Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

அமைச்சர் பழனியப்பன் பணாலானது எப்படி? பரபரப்பு பின்னணி தகவல்

அ.தி.மு.க.வின் வேட்பாளர் பட்டியல் வெளியிடப்பட்டுவிட்டது. ஏற்கனவே அமைச்சர் பதவியில் இருப்பவர்களில் பலருக்கு வாய்ப்பு  நிராகரிக்கப்பட்டிருக்கிறது. அதில், முக்கியமானவர் பழனியப்பன்.  
கழகத்தின் தலைமை நிலையச் செயலாளர், உயர் கல்வித்துறை அமைச்சர்,  ஐவர் அணியில் ஒருவராக இருந்தவர் என அ.தி.மு.க.வின் முக்கியமான முகங்களில் ஒருவராக வலம்வந்து கொண்டிருந்த  பழனியப்பனை ஒரேயடியாக தூக்கிவீசிவிட்டார் ஜெயலலிதா.
 

கடந்த சில மாதங்களாக சீக்ரெட்டாக நடந்து வரும் அமைச்சர்கள் மீதான  என்கொயரியில் பழனியப்பனும் அடக்கம். ஓ.பி.எஸ், நத்தம் உள்ளிட்டவர்களுக்கு மீண்டும் வாய்ப்புகள் வழங்கப்பட்டிருக்கும் வேளையில் பழனியப்பனுக்கு கல்தா கொடுக்கப்பட்டிருக்கிறது. ஒன்றரை மாதங்களாகவே வெளியில் எங்கும் தலைகாட்டாத பழனியப்பனுக்கு கட்சி நிகழ்ச்சிகளிலும் கலந்துகொள்ள தடைவிதிக்கப்பட்டது. கிட்டதட்ட தலைமறைவாகவே இருந்த பழனியப்பன்,  சில தினங்களுக்கு முன்பு யாருக்கும் தெரியாமல்  குடும்பத்தோடு தருமபுரி காலபைரவர் கோயிலுக்கு வந்து,  நீண்ட நேரம் வணங்கிவிட்டு சென்றார். எல்லாம் நல்லபடியாவே நடக்கணும் என்று மட்டும் வேண்டிக் கொண்டாராம். நண்பர்களிடத்தில் கூட பேசுவதை தவிர்த்து வந்திருக்கிறார் பழனியப்பன்.

'சீட்' டுக்கு பணம் வசூலித்தார்கள், சொத்துகள் வாங்கினார்கள் என்று அமைச்சர்கள் மீது புகார் கிளம்பிய சமயத்தில் பழனியப்பனின் சொத்துப்பட்டியல் என்று ஒரு பெரிய பட்டியல் வாட்ஸ் அப்பில் வெளிவந்து அதிர்ச்சிக் கிளப்பியது. பழனியப்பனின் சொந்த ஊரான மோளையானூர் பஞ்சாயத்து தலைவர் கிருஷ்ணமூர்த்தியை செயல்படவிடாமல் ஆக்கியது, கிருஷ்ணமூர்த்தி பழனியப்பனை எதிர்த்து தலைமைச்செயலகம் முன்பு தீக்குளிக்க முயற்சித்தது என அவர் ஓரம்கட்டப்பட்டதற்கு அடுக்கடுக்கான காரணங்கள் சொல்லப்படுகிறது.

கடந்த நாடாளுமன்றத் தேர்தலில்,  தருமபுரியில் அ.தி.மு.க தோற்றதற்கு பழனியப்பனின் பதவிதான் பறிபோயிருக்க வேண்டும். ஆனால், தனது தந்திரத்தின் மூலம் அதில் கே.பி.முனுசாமியை சிக்க வைத்தார். இப்போது நடந்த விசாரணையில் எல்லாம் வெளிவந்துவிட்டதாக சொல்கிறார்கள். அதுமட்டுமல்லாமல் தருமபுரியில் இருந்து கொண்டு  சென்னையில் உள்ள விருகம்பாக்கம், ஆலந்தூர், வேளச்சேரி ஆகிய தொகுதிகளுக்கு பணம் கட்டியிருக்கிறார். 'இத்தனை சின்னவயசுல இவ்வளவு பெரிய போஸ்ட்டிங்க் கொடுத்தா...  ச்சீட் பண்ணது மட்டுமில்லாம,  சென்னைக்கு வந்து இன்னும் பெரிய ஆளாக பாக்குறியோ..?' என்று ஜெயலலிதா பழனியப்பனுக்கு டோஸ்விட்டதாகவும் சொல்கிறார்கள்.

-எம்.புண்ணியமூர்த்தி

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close