Vikatan.com

www.vikatan.com would like to send you push notifications.

Notifications can be turned off anytime from browser settings.

'போலீஸ் அதிகாரி வந்திதாவுக்கு ஏதாவது நேர்ந்தால் ஜெயலலிதா பதில் சொல்ல வேண்டும்!' -ஸ்டாலின்

நெல்லை: போலீஸ் அதிகாரி வந்திதாவுக்கு ஏதாவது நேர்ந்தால் ஜெயலலிதா பதில் சொல்ல வேண்டும் என்று தேர்தல் பிரசார கூட்டத்தில் தி.மு.க. பொருளாளர் கூறினார்.

தி.மு.க. மற்றும் கூட்டணி கட்சி வேட்பாளர்களை ஆதரித்து நெல்லையில் பிரசாரம் மேற்கொண்ட மு.க.ஸ்டாலின், ''கடந்த 5 ஆண்டுகளில் சட்டசபையில் மேஜையை தட்டியதுதான் அ.தி.மு.க. எம்.எல்.ஏ.க்களின் ஒரே சாதனை. அவர்கள் இந்த தேர்தலில் ஓட்டுக்கேட்க உங்களை தேடி வந்தால், 5 ஆண்டுகளாக என்ன செய்தீர்கள்? என கேளுங்கள்.

ஜெயலலிதா தேர்தல் பிரசாரத்தின்போது சொன்னதை செய்ததாகவும், சொல்லாததையும் செய்ததாகவும் கூறுகிறார். தெருவுக்கு தெரு டாஸ்மாக் கடைகளை திறந்தது, செம்பரம்பாக்கம் ஏரியை திறந்ததுதான் அவர்கள் சொல்லாமல் செய்தது.

தமிழகம் அமைதிப் பூங்காவாக இருப்பதாக ஜெயலலிதா கூறுகிறார். ஒரு பத்திரிகையில் புள்ளி விவரம் ஒன்றை வெளியிட்டு இருக்கிறார்கள். கடந்த 5 ஆண்டுகளில் 7,630 கொலைச் சம்பவங்கள், 3,473 பாலியல் பலாத்கார வழக்குகள், 6,431 பெண் கடத்தல் சம்பவங்கள், 8,119 கொள்ளை சம்பவங்கள், 11,845 கொலை முயற்சிகள் நடந்து இருப்பதாக அந்த புள்ளி விவரத்தில் கூறப்பட்டுள்ளது.

அ.தி.மு.க. ஆட்சியில் கொலைகள் 16.8 சதவீதமும், கொலை முயற்சி 42.2 சதவீதமும், பெண்களுக்கு எதிரான பாலியல் கொடுமைகள் 61.1 சதவீதமும், பெண் கடத்தல் சம்பவங்கள் 56.5 சதவீதமும், கொள்ளை-திருட்டு சம்பவங்கள் 105 சதவீதமும் அதிகரித்து இருப்பதாகவும் அந்த புள்ளிவிவரத்தில் கூறப்பட்டு இருக்கிறது. எனவே இதன் மூலமே அ.தி.மு.க. ஆட்சியின் சட்டம்-ஒழுங்கைப் பற்றி நீங்கள் நன்றாக தெரிந்து இருப்பீர்கள்.

தூத்துக்குடி மாவட்டத்தில் மட்டும் ஒரே ஆண்டில் 100 கொலைகள் நடந்து இருப்பது அ.தி.மு.க. ஆட்சியில்தான். அ.தி.மு.க. ஆட்சியில் சட்டம்-ஒழுங்கு சீரழிந்து விட்டது. சட்டம்-ஒழுங்கு பிரச்சினைக்கு காவல்துறை தலையிட்டு தீர்வு காணவும், தாய்மார்கள் நிம்மதியாக இருக்கவும் தமிழகத்தில் ஆட்சி மாற்றம் வந்தாக வேண்டும்.

கரூரில் அ.தி.மு.க. பிரமுகர் அன்புநாதன் வீட்டில் சோதனை நடத்தி ரூ.5 கோடியை தேர்தல் அதிகாரிகள் கைப்பற்றி உள்ளார்கள். அந்த பணத்தை பறிமுதல் செய்த போலீஸ் அதிகாரியை சுட்டுக்கொல்ல தற்போது முயற்சி நடந்துள்ளது.

இதுதொடர்பாகவும், அ.தி.மு.க.வினர் பணம் பதுக்கல் சம்பந்தமாகவும் ஈ.வி.கே.எஸ்.இளங்கோவன், குலாம்நபி ஆசாத், டி.ஆர்.பாலு ஆகியோர் புதுடெல்லியில் தலைமை தேர்தல் அதிகாரியிடம் புகார் அளித்து இருக்கிறார்கள். அது சம்பந்தமாக உரிய நடவடிக்கை எடுக்கப்படும் என்று தேர்தல் ஆணையம் அறிவித்துள்ளது.

கொலை முயற்சிக்கு உள்ளான அந்த போலீஸ் அதிகாரிக்கு ஏதாவது நேர்ந்தால், ஜெயலலிதா பதில் சொல்ல வேண்டும். எங்களது புகார் குறித்து இந்திய தேர்தல் ஆணையம் சரியான நடவடிக்கையை எடுக்கும் என்று எதிர்பார்க்கிறோம். அப்படி இல்லை என்றால் தி.மு.க. ஆட்சி அமைந்ததும் உரிய நடவடிக்கை எடுக்கப்படும்" என்றார்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ