆபரேஷன் தியேட்டர்ல இருந்து வெளியே வர்ற டாக்டர், போட்டிருக்கிற கண்ணாடியைக் கழட்டிக்கிட்டே 'ஐ யம் வெரி ஸாரி' ங்கிறதும், ஒரு வேளை பேஷன்ட் பொழைச்சுக்கிட்டா 'இட்ஸ் எ மெடிக்கல் மிராக்கிள்'னு கண்ணாடியைத் தூக்கிப் பார்த்துக்கிட்டே ஆச்சரியப்படுவதும் இந்த சினிமாவில் எப்பத்தான் மாறும் டாக்டர்ஸ்? ஸாரி... டைரக்டர்ஸ்?
     
  • எவ்வளவோ டெக்னாலஜி முன்னேற்றத்தைப் பார்த்திருந்தாலும், அரசியல்வாதிகள் இன்னும் ஏன் பிரதமருக்குக் கடிதத்தையே எழுதிட்டு இருக்காங்கனு புரியவே இல்லை. வீடியோ கான்ஃபரன்ஸ்ல பாலத்தையெல்லாம் திறந்து வைக்கிறீங்க. ஒரு இ-மெயில் அனுப்ப மாட்டீங்களா?
     
  • நம்ம நாட்டில் ஐயாயிரம், பத்தாயிரம் சம்பளம் வாங்குறவய்ங்களும், நாற்பதாயிரம், ஐம்பதாயிரம் சம்பளம் வாங்குறவிங்களும் மாசக் கடைசி ஆனால் மட்டும் 'மாப்ள... ஒரு ரெண்டாயிரம் இருந்தாக் கொடுடா. அடுத்த வாரம் சம்பளம் வந்ததும் திருப்பித் தந்திடுறேன்'னு சொல்றது மட்டும் மாறவே மாறாது. #ச்சை.. ஒரே கஷ்டமப்பா!

  • ஃபேஸ்புக்கில் நாம் என்ன போஸ்ட் போட்டாலும், கமென்ட் பாக்ஸில் வந்து ரீசார்ஜ் ஆஃபர்னு டிசைன் டிசைனா காப்பி பேஸ்ட் கமென்ட் போடுறது மட்டும் எப்போ மாறும்னு தெரியலை. #இன்னுமாய்யா இதையெல்லாம் நம்புறீங்க?
     
  • இந்த ட்விட்டர் யுகமாக இருந்தாலும் சரி, முப்பது வருசத்துக்கு முன்னாடியா இருந்தாலும் சரி, எந்தக் காலமாக இருந்தாலும் பசங்க பொண்ணுங்களை சைட் அடிச்சா, குடும்பத்தில் பல்க்காக இருக்கும் யாரிடமாவது சொல்லிப் பயமுறுத்துவதும், அட்ரஸ் கேட்டால் போலீஸைக் கூப்பிடுறதுமாகப் பசங்களைக் கோத்துவிட்டு விளையாடுவதையே வேலையாக வெச்சிருப்பாங்க. #இந்த ஊர் எப்போதான் மாறும்?
     

- விக்கி

இது தொடர்பா வேற என்னலாம் நடந்திருக்குனு தெரிஞ்சுக்கலாமா?

எடிட்டர் சாய்ஸ்

MUST READ