Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சிறந்த மியூச்சுவல் ஃபண்ட் திட்டத்தைத் தேர்வுசெய்வது எப்படி?

நம்மில் பலரும் வசதியான, நிம்மதியான வாழ்க்கையையே இன்றும் என்றும் வாழ கனவு காண்கிறோம். ஆனால், அந்தக் கனவை உண்மையாக்கிட என்ன செய்திருக்கிறோம். `ஒன்றும் செய்வதில்லை' என்பதுதான் பலரின் பதில். ஒவ்வொருவரின் வாழ்க்கையிலும் சேமிப்பு எவ்வளவு முக்கியமோ, அதைவிட முக்கியம் முதலீடு. `முதலீடு' என்றவுடன், பங்குச்சந்தை, மியூச்சுவல் ஃபண்டில் முதலீட்டை மேற்கொள்ள வேண்டும் என்பதில்லை. எதில் வேண்டுமானால் முதலீட்டைத் தொடரலாம்.

மியூச்சுவல் ஃபண்ட்

நம்முடைய ரிஸ்க் எடுக்கும் அளவுக்கு ஏற்ப முதலீட்டுத் திட்டங்கள் இருப்பது மியூச்சுவல் ஃபண்டில்தான். 
மியூச்சுவல் பண்டுகளில் பலரும் முதலீடு செய்வதற்கான முக்கியக் காரணம், அதிக லாபம் பெற இயலும் என்பதுதான். ஆனால், நல்ல மியூச்சுவல் ஃபண்ட் திட்டத்தை எப்படித் தேர்வுசெய்வது என்பது பலருக்கும் தெரிவதில்லை. இதுகுறித்து நிதி ஆலோசகர் ரவிக்குமாரிடம் கேட்டோம்... 

“முதலீடு செய்து உலகப் புகழ்பெற்ற வாரன் பப்பெட், பல நிறுவனங்களை நடத்திக்கொண்டு வருகிறார். இரண்டே விதிகளைத்தான், அவர் தன் தொழிலாளர்களைப் பின்பற்றுமாறு கூறி, தானும் பின்பற்றுகிறார். 

முதல் விதி: பணத்தை இழக்காதீர்கள்.

இரண்டாம் விதி: முதல் விதியை மறக்காதீர்கள்.

மியூச்சுவல் ஃபண்ட்களில் முதலீடு செய்யும்போது, முதல் விதியின்படி பணத்தை இழக்காமல் பொறுமையைக் கடைப்பிடிக்க வேண்டும். ஒரு முதலீடு என்பது, விதையிடுவதுபோல். நாம் அதன் பலனை அடைய வேண்டுமென்றால், நாம் பொறுமையாக இருக்க வேண்டும். 

நல்ல முதலீட்டுத் திட்டங்கள் மனித வாழ்க்கையை மூன்று விதமாகப் பிரித்து, அதற்குரிய திட்டங்களை விவரிக்கலாம். 

ஆரம்ப நிலை:

இதில் கல்லூரிப் படிப்பை முடித்து முதன்முதலாக அலுவலக வேலைக்குச் செல்பவர்கள், மாதம் குறிப்பிட்ட ஒரு தொகையை 10 அல்லது 20 வருடங்களுக்கு தங்களால் முடிந்த வகையில் இரண்டு திட்டங்களில் எஸ்.ஐ.பி (SIP) முறையில் முதலீடு செய்யவேண்டும். அதே திட்டத்தில் அவர்களிடம் பணம் இருக்கும்போதெல்லாம் சேமித்து வரலாம். திட்டம் 1-ல், லார்ஜ் கேப் (Large Cap) ஃபண்டிலும், திட்டம் 2-ல் ஸ்மால் அண்ட் மிட் கேப் (Small and Mid cap) ஃபண்டிலும் மாதத்தின் அடிப்படையில் பொறுமையாகச் சேர்த்துவந்தால் பல வருடங்கள் கழித்து நல்ல முதிர்வுத்தொகையைப் பெறலாம். 

இரண்டாம் நிலை:

இந்த நிலையில் உள்ளவர்கள், பெரும்பாலும் திருமணம் முடிந்து குழந்தைகளுடன் இருப்பவர்களே. இவர்கள் முன்னர் தொடங்கிய முதலீடுகளைத் தொடர்ந்து, இன்னும் சில முதலீடுகளைச் சேர்க்க வேண்டும். இப்போது குடும்பமாகிவிட்டதால் ஒரு டேர்ம் மியூச்சுவல் ஃபண்ட், நிதி ஆலோசகர், ரவிக்குமார்இன்ஷூரன்ஸ் ப்ளான் (TERM plan) அவசியம் எடுக்க வேண்டும். அதற்கு ஒழுங்காக ப்ரீமியம் செலுத்தி பாலிசி காலாவதி ஆகாமல் பார்த்துக்கொள்ள வேண்டும். ஏற்கெனவே முதலீடு செய்த திட்டத்தோடு எஸ்.ஐ.பி முறையில் மாத அடிப்படையில் பேலன்ஸ்டு ஃபண்டில் (Balanced fund) 10 அல்லது 15 வருடங்களுக்கு இலக்காகக்கொண்டு அவர்களால் முடிந்த அளவு சேமித்து வர வேண்டும். இத்துடன் சில நிறுவனங்கள் எஸ்.ஐ.பி இன்ஷூரன்ஸ் (SIP insurance) திட்டங்கள் உள்ளன. எஸ்.ஐ.பி இன்ஷூரன்ஸ் திட்டத்தின் மூலமாக மாத அடிப்படையில் முதலீடு செய்துவந்தால் முதலீடு பெருகும். அதே சமயம் ஆயுள் காப்பீடும் கிடைக்கும். இந்தக் காலகட்டத்தில் அவர்களால் முடிந்தால் சில மியூச்சுவல் ஃபண்ட் நிறுவனங்கள் ஓய்வூதிய திட்டங்கள் எஸ்.ஐ.பி மூலமாகவும் முதலீடு செய்து ஒரு நல்ல தொகையை அவர்களின் ஓய்வுகால வாழ்வுக்கு உறுதுணையாக இருக்கும். சில நிறுவனங்கள் மிகக்குறைந்த செலவில் முதலீடு மற்றும் ஆயுள் காப்பீட்டையும் வழங்குகின்றன. அதிலும் சேர்ந்து பயன்பெறலாம். 

மூன்றாம் நிலை:

இந்த நிலை வரும்போது, பலர் ஓய்வுபெரும் தறுவாயில் இருப்பார்கள். இந்தக் காலகட்டத்தில் ஆரம்ப காலத்தில் ஆரம்பித்த முதலீடுகள் ஒரு நல்ல முதிர்வைக் கொடுத்திருக்கும். அந்த முதலீடுகளை ஒன்றாகத் திரட்டி அதில் 60 சதவிகிதத்தை பேலன்ஸ்டு ஃபண்ட் அல்லது Monthly Investment Plan (MIP)-ல் முதலீடு செய்து மாதத்தின் அடிப்படையில் டிவிடெண்ட் ஆப்ஷனைத் தேர்ந்தெடுத்தால் மாதா மாதம் டிவிடெண்ட் கிடைக்கும். மீதம் உள்ள பணத்தில் 10 சதவிகிதம் லிக்யூட் ஃபண்டில் முதலீடு செய்துவைக்கலாம். மீதம் உள்ள 30 சதவிகிதத் தொகையை கார்ப்பரேட் பாண்ட் (Corporate Bond) ஃபண்ட் மற்றும் வங்கி வைப்புநிதிகளில் (FD) வைத்திருப்பது நல்லது. முதலீடு என்பது, மிகப் பொறுமையாகவும் நிதானமாகவும் உணர்ச்சிகளுக்கு ஆட்படாமல் தொடர்ந்து எஸ்.ஐ.பி முறையில் முதலீடு செய்துவந்தால் நல்ல வளர்ச்சியைக் காணலாம். தங்களுக்குப் பொருத்தமான மியூச்சுவல் ஃபண்ட்களைத் தேர்ந்தெடுக்கும் முன் அந்த ஃபண்டை நன்றாக அலசி ஆராய்ந்து அதன் பிறகு முதலீட்டைத் தொடருங்கள். ஒருவேளை உங்களுக்குத் தெரியவில்லை அல்லது அந்த ஃபண்ட் குறித்த அறிவும் அதைத் தெரிந்துகொள்ள நேரமும் இல்லையெனில், ஒரு நல்ல நிதி ஆலோசகரிடம் ஆலோசனை பெறுவது நல்லது" என்றார்.

Advertisement
Advertisement
Advertisement

எடிட்டர் சாய்ஸ்

“மாட்டின் மீதான அக்கறை, சிசுக்கள் மீது கிடையாதா?!” நெஞ்சு பொறுக்குதில்லையே #GorakhpurTragedy
Advertisement

MUST READ

Advertisement
[X] Close