Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

’இதுக்கு 85 வழிகளா?’ - சின்ன விஷயத்துக்காக செம ஹிட் அடித்த புத்தகம்!

ஒன்றுமே இல்லாத விஷயமாக நாம் நம்பும் ஒரு கான்செப்டினை வைத்து புத்தகம் ஒன்று ஹிட் அடிக்க முடியுமா? முடியவே முடியாது என்பார்கள் புத்தகப் ப்ரியர்களும், இலக்கியம் சார்ந்தவர்களும். 

ஆனால், அப்படிப்பட்ட கான்செப்டில் உருவான ஆங்கில மொழிப் புத்தகம் ஒன்று வரலாற்றில் கன்னாபின்னாவென்று ஹிட் அடித்திருக்கிறது. நம்புங்கள்....’டை கட்டுவது எப்படி’ என்பதைச் சொல்லிக் கொடுக்கும் புத்தகம்தான் அது.

தாமஸ் ஃபிங், யோங்க் மாவோ ஆகிய இருவரும் கேம்ப்ரிட்ஜ் பல்கலைக்கழகத்தில் ஆய்வுக் கல்வியில் தீவிரமாகவிருந்தனர். ஆராய்ச்சி படிப்பு என்றால் சும்மாவா? என்ன தியரி சப்மிட் செய்யலாம் என்று யோசித்துக் கொண்டே இருந்த இருவருக்குமே, கணித சூத்திரங்கள் மீது ஆர்வம் அதிகம்.

இயற்பியலில் திறமையானவராக இருந்தாலும், தாமஸ் ஃபிங்குக்கும் கணிதத்தில் ஒரு தனி கிரேஸ். பேப்பருக்காக யோசிக்கும்போதுதான் இருவருக்குமே ஒரு செம கான்செப்ட் கையில் கிடைத்தது.

தினமும்தான் கல்லூரிக்கும், வேலைக்கும் டை கட்டிக் கொண்டு போகிறோம். ஆனால், அதை எத்தனை விதங்களில் சரியாகக் கட்ட முடியும் என்று யோசித்திருக்கிறோமா? என்று மண்டையில் ஆணி அடித்த கணக்காய் தோன்றியதுதான் தாமதம், இருவரும் கணிதச் சூத்திரங்களையெல்லாம் உருட்டி, புரட்டி ‘தி 85 வேஸ் டூ டை எ டை' (The 85 ways to tie a tie) என்றொரு ஆய்வு முடிவினை தெள்ளத் தெளிவாக எழுதி முடித்தனர். ஆளுக்கொரு பேப்பரையும் ஆசிரியர்களுக்கு முன்வைத்தனர். 

பேராசிரியர்களிடமும், ஆய்வாளர்களிடமும் அந்த ஆய்வுப் பேப்பர்களுக்கு அதிரிபுதிரியான ரெஸ்பான்ஸ் கிடைக்கவும், 1999 ஆம் ஆண்டு வாக்கில் ‘ஃபோர்த் எஸ்டேட்’ பதிப்பகம் மூலமாக புத்தகமாகவும் வெளியிட்டனர். 

கணிதக் கோட்பாடுகளைக் கொண்டிருந்தாலும், ஆண்கள் மத்தியில் புத்தகத்துக்கு ஏகபோகமாக வரவேற்பு குவியவும், மேலும் 9 மொழிகளில் வெளியாகி சாதனை படைத்தது இந்தப் புத்தகம். 

இத்தனை வருடங்கள் கடந்த போதிலும், இன்றைக்கும் கூட டை கட்டுவதில் யாருக்கேனும் சற்றே சந்தேகம் ஏற்பட்டால், தக்க சமயத்தில் கைகொடுக்கிறது இந்த எவர்க்ரீன் கான்செப்ட் புக். உங்களுக்கும் டை கட்டறது கஷ்டமா இருக்கா பாஸ்? உடனே தயங்காம இந்தப் புக்கை படிச்சுடுங்க!

-பா.விஜயலட்சுமி
 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close