Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

உங்கள் கனவில் வருபவர் நீங்கள்தான்! #DreamFacts

கனவில், அடிக்கடி பேய் வருகிறதா... முகம் தெரியாத யாரோ  வருகிறார்களா... காலையில் தூங்கி எழுந்தவுடன்  எவ்வளவு யோசித்துப்பார்த்தாலும் கனவில் வந்தவர்  யாரென்றே ஞாபகம்  வரவில்லையா?

அது வேறு யாரும்  அல்ல, உங்கள் கனவில் நீங்கள்தான் வருகிறீர்கள். இது உங்கள் ஆழ்மனதின் வெளிப்பாடு.

ஒருவரின் ஆன்மா அவரிடமே பேசுவதை, சினிமாவில்  பார்த்திருப்போம். உண்மை வாழ்வில், கனவில்தான் நம் ஆன்மா நம்முடன் பேசும், அதுவும் அடையாளம் தெரியாத யாரோ  ஒருவரைப்போல. யோசித்துப்பாருங்கள், முகம் தெரியாத யாரோ ஒரு நபரை  நம் கனவில் சந்தித்திருப்போம்.

`கனவுகள் - ஒரு சிறு குறிப்பு வரைக' என்பது, இன்று வரை ஒரு மில்லியன் டாலர் கேள்வியாகத்தான் உள்ளது. எவ்வளவோ அறிவியல் மற்றும் உளவியல் துறைகளில் வளர்ச்சி அடைந்திருந்தாலும்,  கனவுகள் பற்றிய ஆராய்ச்சிகள் இன்னும் நடந்தவண்ணமே உள்ளன. காரணம், இதன் பிறகு இருக்கும் மென்டல் டிசைனிங்கை இதுவரை எவராலும் கண்டுபிடிக்க இயலாததுதான்.

 

கனவு

 நம் எண்ணங்களே கனவுகளாக வருவதாகக் கூறுகின்றனர்  ஆராய்ச்சியாளர்கள்.  ஆனால், அந்த எண்ணங்கள் நேரடியாக நம்  கனவில் வருவதில்லை. சில விருப்பங்கள் மற்றும் நிறைவேற்றப்படாத விஷயங்களே கனவுகளின் மூலம் நம் நினைவுக்கு வரலாம்.  பொதுவாக, அண்மையில் நிகழ்ந்த, நம் மனதைப் பாதித்த ஒருசில விஷயங்கள் கனவில் மறைமுகமாக வரக்கூடும். `ஒருவிதத்தில் நமது  ஆழ்மனதின்  இச்சைகள் கனவு ரூபத்தில் வருகின்றன மற்றும் Dreams are the Royal Road to  Unconsciousness' என்று விளக்கம் அளித்துள்ளார் சிக்மண்ட் ஃபிராய்டு .

இரவில் வந்த கனவுகள் பற்றி காலையில் எழுந்தவுடன் டைரியில் எழுதிப்பார்த்தால், சில விஷயங்கள் மட்டுமே  திரும்பத்  திரும்ப நினைவுக்கு வரும். இதிலிருந்து  நமது மன விருப்பங்கள், பயங்கள், மனக்குறைகளைக் கண்டறியலாம். கனவுப் பிரதேசத்தில் இடம்பெறும் கால ஓட்டத்தை நம்பவே நம்பாதீர்கள். பத்து நொடிகளில் ஒரு  வருடம்கூட கடந்துவிடும்... சினிமாவைப்போல.

தூக்கத்தில் இருக்கும் நம்மை எச்சரிக்கை செய்வது, எழுப்புவதும்தான் கனவுகளின்  வேலை. நமக்கு வரும் கனவுகள் பற்றி  மனநல மருத்துவர்களிடம் கேட்டால், அதற்கு ஒரு விளக்கவுரை தருவார்கள். அது என்னவென்றால், `நம் நிறைவேறாத ஆசைகளை ஆன்மா, கனவுகளின் மூலம்  நிறைவேற்றிக்கொள்ளும். இப்படிக் கனவில் வரும் ஆன்மா 'ஷேடோ' (Shadow) என்றழைக்கப்படுகிறது. இந்த ஷேடோ,  நமது பெர்சனாலிட்டியின் ஒரு பகுதி. எப்போது நாம் கோபத்தின் எல்லைக்குப்போகிறோமோ, அன்று நாம் தூங்கும்போது  நமது ஆன்மா நிச்சயம் கனவில் வரும்' என்று கூறுகின்றனர்.

சில நேரங்களில் ஆன்மா, பேய் வடிவிலும்கூட வரலாம். இது வெகுசிலருக்கே நடக்கும். இப்படி வந்தால், அந்த ஆன்மா நமது கோபத்தைக் குறைக்கும்படி  எச்சரிக்கைவிடுக்கிறது என்று அர்த்தம்.

இப்படி, கனவுகளின் மூலம் ஆன்மா  எப்போதும் ஏதோ ஒன்றை நமக்கு உணர்த்திக்கொண்டே இருக்கும். இனி கனவில் அடையாளம் கண்டுகொள்ள முடியாதபடி யாராவது வந்தால், அது நீங்கள்தான்.

ரொம்ப யோசிக்காதீங்க... எவ்வளவு  யோசித்தாலும் ஆன்மாவின் ஒருசில உண்மைகளைக் கண்டறிய முடியாது.

-சுஜிதா

இது தொடர்பா வேற என்னலாம் நடந்திருக்குனு தெரிஞ்சுக்கலாமா?

Advertisement
Advertisement
Advertisement
Advertisement
Advertisement

எடிட்டர் சாய்ஸ்

வெறும் ஆறே ரன்கள்.. போட்டியில் தோல்வி! ஆனாலும் அனைவரின் மனதையும் நெகிழவைத்த அந்த கிரிக்கெட் மேட்ச்! #MustRead #MondayMotivation
Advertisement

MUST READ

Advertisement
[X] Close