Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

பிரசாரத்துக்கு வாகனம் ரெடி... 'சீட்டு'க்காக காத்திருக்கும் ஒரு கட்சியின் விசுவாசி!

மிழக தேர்தல் களம் சூடுபிடித்திருக்கும் இந்த தருணத்தில்,  கட்சிகள் பம்பரமாக சுழன்று வருகின்றன. தொண்டர்கள் முதல் நிர்வாகிகள் வரை தீவிரமாக களத்தில் இறங்கியுள்ளனர். தேர்தலில் போட்டியிட விருப்ப மனுக்கள் தாக்கல் செய்தவர்கள்,  வேட்பாளர் பட்டியலில் தங்களது பெயர் இடம் பெற வேண்டும் என்ற எதிர்பார்ப்பில் காத்திருக்கின்றனர். சிலர், தங்களுக்குத்தான் 'சீட்' என்று தொகுதியில் உள்ள முக்கிய நிர்வாகிகள் மற்றும் அமைப்புகளைச் சந்தித்து ஆதரவு கேட்டு வருகின்றனர்.

கட்சிகளை பொறுத்தவரைக்கும் கூட்டணி பேச்சுவார்த்தை இறுதிகட்டத்தை அடைந்துள்ளது. தேர்தல் அறிக்கை, வேட்பாளர் பட்டியல் என பிஸியாக கட்சியின் தலைமை செயல்பட்டு வருகிறது. தி.மு.க தலைமையில் காங்கிரஸ் கூட்டணி இடம் பெற்று இருந்தாலும் இருகட்சிகளுக்கு இடையே தொகுதி பங்கீட்டில் இழுபறி நீடித்து வருகிறது. அ.தி.மு.க.வில் விருப்ப மனு தாக்கல் செய்தவர்களுக்கு நேர்காணல் நடத்தப்பட்டு வருகிறது. மக்கள் நலக் கூட்டணியும், தே.மு.தி.க.வும் பிரசாரத்தில் ஈடுபட்டு வருகின்றன. இந்த கூட்டணியில் தொகுதி பங்கீடு நடந்து வருகிறது. பா.ம.க தனித்து போட்டியிடுவதாக அறிவித்ததோடு விரைவில் வேட்பாளர் பட்டியலை வெளியிட தயாராகி வருகிறது. பி.ஜே.பி முதற்கட்ட வேட்பாளர் பட்டியலை அறிவித்து விட்டது. இவ்வாறு தமிழகத்தில் சட்டப்பேரவை தேர்தலை சந்திக்க கட்சிகள் தயாராகி வருகின்றன.

இந்த சூழ்நிலையில் பா.ம.க.வை சேர்ந்த சென்னை வேளச்சேரி பகுதி செயலாளர் சகாதேவன், எல்லோரையும் விட ஒருபடி மேலாக தனக்கு நிச்சயம் வேளச்சேரி தொகுதி கிடைக்கும் என்ற நம்பிக்கையில் தேர்தல் பணிகளில் ஈடுபடத் தொடங்கி விட்டார். தேர்தல் பிரசாரத்துக்கு தயாராக அரசு ஜீப் ஒன்றை ஏலத்தில் எடுத்து,  அதை தேர்தல் பிரசாரத்துக்கு ஏற்ப மாற்றி அமைத்துள்ளார்.

இதுகுறித்து சகாதேவன் கூறுகையில், "பல்வேறு சமூக பணிகளை செய்து வருகிறேன். ஏற்கனவே மாநகராட்சி கவுன்சிலர் தேர்தலில் போட்டியிட்டுள்ளேன். இந்தமுறை வேளச்சேரி தொகுதியில் பா.ம.க சார்பில் போட்டியிட விருப்ப மனு தாக்கல் செய்துள்ளேன். கட்சித் தலைமையும் 'சீட்' தருவதாக நம்பிக்கை தெரிவித்துள்ளது. இதனால் தேர்தலை சந்திக்க தயாராகி விட்டேன். அதில் ஒரு கட்டமாக பிரசார வாகனத்தை ரெடி செய்துள்ளேன். வேட்பாளராக என்னை அறிவித்ததும் பிரசார வாகனத்தில் பெயர் மற்றும் சின்னத்தை பொறித்து விட்டு கிளம்ப வேண்டியதுதான்" என்றார்.

-எஸ்.மகேஷ்

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement
Advertisement
[X] Close