Vikatan.com

www.vikatan.com would like to send you push notifications.

Notifications can be turned off anytime from browser settings.

தாயின் சிகிச்சைக்காக தன்னையே விற்கத் துணிந்த பெண்!

த்து மாதம் சுமந்து பெற்றெடுத்த தாய், நோயால் கண்முன்னே அவதிப்படுவதைக் கண்டால் யாருக்குத்தான் கண்ணீர் வராது? எப்படியாவது தாயைக் காப்பாற்றிவிட வேண்டும் என்றுதான் அனைவரும் நினைப்போம். அதுபோலதான் சீனாவைச் சேர்ந்த ஓர் இளம்பெண், புற்றுநோய் பாதிப்பால் அவதிப்பட்டுக்கொண்டிருக்கும் தன் தாயைக் காப்பாற்ற, தான் எடுத்த வியக்கவைக்கும் முடிவால், சீன மக்களிடையே பரபரப்பாக பேசப்பட்டுவருகிறார்.

அப்படி என்ன செய்தார் தெரியுமா?!

தெற்கு சீனாவின் கவாங்ழு நகரைச் சேர்ந்தவர், 19 வயது காவோ மேங்வான் (Cao Mengyuan).  சாதாரண விவசாயக் குடும்பத்துப் பெண். விவசாய வேலைசெய்து அவரையும், அவரின் நான்கு சகோதர, சகோதரிகளையும் காப்பாற்றி வந்தார் காவோவின் தாய். 45 வயதான அவர் சருமப் புற்றுநோயால் பாதிக்கப்பட்டு கடந்த சில நாட்களாக படுத்தப் படுக்கையாகிவிட்டார். இவருக்கு சிகிச்சை செய்துவரும் மருத்துவர்கள், 'உங்கள் அம்மாவைக் காப்பாற்றவேண்டும் என்றால் சுமார் 30 லட்சத்துக்கு மேல் செலவாகும்' என்று சொல்லிவிட்டனர் காவோவின் குடும்பத்தினரிடம்.

அவ்வளவு பெரிய தொகைக்கு எங்கு போவது, யாரிடம் கேட்பது என்று குடும்பமே சோகத்தில் அழ்ந்திருக்க, ஐந்து பிள்ளைகளில் மூத்தவளான காவோ, தாயைக் காப்பாற்றும் பொறுப்பை தான் எற்றுக்கொள்வதாகக் கூறினார். என்றாலும், அவ்வளவு பெரிய தொகைக்கு என்ன வழி என்று தெரியாத நிலையில், தன்னைத் தானே ஆன்லைனில் விற்க முடிவெடுத்துள்ளார்.

சீனா சோஷியல் மீடியாக்களில், 'என் தாயின் சிகிச்சைக்காக ரூபாய் 30 லட்சம் அவசரமாகத் தேவைப்படுகிறது. அந்தத் தொகைக்கு மேல் தந்து உதவுபவர்களுக்கு நான் வாழ்நாள் முழுக்க அடிமையாகி சொன்னபடி நடந்துகொள்ளத் தயார்' என்று ஓர் அறிவிப்பை வெளியிட்டார்.

காவோவின் இந்த தியாகம் வைரலாகப் பரவி அனுதாப அலையை ஏற்படுத்த, இதைக் கேள்விப்பட்ட ஒருவர், இப்போது காவோவுக்கு உதவ முன்வந்துள்ளார்.

அம்மாவுக்காக!.....

-என்.மல்லிகார்ஜுனா

எடிட்டர் சாய்ஸ்