Vikatan.com

www.vikatan.com would like to send you push notifications.

Notifications can be turned off anytime from browser settings.

நான் வெற்றி பெற்ற பிறகு தருமபுரியில் எந்த மோதலும் நடக்கவில்லை: அன்புமணி

திருச்சி: " நான் தேர்தலில் வெற்றி பெற்ற பிறகு தருமபுரியில் எந்த மோதலும் நடக்கவில்லை. எங்கள் தலைவர்கள் பேச்சில் மாற்றம் வந்திருப்பதை உங்களால் காண முடியும். சாதி-மதங்களுக்கு அப்பாற்பட்டு செயல்படுகிறேன். நான் முன்னேற்றத்திற்கான அரசியலை முன்னெடுக்கிறேன்" என்று பா.ம.க. இளைஞரணி தலைவர் அன்புமணி ராமதாஸ் கூறியுள்ளார்.

‘உங்கள் ஊரில் உங்கள் அன்புமணி’ என்கிற பெயரில் தமிழகம்  முழுவதும் கலந்துரையாடல் நிகழ்ச்சி நடத்தும் பா.ம.க. இளைஞரணி தலைவர் அன்புமணி ராமதாஸ், இன்று திருச்சி மலைக்கோட்டை அருகில் உள்ள ராக்போர்ட் வியூ ஹோட்டலில் நடைபெற்ற நிகழ்ச்சியில், கரூர் மற்றும் திருச்சி மாவட்ட விவசாய சங்க பிரதிநிதிகள், தொழில் அதிபர்கள், வியாபாரிகள், தன்னார்வ தொண்டு நிறுவன பிரதிநிதிகளுடன் கலந்துரையாடினார்.

நிகழ்ச்சியில் பேசிய, " தமிழகத்தில் அனைத்து குடுங்களையும் பாதிக்கும் பிரச்னைகள் இரண்டு, ஊழலும் மதுவும் தமிழகத்தில் உள்ள தமிழகத்தில் உள்ள 1 கோடியே 97 லட்சம் குடும்பங்களையும் பாதித்துள்ளது. கடந்த 50 ஆண்டுகளாக ஆட்சி செய்த அ.தி.மு.க., தி.மு.க. கட்சிகளால் தமிழகத்தில் எந்த முன்னேற்றமும் ஏற்படவில்லை. மதுவை ஒழித்தால்தான் தமிழகம் முன்னேறும். எனவே எங்களுக்கு ஒரு வாய்ப்பு தாருங்கள்.  இதுவரை நடிகர்களுக்கு வாய்ப்பு கொடுத்தீர்கள், 50 வருடம் அவர்கள் ஆண்டது போதும், ஏன் ஒரு டாக்டருக்கு, படித்தவருக்கு, இன்ஜினியருக்கு வாய்ப்பு கொடுக்க வேண்டாமா. எனக்கு வாய்ப்பு கொடுங்கள். ஆக்டருக்கு வாய்ப்பு கொடுத்தீங்க, இப்போது டாக்டருக்கு வாய்ப்பு கொடுங்கள். சினிமாவில் நல்லது செய்தால் ரசிக்கும் நீங்கள், நிஜத்தில் ஒத்துழைக்க மறுக்கிறீர்கள்.

தமிழ்நாட்டில் இப்போதைக்கு நான்கு முதல்வர் வேட்பாளர்கள், ஒருவர் எழுந்திருக்க முடியாதவர், இன்னொருவர் நடக்க முடியாதவர், மற்றொருவர் நடக்க முடியாதவர், கடைசியாக நான், மராத்தான் போட்டிகளில் கலந்துகொண்டு ஓடுபவன், உடலுக்கு முடியாமல் தங்கள் அத்தியாவசிய வேலைகளையே செய்ய முடியாதவர்கள். மக்களின் வேலைகளை, மக்களுக்கு ஊழியம் எப்படி செய்வார்கள். நான் உங்களை தேடி வருவேன்,  இப்போது முதல்வரை சந்திக்க முடியுமா, மன்னராட்சி காலத்தில் நடந்ததைபோல் அரசியல் மாறிவிட்டது. 

தமிழகத்தில் போக்குவரத்து நெரிசல், குடிநீர் பிரச்னை, விவசாயிகள் பிரச்சினை, வேளாண் துறை பிரச்சினை, மீனவர் பிரச்சினை  போன்றவை குறித்து இந்த கலந்துரையாடல் நிகழ்ச்சியில் பேசினர். அவர்களின் அனைத்து பிரச்னைகளும் தீர்க்கப்படும் என்பதை உறுதியுடன் கூறுகிறேன். தி.மு.க., அ.தி.மு.க. கட்சிகள் வாக்குறுதிகள் மட்டும் கொடுத்தார்கள்.

 

ஆனால் எந்த வித முக்கியத்துவமும் அளிக்கவில்லை. எனவே மக்கள் அந்த இரு கட்சிகள் மீதும் வெறுப்படைந்து கோபத்தில் மாற்றத்தை எதிர்நோக்கி உள்ளனர். அந்த மாற்றத்தை பாட்டாளி மக்கள் கட்சியின் மூலம் மட்டுமே நிறைவேற்ற முடியும்.  மொத்தத்தில் தென்மாவட்டங்களில் எங்களுக்கு ஆதரவு பெருகி வருகிறது என்றவர், டெல்லியிலும், மேற்கு வங்காளத்திலும் மாற்றம் வந்தது போல் தமிழகத்திலும் மாற்றம் வரும். அந்த மாற்றம் எங்களால் மட்டுமே வரும். எங்களுக்கு வாய்ப்பு கொடுக்க மக்கள் தயாராக இருக்கிறார்கள். எனவே, தேர்தலில் வெற்றி பெற்று ஆட்சி அமைப்போம்" என்றார் உறுதியாக.

தொடர்ச்சியாக கூட்டத்தில் கலந்துகொண்டவர்களின் கேள்விகளுக்கு பதிலளித்த அன்புமணி, " கடந்த இரண்டு வருடமாக நிறைய மாற்றிக்கொண்டுள்ளோம். ஒவ்வொருவரும் கடந்தகாலங்களில் நிறைய தவறுகள் செய்திருக்ககூடும். நாங்களும் அப்படித்தான், மாற்றம் எங்களிடமிருந்துதான் ஆரம்பம் ஆகனும்.  நான் தருமபுரி நாடாளுமன்ற உறுப்பினராக இருக்கிறேன். நான் தேர்தலில் வெற்றி பெற்ற பிறகு தர்மபுரியில் எந்த மோதலும் நடக்கவில்லை. எங்கள் தலைவர்கள் பேச்சில் மாற்றம் வந்திருப்பதை உங்களால் காண முடியும். சாதி-மதங்களுக்கு அப்பாற்பட்டு செயல்படுகிறேன். நான் முன்னேற்றத்திற்கான அரசியலை முன்னெடுக்கிறேன். வெளிநாடுகளை பார்த்து தமிழ்நாட்டுக்கு என்னென்ன கொண்டுவர முடியும் என திட்டமிடுகிறேன். நிச்சயம் மாற்றத்தை கொண்டுவருவேன்" என்று முடித்தார்.

- சி.ய.ஆனந்தகுமார்

படங்கள்: என்.ஜி.மணிகண்டன்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ