Vikatan.com

www.vikatan.com would like to send you push notifications.

Notifications can be turned off anytime from browser settings.

சாதகம்... பாதகம்... கருத்து கணிப்பை விமர்சிக்கும் ஸ்டாலின்!

திமுகவைப் பற்றி சாதகமாக வந்தாலும், பாதகமாக வந்தாலும் கருத்துக்கணிப்புகளை பொருட்படுத்துவதில்லை என திமுக பொருளாளர் மு.க.ஸ்டாலின் கடுமையாக விமர்சித்துள்ளார்.

திருச்சியில் நேற்று நடைபெற்ற தொழிலதிபர் வி.கே.என். இல்லத் திருமண விழாவில் முன்னாள் அமைச்சர் கே.என்.நேரு, மாநிலங்களவை உறுப்பினர் திருச்சி சிவா உள்ளிட்டோர் முன்னிலையில் நடத்தி வைத்தவர். திருமண விழாவில் பேசிய ஸ்டாலின்,  நாட்டுக்கு நல்ல நேரம் மிகவிரைவில் வரப்போகிறது. நான் மட்டுமல்ல நாடே அந்த நல்ல நேரத்தில் எதிர்நோக்கி காத்திருக்கிறது.

தமிழகத்தின் 234 தொகுதிகளில் நமக்கு நாமே பயணத்தை நான் மேற்கொண்டு வருகிறேன். எனது பயணத் திட்டத்தில் மீதமுள்ள 16 சட்டப்பேரவை தொகுதிகளை வரும் பிப்ரவரி 12ம் தேதிக்குள் முடித்துவிடுவேன். கடந்த நான்கரை ஆண்டுகால அதிமுக ஆட்சியில் தொழிலாளர்கள், விவசாயிகள், ஏழை, எளிய மக்கள், தொழிலதிபர்கள் உள்ளிட்ட அனைவரும் பல்வேறு தொல்லைகளுக்கும், துன்பங்களுக்கும் ஆளாகி வருகின்றனர். இவைகளைக் களைய, தமிழகத்தைக் காப்பாற்ற வரும் சட்டப்பேரவைத் தேர்தலில், நீங்கள் வாக்களிக்கத் தயாராக இருக்க வேண்டும். தமிழகத்தில் மாற்றத்தை ஏற்படுத்த வேண்டும்" என்றார்.

பின்னர் செய்தியாளர்களிடம் பேசிய ஸ்டாலின், பல கோடி ரூபாய் செலவில் கட்டப்பட்ட செம்மொழிப் பூங்காவை பராமரிக்காமல் சிதிலப்படுத்தியது, பாவேந்தேர் பாரதிதாசன் ஆய்வக நூலகத்தை முடக்கியது, மதுரையில் தமிழ்த்தாய் சிலையை அமைக்காதது, தொல்காப்பியர் பூங்காவை கிடப்பில் போட்டது உள்ளிட்ட பல்வேறு செயல்களை செய்து, தமிழ் வளர்ச்சிக்கு எதிராக ஆட்சி நடத்தி வரும் ஜெயலலிதாவுக்கு மொழிப்போர் தியாகிகளுக்கு வீரவணக்க செலுத்த அருகதை இல்லை.

கருத்து கணிப்புகள் திமுகவைப் பற்றி சாதகமாக வந்தாலும், பாதகமாக வந்தாலும் கருத்துக்கணிப்புகளை நாங்கள் பொருட்படுத்துவதில்லை. எங்களது பணியை தொடர்ந்து செவ்வனே செய்து வருகிறோம். திமுகவின் அழைப்பை ஏற்று தேமுதிக கூட்டணிக்குள் வந்தால் நாங்களே வெளிப்படையாகக் சொல்வோம்" என்றார்.

தொடர்ந்து, திருச்சி கோஹினூர் தியேட்டர் அருகில் துவங்கிய பிரமாண்டமான பேரணியில் திறந்தவெளி வாகனத்தில் தொண்டர்கள் புடை சூழ ஊர்வலமாக வந்தவர், திருச்சி உழவர் சந்தை அருகே உள்ள மொழிப்போர் தியாகிகள் சின்னசாமி, விராலிமலை சண்முகம் அவர்களின் நினைவிடங்களில் ஸ்டாலின் மாலை அணிவித்து வீரவணக்கம் செலுத்தினார். இதைத் தொடர்ந்து திருச்சி மணப்பாறையில் நடந்த வீரவணக்க நாள் கூட்டத்தில் சிறப்புரை ஆற்றினார்.

-சி.ஆனந்தகுமார்

படங்கள்:
தே.தீட்ஷித்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ