Vikatan.com

www.vikatan.com would like to send you push notifications.

Notifications can be turned off anytime from browser settings.

தீபாவளியை நிஜமாகவே ‘ஹாப்பி தீபாவளி’ ஆக்கும் 10 விஷயங்கள்!

பொங்கலுக்கும் தீபாவளிக்கும் இருக்கும் வித்தியாசங்களே குறைந்து கொண்டு வருகின்றன. எல்லா பண்டிகை நாட்களும் ஒரே டெம்ப்ளேட்டில் அடங்கிவிடுவது பெரும் சோகம்.   இதற்கு நடுவில் பண்டிகை நாட்களை பெரும் சுமையாக கருதும் ஆட்களும் அதிகமாகிக் கொண்டு வருகின்றனர். அதை தவிர்க்க, பண்டிகைகளை சந்தோஷத்துடன் கழிக்க, கொஞ்சம் திட்டமிட்டால் போதும். 

1. ப்போதுமே தொடர் விடுமுறை நாட்களில் நாம் சந்திக்கும் முக்கியப் பிரச்சினை அலைமோதும் கூட்டம். கடைத் தெருக்கள், பேருந்து நிலையங்கள் போன்ற நெரிசல் மிகுந்த பகுதிகளுக்கு குழந்தைகள், முதியவர்களை அழைத்துச் செல்வதை தவிருங்கள்.

 

2. தீபாவளிக்கு முதல் நாள் இரவில் ஊருக்கு கிளம்புபவராக இருந்தால், முடிந்த வரையில் மாலையே பேருந்து நிலையத்துக்கு சென்று விடுவது நல்லது.. சென்னை போன்ற நகரங்களில் இருந்து கிளம்புபவராக இருந்தால் உங்கள் ஊருக்கு எந்த பேருந்து நிலையத்திலிருந்து பேருந்து கிளம்பப் போகிறது என்பதை தெரிந்து கொண்டு அதற்கேற்ப செயல்படுவது அவசியம். 

3. தீபாவளி என்றாலே இனிப்பு, புத்தாடை, பட்டாசு என களைகட்டும். குழந்தைகளுக்கு புத்தாடைகள் எடுக்கும் பொழுது எளிதில் நெருப்பினால் உருகக்கூடிய நைலான் வகை துணிகளைத் தவிருங்கள். அதற்குப் பதில் காட்டன் துணிகளை அணிந்து கொள்ள வைக்கலாம். ஒரு வாளியில் தண்ணீரும்,மணலும், முதலுதவி பெட்டியும் தயாராக வைத்திருங்கள்.பட்டாசு வெடிக்கும் பொழுது பெரியவர்கள் துணை அருகில் அவசியம் இருக்க வேண்டும்.  

4. தீபாவளியில் தவிர்க்கவே முடியாத ஒரு விஷயம் என்றால் அது பட்டாசு தான். ஆனால் இந்த கொண்டாட்டங்களுக்கு இடையே நம் வீட்டு செல்லப் பிராணிகளை மறந்து விடுவோம். சாதாரணமாக மனிதர்களின் கேட்கும் திறனை விட விலங்குகளின் கேட்கும் திறன் ரொம்பவே அதிகம். ஒரு சின்ன சத்தம் கூட அவைகளுக்கு துல்லியமாக கேட்கும். முடிந்த வரையில் அதிக ஒலி எழுப்பாத பட்டாசுகளை தேர்ந்தெடுங்கள். செல்லப் பிராணிகளை சத்தம் கேட்காத அறைகளில் விடுங்கள். தீபாவளியை உங்கள் சுற்றத்தோடு கொண்டாடும் அதே நேரம் உங்கள் செல்லப்பிராணிகளையும் கவனத்தில் கொள்ளுங்கள். 

5. பேருந்து, ரயில்களில் முன் பதிவில்லாமல் பயணம் செய்ய நேர்ந்தால் கூட்ட நெரிசலில் முண்டியடித்துக் கொண்டு ஏறுவதை தவிர்க்க வேண்டும். அப்படி அவசரத்தில் ஏறும்பொழுது நம்மையே அறியாமல் விபத்துகளை ஏற்படுத்த வாய்ப்புண்டு. ஏனென்றால் இது எல்லோருக்குமான தீபாவளி தானே பாஸ்.

6. தீபாவளி நேரத்திலும் சரி மற்ற நேரங்களிலும் சரி பட்டாசை தவிர்த்து தீபாவளி கொண்டாடும் பல்வேறு முன்மாதிரி கிராமங்கள் தமிழகத்தில் உள்ளன. பட்டாசு வெடித்து தீபாவளி கொண்டாடும் பழக்கம் ஆரம்பத்திலிருந்தே நம்மிடம் இருப்பதால் பட்டாசு இல்லாமல் தீபாவளி கொண்டாடுவது என்பது கொஞ்சம் கஷ்டமாகத்தான் இருக்கும். ஆனால் காற்றில் நச்சு கலக்கும், நம் சுற்றுச்சூழலை பாதிக்கக்கூடிய பட்டாசுகளை வெடித்து தான் ஆக வேண்டுமா? கொஞ்சம் யோசித்துப் பாருங்களேன். 

7. தீபாவளிக்கு ஊருக்கு செல்ல திட்டமிடும் பொழுது ஒரு நாள் முன்னதாகச் செல்லும் வகையிலும், திரும்புவதையும் ஒரு நாள் முன்னதாகவே இருக்குமாறு திட்டமிட்டுக் கொள்ளுங்கள். இப்படி முறையாக திட்டமிட்டப் பயணத்தால் பண்டிகையை நிறைவாக டென்ஷன் இல்லாமல் கொண்டாடிய திருப்தி இருக்கும். 

8.ல்லா நேரமும் ஃபேஸ்புக், வாட்ஸ்அப்பிலேயே உலாவிக் கொண்டு இருக்க பழக்கமாகி விட்டோம். அதை இந்த தீபாவளியில் தவிர்த்து உங்கள் குடும்பத்தோடு பேசிக்கொண்டும் எல்லா வேலைகளையும் இழுத்துப் போட்டுச் செய்யும் அம்மாக்களுக்கு உங்களால் முடிந்த உதவிகளையும் செய்து அவர்களின் வொர்க் பிரஷரையும் குறையுங்கள் பாஸ். அதுதான் நிஜமான ஹாப்பி தீபாவளி. 

9. ரண்டு பேர் ஒன்றாக எங்கேயாவது சென்றாலே செல்பி எடுத்து அப்லோடி விடுவோம். குடும்பத்தோடு ஒன்றாக கொண்டாடும் தீபாவளியில் சும்மா இருப்போமா என்ன?. ஆனால் பட்டாசை கையில் பற்ற வைத்துக் கொண்டு செல்பி தட்டுவது. புஸ்வானத்தை தலையில் வைத்து எடுப்பது போன்ற விளையாட்டுகள் வேண்டாமே. அம்மா செய்து கொடுத்த இனிப்பை சாப்பிட்டபடி எடுக்கும் செல்பிக்கு மட்டுமே லைக்ஸ் என்ற உறுதிமொழியை ஏற்போம் : 

       

10.ல்லா நாட்களிலும் இந்திய தொலைக்காட்சிகளில் முதல் முறையாக போடும் படங்களையும். திரைக்கு வந்து சில நாட்களே ஆன படங்களையும் பார்க்கத்தான் போகிறோம். தீபாவளி சமயத்தில் நாலு பெட்டிக்குள் உங்கள் நாளை தொலைத்து விடாமல். குடும்பத்தோடு ஓய்வு நேரத்தை செலவிடுங்கள். நெடுநாள் சந்திக்காத உறவினர் வீட்டுக்கோ, நண்பர்களின் வீட்டுக்கோ ஒரு திடீர் விசிட் அடித்து சர்ப்ரைஸ் சந்தோஷம் கொடுத்துப் பாருங்களேன். இந்த தீபாவளி உங்களுக்கும் உங்களைச் சுற்றி இருப்பவர்களுக்கும் மறக்க முடியாத நாளாக இருக்கும்!

 

- க. பாலாஜி 

எடிட்டர் சாய்ஸ்

MUST READ