Vikatan.com

www.vikatan.com would like to send you push notifications.

Notifications can be turned off anytime from browser settings.

த.மா.கா.வை உடைத்த தி.மு.க.: சலசலக்கும் மக்கள் நலக்கூட்டணி!

க்கள் நலக் கூட்டணியில் த.மா.கா. இணைந்ததையடுத்து தீவிர பிரசாரத்தை தொடங்க இருக்கிறார் ஜி.கே.வாசன். இந்நிலையில், மக்கள் நலக் கூட்டணியில் இணைந்த முடிவை எதிர்த்து த.மா.கா.வின் மூத்த தலைவர்கள் சிலர் காங்கிரஸ் கட்சியில் ஐக்கியமாக உள்ளனர். இதனால், அதிர்ந்து போய் இருக்கிறது த.மா.கா. கூடாரம்.

மக்கள் நலக் கூட்டணியில் 26 இடங்களை த.மா.கா.வுக்கு ஒதுக்கப்பட்டது. நேற்று மாலை 3 மணியளவில் மக்கள் நலக் கூட்டணியின் தலைவர்கள், ஜி.கே.வாசனை தேனாம்பேட்டையில் உள்ள அவரது அலுவலகத்தில் சந்தித்தனர். இந்த சந்திப்பை த.மா.கா.வின் மூத்த துணைத்தலைவர் பீட்டர் அல்போன்ஸ் உள்ளிட்டவர்கள் புறக்கணித்தனர். புறக்கணிப்பிற்கு வைகோ இருக்கும் இடத்தில் நாங்கள் இருக்க முடியாது என காரணத்தை வாசனிடம் தெரிவித்திருந்தனர். மேலும், கூட்டணிக்கு அ.தி.மு.க. பக்கம் போக வேண்டும் என வாசன் முடிவு எடுத்தபோதே, தி.மு.க. கூட்டணி நமக்கு சரியாக இருக்கும் என பல வகைகளில் பீட்டர் அல்போன்ஸ் வலியுறுத்தி வந்தார். ஆனால், காங்கிரஸ் இருக்கும் இடத்தில் நாம் இருந்தால் நமக்கு மரியாதை இருக்காது என வாசன் மறுத்து விட்டார்.

இந்நிலையில், த.மா.கா.வின் மூத்த துணைத்தலைவர் பீட்டர் அல்போன்ஸ், காஞ்சிபுரம் விஸ்வநாதன், ராசிபுரம் ராணி ஆகியோர் காங்கிரஸ் தலைவர் சோனியாகாந்தியை சந்திக்க இருப்பதாக தகவல்கள் வெளியானது.

மக்கள் நலக் கூட்டணி சார்பில் போட்டியிட்டு நாம் வெற்றிபெற முடியாது. த.மா.கா.வை கேப்டனிடம் அடகு வைத்து விட்டார் வாசன். எனவே, காங்கிரஸ் கட்சியில் சேர்வது மட்டுமே எதிர்காலத்திற்கு உகந்ததாக இருக்கும் என்ற காரணத்தை அதிருப்தியாளர்கள் முன் வைக்கின்றனர்.

இதையடுத்து, நாளை (10-ம் தேதி) இந்த தலைவர்கள் சோனியாகாந்தியை சந்திக்கின்றனர். எனவே, தி.மு.க., காங்கிரஸ் கூட்டணியில் இவர்கள் போட்டியிடுவது உறுதியாகி விட்டது.

மக்கள் நலக் கூட்டணியில் இணைந்து மெகா அலையன்ஸ் என்ற பெயரில் தேரர்தலை சந்திக்க இருக்கிறார் வாசன். இந்நிலையில், கூட்டணி உருவாகி சில மணி நேரங்களில் த.மா.கா.வே உடையும் அளவுக்கு தி.மு.க.வினர் வேலை பார்ப்பார்கள் என வாசன் கொஞ்சமும் எதிர்பார்க்கவில்லை. போகிறவர்கள் போகட்டும். உண்மையான காங்கிரஸ் தொண்டர்கள் நம் பக்கம் இருக்கிறார்கள் என கட்சிக்காரர்களை உற்சாகப்படுத்தி வருகிறார்.

பீட்டர் அல்போன்சின் அதிரடியைத் தொடர்ந்து இன்னும் சில முக்கிய தலைவர்களும் காங்கிரசோடு செல்ல இருக்கிறார்கள். இந்த அதிரடியால் மக்கள் நலக் கூட்டணி கலகலத்து கிடக்கிறது.

-ஆ.விஜயானந்த்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ