Vikatan.com

www.vikatan.com would like to send you push notifications.

Notifications can be turned off anytime from browser settings.

பணத்தைப் பார்க்காமல் வேட்பாளரின் குணத்துக்கு வாக்களியுங்கள்! -இலகணேசன்

ராமநாதபுரம்: பணத்தைப் பார்க்காமல் வேட்பாளரின் குணத்துக்கு வாக்களியுங்கள் என்று தேர்தல் பிரசாரத்தின்போது பாஜக தேசிய செயற்குழு உறுப்பினர் இல.கணேசன் கூறினார்.

ராமநாதபுரம் மாவட்டத்தில் பா.ஜ.க. வேட்பாளர்களை ஆதரித்து இல.கணேசன் பிரசாரம் செய்தபோது, ''வாக்குக்கு பணம் கொடுக்கும் பழக்கத்தை திருமங்கலம் ஃபார்முலா என்பார்கள். இப்போது அது, தமிழக ஃபார்முலாவாகி விட்டது. தோல்வி ஏற்படும் என்று தெரிந்த பிறகுதான், தேர்தலில் போட்டியில்லை என்று வைகோ தெரிவித்துள்ளார். இது, அவர் ஏற்கெனவே திட்டமிட்டு எடுத்த முடிவு.

தமிழகம் முழுவதும் தற்போது அதிகாரிகளால் பறிமுதல் செய்யப்பட்டு வரும் பண மூட்டைகள் எந்தக் கட்சியினுடையது, அவர்கள் மீது எடுத்த நடவடிக்கை என்ன, தொடுத்த வழக்கு என்ன என்பன உள்ளிட்ட விவரங்களை பொதுமக்கள் அறியும் வகையில் தேர்தல் ஆணையம் வெளியிட வேண்டும்.

ராமர் பாலத்தை இடிக்காமல் சேது சமுத்திரத் திட்டத்தை நிறைவேற்றுவோம் என முதலில் வாஜ்பாய் தலைமையிலான பா.ஜ.க. அரசு தான் கூறியது. இத்திட்டத்தை நிறைவேற்ற 4-வது வழித்தடம் அங்கீகரிக்கப்பட்டது. ஆனால், அதன்பின்னர் மத்திய அமைச்சராக இருந்த தி.மு.க.வின் டி.ஆர்.பாலு, ராமர் பாலம் என்ற ஒன்றில்லை எனக் கூறி, இத்திட்டத்தை 6-வது வழித்தடத்தில் நிறைவேற்றுவோம் என்றார். மேலும், கருத்துக் கேட்புக் கூட்டத்தை ராமநாதபுரத்தில் நடத்தினார். அப்போது, அதற்கு பொதுமக்கள் கடும் எதிர்ப்பு தெரிவித்தனர்.

தி.மு.க. தனது தேர்தல் அறிக்கையில், சேது சமுத்திரத் திட்டத்தை நிறைவேற்றுவோம் எனக் கூறியிருப்பது, அத்திட்டத்தின் மூலம் லாபம் சம்பாதிப்பதற்காகவே. நரேந்திர மோடி தலைமையிலான அரசு, ராமர் பாலத்துக்கு எவ்வித இடையூறும் இல்லாமல் சேது சமுத்திரத் திட்டத்தை நிறைவேற்றப்படும் எனத் தெரிவித்துள்ளது. அதனால், பணத்தைப் பார்க்காமல் வேட்பாளரின் குணத்தைப் பார்த்தும், தேசப்பற்று மிக்கவர்களுக்கும் வாக்களியுங்கள்" என்றார்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ