Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

அப்ரைசலில் தூள் கிளப்ப 5 டிப்ஸ்! #MorningMotivation

பொதுவாகவே திறமைக்கான அங்கீகாரம் எங்கேயுமே கிடைக்கிறதில்ல. இந்த மனக்குமுறல் சிறு தொழில் நடக்கும் இடம் தொடங்கி ஐ.டி கம்பெனிவரை இருக்கத்தான் செய்கிறது. அப்படி சோர்ந்து விடாமல் உங்களின் திறமையை நிரூபித்து அதற்கான அப்ரைசல், அங்கீகாரத்தைப் பெற இந்த ஐந்து டிப்ஸ்களைக் கடைபிடியுங்கள். 

அப்ரைசல்

1.பொறுப்புகளை ஏற்று கொள்ளுங்கள்

அலுவலகத்தில் புதிதாகத் தொடங்கும் ஏதேனும் ஒரு புதிய ப்ராஜெக்டின் பொறுப்பை யாரேனும் ஏற்றுக்கொள்ளுமாறு கூறும் சமயத்தில்,அதற்கான முழுத் தகுதி இருந்தும், அதைப்பற்றிய முழு அறிவு இருந்தும் பொறுப்பை ஏற்கத் தயங்கி நிற்காதீர்கள். முன்வந்து பொறுப்பை ஏற்று சிறப்பாக முடித்துக் கொடுங்கள்.

2.சுய மதிப்பீடு

ஒரு வருடம் முழுவதும் நீங்கள் செய்த வேலைகள் என்ன? அலுவலகத்தில்,உங்களுடைய  டீமில் உங்களுக்கான பங்கை சரியாக செய்துள்ளீர்களா? சென்ற வருடத்தைவிட இந்த வருடம் வேலையில் ஏதேனும் நல்ல விதமான மாற்றம், முன்னேற்றம் ஏற்பட்டுள்ளதா? என்ற கேள்விகளுக்கு நீங்களே பதில் அளித்து சுயமதிப்பீட்டை அளித்துக்கொள்ளுங்கள். இந்தச் சுயமதிப்பீட்டில் நேர்மையாக பதில் அளிப்பது மிகவும் அவசியம். அப்போதுதான் உங்களின் திறமை என்ன? எந்த வேலையைச் சீக்கிரத்தில், சிறப்பாக முடிக்க இயலும் என்பது போன்ற கேள்விகளுக்கு விடை கிடைக்கும்.

3.மேல் அதிகாரிகளிடம் சமமாகப் பழகுங்கள்

அப்ரைசலில் நம்மைப் பற்றியும் நம் வேலைகளைப் பற்றியும் முயற்சிகளைப் பற்றியும் மேலிடத்தில் நம் சார்பாக எடுத்துக் கூறப்போகும் மேல் அதிகாரியோ, டீம் லீடரோ, ப்ராஜக்ட் மேனேஜரோ யாராக இருப்பினும் அவர்களிடம் ஓர் அழகான ஜென்டில் ரிலேஷன்ஷிப்பை வளர்த்துக்கொள்ளுங்கள். அதற்காக அடிமை போன்றும் அப்ரன்டிஸ் போன்றும் இல்லாமல் உங்களின் வேலையைச் சரியான நேரத்தில் சிறப்பாக முடிப்பதோடு, மேல் அதிகாரிகள், சக ஊழியர்கள் என அனைவரிடமும் சமமாக அன்புடன் பழகுங்கள்.

4. சோசியல் மீடியாக்களைத் தவிர்க்கவும்

அலுவலக நேரங்களில் சோசியல் மீடியாக்களை ப்ரௌஸ் செய்வதைத் தவிர்த்திடுகள். ஃபேஸ்புக், ட்விட்டர், வாட்ஸ்அப் போன்ற சோசியல் மீடியாக்களில் நேரம் செலவிடுவதை வேலைக்கு நடுவில் ஒரு ப்ரேக்காக வைத்துக்கொள்ளலாம். ஆனால், அதுவே வேலை செய்யும் நேரங்களில் டார்கெட்டை அடைய முடிக்காமல் இருப்பதற்குக் காரணமாக இருக்கக் கூடாது. உங்களிடம் ஒரு பொறுப்பைக் கொடுத்துச் சென்ற அதிகாரி திரும்பி வந்து பார்க்கும்போது ஸ்க்ரீனில் ஃபேஸ்புக் அல்லது ட்விட்டர் பக்கத்தைப் பார்க்க நேரிட்டால் அது உங்களின் அப்ரைசலை வெகுவாகப் பாதிக்கும் என்பதை மனதில் வைத்துச் செயல்படுங்கள்.

5. வேலையில் புதுமையைப் புகுத்துங்கள்

நீங்கள் செய்யும் வேலையை ரசித்துச் செய்யுங்கள், புதிதான ஐடியாக்கள், புதிதான முயற்சிகளைத் தைரியமாக எடுத்து அதை வெற்றி அடையச் செய்யுங்கள். இதனால் உங்களின் திறமைமீதும் தன்னம்பிக்கை ஏற்படவும் அவநம்பிக்கை மாறவும் வாய்ப்புகள் உள்ளன.

மாதம் ஒரு முறை, வாரம் ஒரு முறை என உங்களுக்கு நீங்களே டார்கெட் ஃபிக்ஸ் செய்து கொண்டு அதை அடைய முழு முயற்சி செய்யுங்கள். எல்லோரிடமிருந்து தனித்துத் தெரிவதற்கு புதுமையான முயற்சிகளும் கடின உழைப்பும் அவசியம் தேவை.

ஒரு வருடம் அப்ரைசல் சரியாக இல்லை என்று சோர்ந்து விடாமல், விடா முயற்சியுடன் உழைத்தால் அடுத்த வருடம் கண்டிப்பாக அப்ரைசல் நம் கைவசம்.

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close