Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

அலுவலகத்தில் நீங்கள் தோனி போல ஓல்டு ஒயினா? #MorningMotivation

 

தோனி

மேற்கிந்திய தீவுகளுடனான ஒருநாள் போட்டித் தொடரில் ஆட்டநாயகன் விருது வாங்கிய தோனி, பரிசளிப்பின்போது தன்னை ஓல்டு ஒயின் என கூறினார். அவர் கூறியதற்கு அர்த்தம், அணியில் அதிகப் போட்டிகளில் ஆடி அனுபவம் அதிகரிக்கும்போது ஆட்டம் மெருகேறுகிறது அதனால் தன்னை ஓல்டு ஒயின் எனக் கூறினார் தோனி. இதைத்தான் அனைவரும் அலுவலகத்தில் பின்பற்ற வேண்டும் என்று நிர்வாகம் நினைக்கும். ஓல்டு ஒயினாக அனுபவத்தை வெளிப்படுத்தி நிறுவனத்தையும், உங்களையும் வளர்க்க இந்த நான்கு குணங்களை வளர்த்துக்கொள்ள வேண்டியது அவசியம்.

விமர்சனங்களுக்கு பயப்படாதீர்கள்:

நீங்கள் ஒரு காலத்தில் அலுவலகத்தின் தனி ஒருவனாக இருந்திருக்கலாம். ஆனால், மாற்றம் உண்டாகி அதன் மூலம் அலுவலகத்தின் அமைப்பு மாறும்போது அதற்கு உங்களைத் தயார்படுத்திக்கொள்ள கொஞ்சம் நேரம் எடுக்கும். அப்போது உங்கள் செயல் மீது விமர்சனங்கள் வரும். அதற்காக கோபப்பட்டு ஒதுங்காமல். மாற்றத்துக்கான வழிமுறைகளை தேர்ந்தெடுங்கள். அனுபவத்தோடு மாற்றம் இணைந்தால் நீங்கள் ஓல்டு ஒயினாக மீண்டும் சிக்ஸர் தூக்கலாம். இதைத்தான் தோனியும் செய்தார்.

வழிநடத்துங்கள்:

உங்கள் அலுவலகத்தில் நீங்கள் தான் அனுபவசாலி என்றால் அதனை பாசிட்டிவாக அணுகுங்கள். உங்களைவிட குறைந்த அனுபவம் கொண்டவர்கள், புதிதாக சேர்ந்தவர்களுக்கு அறிவுரை வழங்குங்கள். அவர்களுக்கு வழிவிட்டு அவர்களை வழிநடத்துங்கள். ஒரு நல்ல மெண்டாராக இருங்கள். உங்கள் அனுபவம் அவர்களுக்கு நல்ல பாடமாக அமையும். விராட் கோலி வழிநடத்தட்டும் என்று தோனி நகர்ந்து நின்றதுதான் இன்று களத்தில் தோனியை புகழ வைக்கிறது.

தோனி

முடியாது என்றால் முடியும்.

அலுவலகம் ஒரு வேலை மிகவும் கடினம் முடியாது என்று ஒதுங்க நினைத்தால் அதற்கு முடியும் என்ற பதில் உங்களிடமிருந்து வர வேண்டும். அனுபவசாலிகள் எல்லாம் ஆரம்பத்தில் முடியாது என்று ஒதுங்கிச் செல்பவர்களாக  இருப்பார்கள். ஆனால், அதன்பின் அவரது ஆக்ரோஷம் பல மடங்காகி வெற்றி  ஈட்டுவர். இப்படியெல்லாம் ஆர்பாட்டமான தோனி கேப்டனாக மாறி உலகம் முழுவதையும் கட்டிப்போட்டு வைத்திருந்தார். இன்றும் கோலி முடியாது என்று மறுக்கும் அவுட்களை ரி-வியூ மூலம் மாஸ் காட்டுகிறார் தோனி.

சூழ்நிலையை கட்டுப்பாட்டில் வைத்திருங்கள்:

அலுவலகம் மாறிவிட்டது, வேலை பிரமாதமாக உள்ளது என்று கூறுபவர்களின் உண்மைநிலை 360 டிகிரி வித்தியாசமானதாக இருக்கும். யார் என்ன சொன்னாலும் உங்கள் சூழலை சர்ச்சையில்லாமல் பார்த்துக்கொள்ளுங்கள். உங்கள் அனுபவம் உங்களை தலைமைப் பதவியில் வைத்திருக்கும். புதியவர்கள் வேகமாக ஓடினாலும், அனுபவத்தை சம்பாதிக்க முடியாது. அதனால், வெற்றி உங்கள் பக்கம் தான், இதைத்தான் கேப்டன் பதவியிலிருந்து விலகியதும் தோனி செய்தார். ஆனால், அவர் கோலியின் தலைமையின் கீழ் சாதாரணமான வீரராக தொடர்கிறார். அப்படி இருக்க, உழைப்புடன் கூடிய அர்ப்பணிப்பு மனநிலை அவசியம்.

ஒருவர் வெற்றி பெறுவது மிகச் சிரமம் என்றால், வெற்றி பெற்ற பின் வரும் விமர்சனங்களுக்கு தன்னைத் தயார்படுத்திக் கொள்வது, அதைவிட சிரமம். அப்படித் தயார்படுத்திக் கொண்டு, விமர்சனங்களைத் தாண்டி தங்கள் வேலையின்மீது மட்டுமே கவனம் எடுத்து முன்னேறுவது ஒரு கலை.   

இப்ப சொல்லுங்க பாஸ் நீங்களும் ஓல்டு ஒயின் தானே?

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close