Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

விமான கண்டுபிடிப்புக்கும், வாக்குவம் கிளீனருக்கும் என்ன தொடர்பு?

விமான கண்டுபிடிப்பு தொழில்நுட்பம்

அந்தப் பாதை வழியாகச் செல்லும் ஆட்கள் "என்னடா தம்பிகளா எப்ப பார்த்தாலும் மரப்பலகையை வச்சுகிட்டு என்ன செய்துகிட்டு இருக்கீங்க" என அந்த இரண்டு இளைஞர்களைப் பார்த்து கேட்பது வழக்கம். அதற்கு அந்த இளைஞர்களின் பதில், "பறவைகள் பறப்பதுபோல வண்டியைச் செய்து வானத்தில் பறக்கப் போகிறோம்" என்று ஒரே பதிலை சொல்வது அவர்களின் வழக்கம். இதனைக் கேட்போரும், "சரி தம்பிகளா, நல்லா பறங்க" எனச் சொல்லிவிட்டு, சிறிது தூரம் தள்ளிப்போய், "பாத்தியாப்பா வானத்தில் பறக்க போறானுங்களாம்" எனக் கேலி செய்தவர்கள் ஏராளம். ஆனால் அதற்காக அந்த இளைஞர்கள் தங்களது கண்டுபிடிப்பை நிறுத்தவில்லை, மேலும் தொடர்ந்தனர். தங்களது முயற்சியில் உறுதியாக இருந்தனர். அந்த முயற்சியின் பயனாக 1899-ம் ஆண்டு தொடங்கிய கண்டுபிடிப்பு 1903-ம் ஆண்டு வெற்றிகரமாக முடிந்தது. இரண்டு இளைஞர்களும் ஒன்றாக அந்தரத்தில் பறந்தனர். அந்த விமானத்தின் பெயர் 'ப்ளையர்'. அந்த வெற்றிக்குப் பின்னால் அவர்களின் வாழ்க்கை உச்சத்திற்கு போனது. அவர்கள்தான் வில்பர் ரைட் மற்றும் ஆர்வில் ரைட் என்ற சகோதரர்கள். இந்தக் கண்டுபிடிப்பான விமானம்தான் இருபதாம் நூற்றாண்டின் இரண்டாவது மிகப்பெரிய கண்டுபிடிப்பாக கருதப்படுகிறது.

முதன்முதலில் வானில் பறந்த நபர் நீங்கள் நினைப்பதுபோல ரைட் சகோதரர்கள் அல்ல. இன்னொருவர் 'கிளைடர்' என்ற இயந்திரம் இல்லாத கருவியின் மூலம் பறந்து காட்டியதைப் படித்தபோதுதான் ரைட் சகோதரர்களுக்கு அந்த எண்ணம் உதயமானது. ரைட் சகோதரர்களுக்கு முன்னரும் ஒருவர் வானில் பறந்துள்ளார். ஆனால் இயந்திரம், இறக்கை எல்லாம் பொருத்தி வெற்றிகரமாக வடிவமைத்து சகோதரர்கள் வானில் பறந்தது வெறும் 12 நிமிடங்கள்தான். வேகம் வெறும் 30 கி.மீ.தான். கிட்டத்தட்ட 120 அடி மட்டுமே அவர்களால் பயணம் செய்ய முடிந்தது. இந்தப் பயணத்துக்கு பின்னால் அவர்களின் வாழ்க்கைப்பாதை ஏறுமுகம்தான். இவர்கள் சாதித்ததற்கு காரணம், பல அறிஞர்களின் முயற்சிகளிலிருந்து படிப்பினைகளை கற்றுக் கொண்டதுதான். முன்உந்தல், மேல்எழுதல், திசை திருப்புதல் என்ற மூன்று விஷயங்களைக் கண்டறிந்தனர். வாகனம் தயாராகிவிட்டது, அதை இயக்குவதற்கும் முன்நோக்கி உந்துவதற்கும், இறக்கை மூலம் மேல் எழும்புதலுக்கும் இயந்திரம் தேவை என்பதை உணர்ந்து பெட்ரோல் பூட்டிய இயந்திரத்தினை வடிவமைத்து இந்த முதல் முயற்சியினை மேற்கொண்டனர்.

வாக்குவம் கிளீனர்

விமானம் பறப்பதற்கான தத்துவம் காற்றழுத்த மாற்றம்தான். ஒரு பொருள் அழுத்தம் அதிகமான இடத்திலிருந்து அழுத்தம் குறைவான இடத்தை நோக்கி நகரும். இந்தத் தொழில்நுட்பத்தில்தான் விமானம் இயங்குகிறது. இதனைக் கண்டறியும் நோக்கத்தில்தான் நான்கு ஆண்டுகளைச் செலவழித்தார்கள். இதற்காகவே அவர்கள் திருமணம் செய்து கொள்ளவில்லை. ஆனால், விமானம் இயங்கக் காரணம் இத்தத்துவம் என்றாலும், அது வானில்பறக்க கூட நான்கு வகை விசைகள் முக்கியம். மேல் நோக்கிய உந்துவிசை, கீழ் நோக்கிய இழுவிசை, முன்நோக்கிய தள்ளுவிசை, மற்றும் பின்னோக்கிய இழுவிசை என நான்கு விஷயங்களும் விமானம் இயங்குவதற்கு மிக முக்கியம். நாம் ஸ்பிரே செய்யும் ஒவ்வொரு கருவியும் செயல்படுவது இந்தத் தத்துவத்தில்தான். பொதுவாக அலுவலகங்களிலும், வீடுகளிலும் உபயோகிக்கும் வாக்குவம் கிளீனர் கூட இயங்குவதும் இந்தத் தொழில்நுட்பத்தில்தான். இந்தத் தொழில்நுட்பம் புதிதான ஒன்றல்ல, முன்னால் இருந்தே மனிதர்களின் வாழ்வோடு ஒட்டிதான் அனைத்துத் தத்துவங்களும் அடங்கியுள்ளன. ஆனால், அதை எவ்வாறு தனக்கு சாதகமாக்கிக் கொள்வது என்பதில்தான் கண்டுபிடிப்பின் ரகசியம் அடங்கியுள்ளது. அந்த ரகசியத்தை ரைட் சகோதர்கள் தெளிவாகக் கண்டறிந்ததுதான் வெற்றிக்குக் காரணம்.

-துரை.நாகராஜன்.

Advertisement
Advertisement
Advertisement
Advertisement
Advertisement

எடிட்டர் சாய்ஸ்

வெறும் ஆறே ரன்கள்.. போட்டியில் தோல்வி! ஆனாலும் அனைவரின் மனதையும் நெகிழவைத்த அந்த கிரிக்கெட் மேட்ச்! #MustRead #MondayMotivation
Advertisement

MUST READ

Advertisement
[X] Close