Vikatan.com

www.vikatan.com would like to send you push notifications.

Notifications can be turned off anytime from browser settings.

கஜானாவைத் தேடும் கார்டன்... வீட்டுச் சிறையில் மூன்று அமைச்சர்கள்!

சட்டமன்றத் தேர்தலுக்கு தொகுதி ஒதுக்கீட்டுக்காக பேரம் நடத்தினார் என்ற ஒற்றைக் குற்றச்சாட்டில் கார்டனின் குட்புக்கில் இருந்து அதிரடியாக நீக்கப்பட்டார் ஓ.பி.எஸ். இந்நிலையில், ஓ.பி.எஸ்ஸின் ஆதரவாளர்கள் தேடித் தேடி வேட்டையாடி வருகிறார்கள். உச்சக்கட்டமாக, ஓ.பன்னீர்செல்வம், நத்தம் விஸ்வநாதன், பழனியப்பன் ஆகியோர் வீட்டுச் சிறையில் அடைக்கப்பட்டிருப்பதாக தகவல்கள் வெளிவருகின்றன.

கடந்த மூன்று நாட்களுக்கு முன்னால் உறவினர்களுடன் கோவைக்கு வந்திருந்தார் நிதியமைச்சர் ஓ.பன்னீர்செல்வம். அவர் வருகைக்கான காரணம் தெரியாமல் கட்சிக்காரர்கள் தவித்தனர். ஆனால், ஓ.பி.எஸ் தரப்போ, " அவரோட அம்மாவுக்கு வயிற்றில் பிரச்னை. அதனால் கோவையில் உள்ள ஜெம் ஆஸ்பிட்டலுக்கு ட்ரீட்மெண்ட்டுக்காக கூட்டி வந்தார். இரண்டு நாள் சிகிச்சை முடிந்து, நேற்று இரவு 11.50 ஃபிளைட்டில் கிளம்பிவிட்டார். வேறு எதுவும் நம்பத் தேவையில்லை" என்றனர். ஆனால், கார்டன் நிர்வாகிகள் சொல்லும் விஷயங்கள் அதிர்ச்சியளிக்கிறது. " இன்றைக்கு கார்டனின் தீவிர கண்காணிப்பு வளையத்தில் இருப்பது ஓ.பி.எஸ் மட்டுமல்ல. அமைச்சர்கள் நத்தம் விஸ்வநாதன், பழனியப்பன், விஜயபாஸ்கர், வேலுமணி உள்ளிட்ட சில அமைச்சர்களும்தான். கோவையில் கடந்த மூன்று நாட்களாக ஓய்வுபெற்ற போலீஸ் அதிகாரி தலைமையில் மூன்று பேர் கொண்ட குழு, ஓ.பி.எஸ் வாங்கிக் குவித்த சொத்துக்களை சல்லடை போட்டுத் தேடி வந்தனர்.

 

இதில், தேயிலை எஸ்டேட்டுகள், விவசாய நிலங்கள், பண்ணை வீடுகள் என பலவும் அடக்கம். ஓ.பி.எஸ்ஸுக்கு சொத்துக்களைப் பேசி முடித்தது அமைச்சர் வேலுமணிதான். கடந்த தேர்தலில் சீட் கிடைத்து அமைச்சர் பதவி ஆவது வரையில் வேலுமணிக்கு ஆல் இன் ஆல் ஓ.பி.எஸ்தான். கார்டனின் கோபப் பார்வையில் ஓ.பி.எஸ் விழுந்ததுமே, நேராக அம்மா காலில் விழுந்த அமைச்சர் வேலுமணி, " அவர் சொத்து வாங்கியிருப்பது அனைத்தும் தெரியும். எல்லாவற்றையும் நான் காட்டுகிறேன். ஆனால், எனக்கும் அதற்கும் எந்த சம்பந்ததும் இல்லை. என்னுடைய தொகுதி என்பதால் அவர் அடிக்கடி வருவதும் சொத்து வாங்குவதும் தெரியும்" என தடாலடியாக மாறிவிட்டார். இதையடுத்து, கடந்த மூன்று நாட்களாக கோவை, பொள்ளாச்சி, நீலகிரி மாவட்டங்களில் ஓ.பி.எஸ்ஸின் கஜானாவைத் தேடி தீவிர தேடுதலை நடத்தி வந்தது ஓய்வு பெற்ற காவல்துறை அதிகாரி தலைமையிலான டீம். நேற்று மதியம் சொத்துக்களுக்கான ஆவணங்கள், அதற்கான புகைப்படங்கள் என அனைத்தையும் அள்ளிக் கொண்டு போய்விட்டது. கோவையில் நடந்த விசாரணையில் ஓ.பி.எஸ்ஸும் இருந்திருக்கிறார். அவரிடம் நடத்திய விசாரணையில் மேலும் சில சொத்துக்கள் விபரத்தை வாங்கியுள்ளது மூவர் டீம்.

கொங்கு மண்டல வேட்டையை முடித்துக் கொண்டு கார்டன் திரும்பிய மூவர் டீம், நடந்த விவரங்களை கார்டன் கவனத்திற்குக் கொண்டு சென்றிருக்கிறது. இதையடுத்து, அமைச்சர் வேலுமணி கார்டனுக்குள் அழைக்கப்பட்டிருக்கிறார். இந்நிலையில், கோவையில் கைப்பற்றப்பட்ட சொத்துக்கள் வேலுமணியுடையதா? ஓ.பியுடையதா? என தனியாக பட்டிமன்றமே நடந்து வருகிறது. தற்போது ஓ.பி.எஸ், நத்தம் விஸ்வநாதன், பழனியப்பன் உள்ளிட்ட மூவரையும் உயர் பாதுகாப்பு வளையத்தில் வீட்டுச் சிறையில் வைத்திருக்கிறது கார்டன் வட்டாரம். வெளியுலக தொடர்பில் இருந்து மூவரும் ஒதுக்கி வைக்கப்பட்டுள்ளனர். சொத்து விவரங்கள், நடத்தப்பட்ட பேரங்கள் குறித்து முழு விபரம் வருகின்றபோது, மேலும் சில அமைச்சர்கள் வீட்டுச் சிறையில் வைக்கப்படலாம் என்கின்றனர் கார்டன் வட்டாரத்தில்.

கார்டனில் நடக்கும் ஆடு புலி ஆட்டத்தின் கிளைமாக்ஸ் எப்படி இருக்கும்? என்பதை யூகிக்க முடியாமல் திணறி வருகிறார்கள் அமைச்சர்கள்.

ஆ.விஜயானந்த்
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ