Vikatan.com

www.vikatan.com would like to send you push notifications.

Notifications can be turned off anytime from browser settings.

ஊழல் செய்ததற்காக சிறை சென்ற ஒரே முதல்வர் ஜெயலலிதா... பிரகாஷ் ஜவ்டேகர் கடும் தாக்கு!

ஈரோடு: ஊழல் செய்ததற்காக சிறை சென்ற ஒரே முதல்வர் ஜெயலலிதாதான் என்று மத்திய அமைச்சர் பிரகாஷ் ஜவ்டேகர் கடுமையாக தாக்கி உள்ளார்.
 

ஈரோடு மாவட்டம் சூரம்பட்டி நால்ரோட்டில் பா.ஜ.க. தேர்தல் பிரசார பொதுக்கூட்டம் நடைபெற்றது. இதில் கலந்து கொண்டு மத்திய அமைச்சர் பிரகாஷ் ஜவ்டேகர் பேசும்போது, ''மத்திய அரசின் பல திட்டங்களை அ.தி.மு.க. அரசு தான் கொண்டு வந்த திட்டம் என்று கூறி மக்களை ஏமாற்றி வருகிறது.

தமிழகத்தில் ஏராளமான தென்னை மரங்கள் உள்ளன. ஆனால் தென்னை விவசாயிகளுக்கு மானியம் ஏதும் வழங்கப்படுவதில்லை. மலேசியாவில் இருந்து இறக்குமதி செய்யப்படும் பாமாயிலுக்கு 27 ரூபாய் மானியம் தமிழக அரசு வழங்குகிறது. மலேசிய விவசாயிகளுக்கு நன்மை செய்யும் தமிழக அரசு, சட்டசபை தேர்தலில் மலேசிய விவசாயிகளிடம் தான் ஓட்டு கேட்க வேண்டும். தமிழக விவசாயிகளிடம் ஓட்டு கேட்கக் கூடாது.

ரேஷனில் வழங்கும் அரிசிக்கு 25 ரூபாய்க்கு மேல் மத்திய அரசு மானியம் வழங்கி வருகிறது. ஆனால் வெறும் 3 ரூபாய் மட்டும் செலவிட்டு விட்டு தாங்கள் தான் அனைத்து செலவுகளும் செய்கிறோம் என்று பொய் பிரசாரம் செய்து வருகின்றனர். இதேபோல் வெள்ள நிவாரணத்துக்கு மத்திய அரசு வழங்கிய நிதியை தமிழக அரசு தாங்கள் வழங்கியது போல் தவறான பிரசாரம் செய்து வருகிறார்கள்.

தி.மு.க–காங்கிரஸ் கூட்டணியை ஊழல் கூட்டணி என்று சொல்லலாம். மத்தியில் காங்கிரஸ் கூட்டணி ஆட்சி நடந்தபோது 2ஜி ஸ்பெக்ட்ரம் விவகாரத்தில் 1 லட்சத்து 76 ஆயிரம் கோடிக்கு ஊழல் நடந்தது. காற்றில், நிலத்தில் மட்டும் அல்லாமல் பாதாளத்தையும் அவர்கள் விட்டு வைக்கவில்லை. நிலக்கரி சுரங்கத்தை ஏலம் விடுவதிலும் பல லட்சம் கோடி ஊழல் நடந்து உள்ளது.

மத்தியில் பிரதமர் மோடி தலைமையிலான ஆட்சி வந்ததும் 2ஜி அலைக்கற்றையை பொது ஏலத்தில் விட்டது. இதன் மூலம் ரூ.1 லட்சத்து 96 ஆயிரம் கோடி வருவாய் கிடைத்து உள்ளது. நிலக்கரி சுரங்க ஏலம் மூலம் ரூ.3 லட்சம் கோடி அரசுக்கு வருவாய் கிடைத்து உள்ளது. இந்திய அளவில் மாற்றம் வந்து உள்ளது. ஏன் தமிழகத்தில் மாற்றம் வரக்கூடாது.

ஊழல் செய்ததற்காக சிறை சென்ற ஒரே முதல்வர், இந்தியாவிலேயே தமிழகத்தில் தான் உள்ளார். தற்போது உச்ச நீதிமன்றத்தில் அவரது வழக்கு நடந்து வருகிறது. ஊழல் ஆட்சிகள் மீண்டும் வேண்டுமா? ஊழலற்ற–நிர்வாக திறமையான ஆட்சி வர வேண்டுமா என்பதை நீங்கள் சிந்தித்து வாக்களிக்க வேண்டும்" என்றார்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ