Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

வாழ்வின் ஒவ்வொரு நிமிடத்தையும் கொண்டாடித் தீருங்கள்!! #MorningMotivation

Morning motivation

ங்கள் நண்பர், நெருங்கிய உறவினர் அல்லது யாரென்றே தெரியாத வழிப்போக்கன், இல்லைனா நீங்க காபி கேட்டு எழும்போது சர்ப்பிரைஸா உங்க முன்னாடி தோன்றின கடவுள்னு அவர் யாரா வேணா இருக்கலாம். திடீர்னு ஏதாச்சும் ஒரு இடத்தில உங்களை நிறுத்தி "உங்க வாழ்க்கையை நீங்க வாழுறீங்களான்னு கேட்டா என்ன சொல்லுவீங்க?" உங்க நண்பரிடம் 'ஏண்டா, என்னாச்சு திடீர்னு இப்படி கேக்குறான்'ன்னு கேப்போம். நெருங்கிய உறவினர்கிட்ட வேற ஒரு பதிலை சொல்லுவோம். யாருன்னே தெரியாத ஒரு வழிப்போக்கர்கிட்ட 'சார், உங்க வேலையை பார்த்துட்டு போறிங்களா?’ன்னு  அழுத்தமா சொல்லிட்டு அங்கே இருந்து நகர்ந்துடுவோம். அதுவே கடவுள்னு சொல்லி ஒருத்தர் உங்க முன்னாடி தோன்றி இப்படி ஒரு கேள்வியை கேட்டா? 'நீங்க உண்மையிலேயே கடவுள்தானா’ன்னு கேட்டு கலங்கடிப்போம் தானே? இவர்களில் யாரிடமும் உங்கள் பதிலைச் சொல்ல வேண்டும் என என்ற நிர்பந்தமும் இல்லை. ஆனால், கேள்வி இதுதான். நிதானமாக யோசித்துப் பாருங்கள். அந்த பதில் உங்களுக்கே, உங்களுக்கானது தான்.  

வாட்ஸ் அப், ஃபேஸ்புக்கின் நோட்டிஃபிகேஷன் சத்தங்கள் இல்லாமல், லேப்டாப், மொபைல், தொலைக்காட்சி என அனைத்தும் அணைத்து வைக்கப்பட்ட நிலையில் இளஞ்சூடான ஒரு காலைத் தேநீரை ரசித்து அருந்தி எத்தனை நாட்கள் ஆகின்றன? இந்த கேள்விக்கும் நீங்கள் கூகுளாண்டவரையோ, அல்லது வாட்ஸ் அப் குழுவையோ நாட நம் மனம் பழக்கப்பட்டிருக்கிறது என்றால் சுதாரித்துக் கொள்ள வேண்டிய தருணம் இது.     

மழை - Morning motivation

ஒரு தேநீரை மழையை வேடிக்கைப் பார்த்துக் கொண்டு அருந்த நம் எல்லோருக்கும் பிடிக்கும் அல்லவா? ஆனால், மண்டையை பிளக்கும் இந்தக் கோடை வெயிலில் மழையை எதிர்பார்க்கவும் முடியாதே. மழை நின்ற பின்னும் இலைகளில் தூறிக் கொண்டிருக்கும் பெரு மழையை போல, நம் மனம் கொண்டாட்டத்தின் உச்சத்தில் இருக்கும் பொழுது மழையை வேடிக்கை பார்த்துக் கொண்டே தேநீரை குடிப்பதற்கு இணையான மகிழ்வை பெற முடியும்தானே! 

அதேபோலத்தான் நம் வாழ்வின் ஒவ்வொரு நொடியும் தினம் தினம் வசந்தத்தை மட்டுமே எதிர்பார்த்திருந்து சோர்வடைவதை விட கோடையின் அழகையும் நீங்கள் ரசிக்க தொடங்கினால். சந்தேகமே இல்லாமல் உலகின் மிக மகிழ்ச்சியான மனிதர் நீங்களாகத்தான் இருப்பீர்கள். என்ன சார் இது, வீட்டை விட்டு வெளியே போனாலே குளுக்கோஸ் விளம்பரத்துல வர்ற மாதிரி சூரியன் நம்ம சக்தியையெல்லாம் உறிஞ்சு எடுக்குற மாதிரி இருக்கு. நீங்க என்னடான்னா சாவகாசமா கோடையை ரசிங்கன்னு சொல்லுறிங்க'ன்னு மைண்ட் வாய்ஸ் ஓடுதா? கோடையை ஏன் நீங்க சந்தோஷமா எடுத்துக்கணும்னு சொல்லுறேன் ஆனா, அதுக்கு முன்னாடி, ஜஸ்ட் எ மினிட் பாஸ்.  இயற்கையோட  பருவநிலை மாற்றங்கள் எப்படியோ, அதே போலத்தான் நம்ம வாழ்க்கையும் வருஷத்துல 365 நாளும் மழையே பெய்ஞ்சுட்டு இருந்தா எப்படி இருக்கும் யோசிச்சு பாருங்களேன். நீரை சேமிச்சுக்கலாம், ஆனா, சேமிச்சு வைச்ச தண்ணீரை பயன்படுத்தி நமக்கான உணவுப் பொருட்களை உற்பத்தி செஞ்சுக்க முடியாதே. இதை அபப்டியே நம்ம வாழ்க்கையோட ஒப்பிட்டு பார்த்தா, தினசரி வாழ்க்கையில நிறைய பிரச்னைகளும், வருத்தங்களும் இருக்க அதே நேரத்துல சந்தோஷ தருணங்களும் நிறைஞ்சிருக்கும் தானே! அந்த சந்தோஷ தருணங்களை மட்டும் மழையைப் போல விரும்பி ஏத்துக்குற மனசுக்கு கொஞ்சம் சின்ன சின்ன வருத்தங்களையும் பழக்கப்படுத்துங்களேன்.

பூமியைப் போல இயற்கையின் மாற்றங்களை ஏற்றுக்கொள்ள நம் மனம் பழகும்பொழுது 'கோடையில மழை போல' ஒவ்வொரு நொடியையும் கொண்டாடித் தீர்க்கலாம்தானே!!

எழுத்து, படங்கள்:  க.பாலாஜி   

Advertisement
Advertisement
Advertisement

எடிட்டர் சாய்ஸ்

“மாட்டின் மீதான அக்கறை, சிசுக்கள் மீது கிடையாதா?!” நெஞ்சு பொறுக்குதில்லையே #GorakhpurTragedy
Advertisement

MUST READ

Advertisement
[X] Close