Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

அப்ரைசலுக்கு உதவும் ஆறு விஷயங்கள்! #MorningMotivation

அஜித்

மே மாதம் ஊர் மட்டும் ஹீட்டா இருக்காது ஆபிஸும் தான். ஆமா பாஸ்... அப்ரைசல் நேரம். இதுக்கு தல அஜித் சொல்லுற 6 பன்ச் டயலாக் ரொம்ப முக்கியம்.

நீயா ஒப்புக்கிற வரைக்கும்
எவனாலும் எங்கேயும் எப்பவும் உன்னை ஜெயிக்க முடியாது!

“தோல்விங்கிற விஷயமே நம்ம வேலையில் இருக்கக் கூடாது”ங்கிற மனநிலையோடு வேலையை அணுகுங்க. அப்படியே உங்க வேலையில் தப்பு இருக்காதுனு ஆபீஸ் நம்புற அளவுக்கு உங்க திறமையை வளர்த்துக்கங்க. தப்பே பண்ணாலும் அதை ஏத்துக்கிட்டு  உடனடியா திருத்திக்காட்டுங்க. அப்புறம் என்ன பாஸ்... ஆபீஸ் உங்களை விவேகமான ஆளுனு பார்க்க ஆரம்பிச்சுடும். இனிமே யார் நினைச்சாலும் எங்கேயும் எப்பவும் உங்களை வீழ்த்த முடியாது. 

ஒவ்வொரு நிமிஷமும் ஒவ்வொரு நொடியும்
நானா செதுக்கினது!

உங்க வேலையில் ஏதாவது ஒரு தனித்துவத்தைக் காட்ட மறக்காதீங்க. இந்த வேலை இவர் இல்லைன்னா யாராலயும் செய்ய முடியாதுங்கிற நம்பிக்கையை நிர்வாகத்துக்குக் கொடுங்க. உங்க வேலையில ஒவ்வொரு நிமிஷமும் ஒவ்வொரு நொடியும் நீங்களா செதுக்கினதுங்கிற அளவுக்கு உங்க வேலை புதுமையானதா இருக்கணும். அப்படி இருந்தா, அப்ரைசல் ஒரு விஷயமே இல்லை பாஸ். 

கஷ்டம் வரும்போது
தனியா நின்னு சமாளிக்கிறவன்தான் மனுஷன்!

நிர்வாகத்துல எப்பவுமே ஏதாவது ஒரு சிக்கல் உருவாகும். அதை  தலைமைப் பொறுப்பில் இருக்கும் நபர் தன்னோட டீமுக்குக் கொண்டுபோகாம, தனி ஆளா சமாளிக்கிறதுதான் கெத்து. தன்னோட டீமை ஒழுங்கா வேலை வாங்கி, அதுல இருந்து டார்கெட்டைத் தொடுறதுதான் மாஸ். அது இல்லாம டீமுக்கும் அழுத்தத்தைக் கொண்டுபோனா டீம் ஈஸியா டவுன் ஆகிடும். இப்படி சவால்களைச் சமாளிக்கிற ஆளாக இருந்தால், ஆபீஸ் குட்புக்ல உங்க பெயர் நிச்சயம் இருக்கும்.

தமாசு... தமாசு...தெறிக்கவிடலாமா?

வேலை பார்க்கிற இடத்துல ரொம்ப சீரியஸா இருக்கணும்னு நினைக்காதீங்க. உலகத்துலேயே வேலை பார்க்க பெஸ்ட் கம்பெனின்னா அது கூகுள்தான். அங்கே நீங்க ரொம்ப ஜாலியா வேலை பார்க்க முடியும். அதனாலதான் அது நம்பர் ஒன் கம்பெனியா இருக்கு. ஸோ, ஜாலியா வேலையைப் புடிச்சு பேஷனோடு பாருங்க... அப்புறம் தெறிக்கவிடுங்க!

Make it Simple

எல்லாத்தையும் ரொம்ப கஷ்டப்பட்டு செய்யாம, ஈஸியா செய்யுங்க. நிர்வாகத்துல 80:20 தத்துவம்னு ஒண்ணு இருக்கும். அதன்படி 80 சதவிகித வேலையை 20 சதவிகித ஆள்கள் ஸ்மார்ட்டா செஞ்சு முடிக்க முடியும்னா, அந்த 20 சதவிகித ஆள்ல ஒருத்தரா இருங்க. எல்லா டார்கெட்டையும் ஈஸியா முடிச்சு தூக்கிவீசுங்க. இதெல்லாம் நடந்தா, அப்ரைசல் எல்லாம் அசால்ட் விஷயம்.

Never Ever Give Up

ஒரு வேலை உங்களை நம்பிக் கொடுத்தால், அதை எந்தக் காரணத்துக்காகவும் விட்டுக்கொடுக்காதீங்க. எவ்வளவு தடைகள் வந்தாலும் எதிர்த்து நின்னு சமாளிச்சு Never Ever Give Up-னு நிரூபிச்சுடுங்க. அப்புறம் என்ன பாஸ், அடுத்த வருஷம் நீங்களே நாலு பேருக்கு அப்ரைசல் போடலாம்.

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close