Vikatan.com

www.vikatan.com would like to send you push notifications.

Notifications can be turned off anytime from browser settings.

அம்மா புராணம் பாடுறதுக்காக இலவச செல்போன் கொடுக்குறீங்களா.?! -கடுப்படிக்கிறார் விஜயகாந்த்

கடலூர்: ​அம்மா புராணம் பாடுவதற்காகவா இலவச செல்போன் கொடுக்குறீங்க என்று அ.தி.மு.க. தேர்தல் அறிக்கை பற்றி விமர்சித்துள்ளார் தே.மு.தி.க. தலைவர் விஜயகாந்த்.

கடலூர் மற்றும் விருத்தாசலத்தில் நடைபெற்ற தே.மு.தி.க., த.மா.கா., மக்கள் நலக் கூட்டணி வேட்பாளர்கள் அறிமுகம் மற்றும் தேர்தல் பிரசார கூட்டங்களில் கலந்து கொண்டு தே.மு.தி.க. தலைவர் விஜயகாந்த் பேசும்போது, ''இந்த தேர்தல் தர்மத்திற்கும் அதர்மத்திற்கும் நடக்கும் போர்.

தமிழக அரசியலில் இருந்து தி.மு.க., அ.தி.மு.க.வை அப்புறப்படுத்த வேண்டும். அதனால், அ.தி.மு.க., தி.மு.க. கட்சிகளை மக்கள் இந்த தேர்தலில் புறக்கணித்தி விரட்டியடிக்க வேண்டும். நான் கேட்கிறேன், மக்களுக்காக நான்... மக்களுக்காக நான் என்று கூறிக்கொள்ளும் ஜெயலலிதா, சிறுதாவூர் பங்களாவை ஏழைகளுக்கு கொடுக்க முன்வருவாரா?

அ.தி.மு.க. பொதுச்செயலாளர் ஜெயலலிதா, டாஸ்மாக் கடைகளை திறந்துவிட்டு மக்களை குடிப்பழக்கத்திற்கு அடிமையாக வழிவகுத்துவிட்டார். ஜெயலலிதா வெளியிட்டுள்ள அ.தி.மு.க. தேர்தல் அறிக்கையில் அனைவருக்கும் இலவச செல்போன் உள்ளிட்ட இலவச திட்டங்களை அறிவித்து மக்களை ஏமாற்றுகிறார்.

அ.தி.மு.க. தேர்தல் அறிக்கையில் கூறப்பட்டுள்ள இலவச செல்போன், அம்மா புராணம் பாடுவதற்காகவா? அந்த போனை நீங்கள் டயல் செய்தால் கூட ‘அம்மா... அம்மா... என்றுதான் கேட்கும்.

‘காட்டுமன்னார்கோவில் தொகுதியில் திருமாவளவன் போட்டியிடுகிறார். அவர் எனது நீண்டகால நண்பர். எனது பிறந்த நாளின்போது வாழ்த்து தெரிவிப்பார். மக்கள் நல கூட்டணிக்கு நான் வர வேண்டும் என்று விரும்பி அழைத்தார்.

அவர் காட்டுமன்னார் கோவில் தொகுதியில் வெற்றி பெறுவது உறுதி. அவருக்கு மோதிரம் சின்னத்தில் வாக்களித்து வெற்றி பெற செய்யுங்கள்." என்றார்.

எடிட்டர் சாய்ஸ்

MUST READ