Vikatan.com

www.vikatan.com would like to send you push notifications.

Notifications can be turned off anytime from browser settings.

விவசாயிகளையும், தொழிலாளர்களையும் மோடி நினைத்து பார்க்க வேண்டும்: ராகுல்காந்தி

மஹோபா: தொழிலதிபர்களை மட்டுமே நினைக்காமல் விவசாயிகள், தொழிலாளர்கள் உள்ளிட்டோரின் நிலை குறித்தும் பிரதமர் நரேந்திர மோடி நினைத்துப் பார்க்க வேண்டும் என்று ராகுல் காந்தி தெரிவித்து உள்ளார்.

உத்தரப் பிரதேச மாநிலத்தில் வறட்சியால் பாதிக்கப்பட்ட புந்தேல்கண்ட்டில் காங்கிரஸ் கட்சியின் துணைத் தலைவர் ராகுல் காந்தி நடைபயணம் மேற்கொண்டார். அப்போது அவர், கிராம மக்களிடம் பேசும்போது, ''காங்கிரஸ் ஆட்சிக் காலத்தின்போது கச்சா எண்ணெய் விலை, பீப்பாய் ஒன்று 10,000 ரூபாய்க்கு விற்பனையானது. ஆனால், இன்றைக்கு பீப்பாய் வெறும் 1,900 ரூபாய்தான். இதன்மூலம் சேமிக்கப்பட்ட ஏராளமான பணத்தை, பந்தேல்கண்ட் போன்ற பின்தங்கிய பகுதிகளின் வளர்ச்சிக்கு பயன்படுத்தியிருக்கலாம்.

கல்லூரி மாணவர் தற்கொலை குறித்து நிகழ்ச்சி ஒன்றில் பேசும்போது, தனது பேச்சை நிறுத்தி பிரதமர் மோடி கண்ணீர் சிந்தியதை நாம் பார்க்க முடிந்தது. அவரிடம் நான் ஒன்றை சொல்லிக்கொள்ள விரும்புகிறேன்.

உங்களுக்கு உணவளிக்கும் விவசாயிகளால் உற்பத்தி செய்யப்படுகின்ற பருப்பு இன்றைக்கு 220 ரூபாய்க்கு விற்பனையாகிறது. விவசாயிகள், தொழிலாளர்கள், ஏழைகள் உள்ளிட்டோரின் நிலை குறித்தும் மோடி சிறிது நினைத்துப் பார்க்க வேண்டும். ஏனெனில், இந்த நாட்டை இயங்கச் செய்வது அவர்கள்தான். தொழிலதிபர்களால் மட்டும் நாட்டை இயங்கச் செய்ய முடியாது. அதனால், விவசாயிகளின் நலன் குறித்து மோடி சிந்திக்க வேண்டும்" என்றார்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ