Vikatan.com

www.vikatan.com would like to send you push notifications.

Notifications can be turned off anytime from browser settings.

வேட்பாளரை மாற்றக் கோரி கருணாநிதி வீடு முற்றுகை: கோபாலபுரத்தில் பரபரப்பு!

சென்னை: பாளையங்கோட்டை தொகுதியின் வேட்பாளரை மாற்றக் கோரி, நெல்லை மாவட்ட திமுகவினர் அக்கட்சியின் தலைவர் கருணாநிதியின் வீட்டை முற்றுகையிட்டுப் போராட்டம் நடத்தியதால் கோபாலபுரம் பகுதியில் பரபரப்பு ஏற்பட்டது.

தமிழ்நாடு சட்டமன்றத் தேர்தலில் 173 தொகுதிகளில் திமுக போட்டியிட முடிவுசெய்து,வேட்பாளர்கள் பட்டியல் அறிவிக்கப்பட்டது.இந்நிலையில் தமிழகம் முழுவதும்,  பல்வேறு தொகுதிகளில் அறிவிக்கப்பட்ட வேட்பாளர்களை மாற்றக்கோரி,  திமுகவினர் ஆங்காங்கே போராட்டத்தில் ஈடுபட்டு வருகின்றனர். 

பாளையங்கோட்டை தொகுதி வேட்பாளராக முன்னாள் அமைச்சர் டி.பி.எம். மைதீன்கான் அறி விக்கப்பட்டுள்ளார். இதற்கு தி.மு.க.வினர் கடும் எதிர்ப்பு  தெரிவித்துள்ளனர். மைதீன்கானை மாற்றக்கோரி பாளையங்கோட்டையில் அவரது உருவ பொம்மையை  எரித்தும் போராட்டம் நடத்தியிருந்தனர்.

இந்நிலையில்  நெல்லை மாவட்டத்தில் இருந்து நூற்றுக்கணக்கான  திமுகவினர், சென்னை வந்தனர். இன்று(வியாழன்) காலை கோபாலபுரத்தில் உள்ள தி.மு.க. தலைவர் கருணாநிதி வீட்டு முன்பு திரண்டு  அவர்கள் போராட்டத்தில்  ஈடுபட்டனர். அப்போது மைதீன்கானுக்கு எதிர்ப்பு தெரிவித்த திமுகவினர், உடனடியாக அவரை மாற்ற வேண்டும் என்று வலியுறுத்தி முழக்கங்களை எழுப்பினர். 
இதனால் கோபாலபுரத்தில் சிறிது நேரம் பரபரப்பு நிலவியது.

 

எடிட்டர் சாய்ஸ்

MUST READ