Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

ரஜினி முதல்வரானால் என்னலாம் நடக்கும் தெரியுமா? #VikatanFun

'நான் அரசியலுக்கு வருவது ஆண்டவன் கையில்தான் இருக்கு' என அதே பல நூற்றாண்டு காலத்து டயலாக்கை மீண்டும் சொல்லி பரபரப்பாக்கியுள்ளார் ரஜினி. தலைவா வா; தலைமை ஏற்க வா, உங்களை தான் நம்புது இந்த பூமி; எங்களுக்கு இனி நல்ல வழி காமி' என இவ்வளவு நாள் கை காசு போட்டு போஸ்டர் அடித்து ஆடு, மாடுகளை சந்தோஷப்படுத்திக் கொண்டிருந்த அவரது ரசிகர்கள், இப்போதுதான் மகிழ்ச்சியை அனுபவித்திருக்கிறார்கள். (எத்தன நாளைக்கோ...?) சூட்டோடு சூடாக சூப்பர் ஸ்டார் அரசியலில் குதித்து முதலமைச்சரும் ஆகிவிட்டால் என்னென்ன திட்டங்கள் கொண்டு வருவார் என கற்பனை டாக்ஸியை தட்டிவிட்டோம்... லஷ்மி ஸ்டார்ட் ஆகிடு...

rajini fans meeting

ஒரு பவுன் தங்ககாசு திட்டம் :

அவருடைய ஒரு துளி வியர்வைக்கு ஒரு பவுன் தங்க காசு கொடுத்தது நாமதானே. அதனால், அந்த ஒரு பவுனை மறுபடியும் அவரவர் அக்கவுன்ட்டுக்கே போட்டுவிடும் திட்டத்துக்குப் பெயர் தான் `ஒரு பவுன் தங்கக்காசு திட்டம்'. இது அந்த 15 லட்ச ரூபாய் மாதிரி எப்ப வரும்? எப்படி வரும்?னு பயப்பட தேவையில்லை. வரவேண்டிய நேரத்தில் கரெக்டா வந்துடும்.

'அண்டா சட்டி' அருணாச்சலம் திட்டம் :

'அருணாச்சலம்' படத்தின்  `அதான்டா இதான்டா அருணாச்சலம் நாந்தான்டா...' பாடலில் அண்டாவை கவிழ்த்தி கறுப்பு பெயின்ட் அடித்திருப்பார்கள் அல்லவா. அது போன்ற ஒரு மல்டி பர்ப்போஸ் அண்டா, ஆதார் கார்டு உள்ள ஒவ்வொரு குடும்பத்துக்கும் வழங்கப்படும். 

மீசை வெச்ச குழந்தையப்பா திட்டம் :

பெற்றோர்கள் பேச்சை கேட்டு பொறியியல் படித்து, வேலை கிடைக்காமல் அதே பெற்றோர்களிடம் தண்டச்சோறு என திட்டுவாங்கி கொண்டிருக்கும் வேலையில்லா பட்டதாரிகளுக்கான திட்டம் இது. அத்தகைய வி.ஐ.பி-க்களின் சோகமான சூழலை கருத்தில் கொண்டு இந்த அரசு அவர்களை மீசை வெச்ச குழந்தைகளாகவே கணக்கில் எடுத்துக்கொள்ளும். இந்த சமூகத்தில் கைக்குழந்தைகள் அனுபவிக்கும் அத்தனை சலுகைகளையும் இவர்கள் அனுபவிக்கவும் அனுமதியளிக்கப்படும்.

ஆஃபிஸ் ரூம் திட்டம் :

காவல் நிலையம் இல்லாத ஊர்களில் எல்லாம் குட்டிகுட்டியாக 'ஆஃபிஸ் ரூம்'கள் அமைக்கப்படும். ஊருக்குள் அடாவடி செய்யும் ரவுடிகள் அந்த ஆஃபிஸ் ரூம்களுக்கு கொண்டு செல்லப்பட்டு, பிரி பிரி என பிரித்து அனுப்பப்படுவார்கள். இதற்காக, `பாட்ஷா' படத்தில் வரும் சிங்கை போல் பஞ்சாபில் இருந்து பயில்வான்கள் இறக்குமதி செய்யப்படுவார்கள்.

தனி வழி திட்டம் :

தமிழகத்துக்குள் புதுசாலைகள் பல‌ ஏற்படுத்தப்படும். மதுரையில் இருந்து சென்னை செல்வதற்கு திண்டுக்கல், சேலம், ஈரோடு, கிருஷ்ணகிரி, தர்மபுரி, வேலூர்  வழியாக சாலைகள் அமைக்கப்படும். தூத்துக்குடியில் இருந்து திருநெல்வேலி செல்ல ராமநாதபுரம், விருதுநகர் வழியாக சாலைகள் அமைக்கப்படும். 

இதேபோல், கிராமத்திற்கொரு எஜமான் திட்டம், சிட்டியை காக்க சிட்டி ரோபா திட்டம், எட்டு எட்டாய் நதிகளை பிரித்து இணைக்கும் திட்டம் என நிறைய திட்டங்கள் உள்ளது. அதையெல்லாம் அப்புறமா பார்ப்போம். லல்லல்லல்லல்லா...

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close