Vikatan.com

www.vikatan.com would like to send you push notifications.

Notifications can be turned off anytime from browser settings.

திமுகவும் காங்கிரசும் ஒட்டிப் பிறந்த இரட்டை குழந்தைகள்: மு.க.ஸ்டாலின்!

மதுரை: திமுகவும் காங்கிரசும் ஒட்டிப் பிறந்த இரட்டைக் குழந்தைகள் என்று திமுக பொருளாளர் மு.க.ஸ்டாலின்,  மதுரை பிரசாரக் கூட்டத்தில் பேசினார்.

திமுக கூட்டணி வேட்பாளர்களை ஆதரித்து பிரசாரம் செய்வதற்காக காங்கிரஸ் துணைத் தலைவர் ராகுல் காந்தி இன்று தமிழகம் வந்துள்ளார். இந்நிலையில் மதுரையில் நடைபெற்ற பிரசாரக்  கூட்டத்தில் ராகுலுடன் திமுக பொருளாளர் மு.க.ஸ்டாலினும் கலந்து கொண்டார்.

அந்தக் கூட்டத்தில் பேசிய மு.க.ஸ்டாலின், " தமிழகத்தில் பல அரிய நல்ல திட்டங்களை கொண்டு வந்த கூட்டணி திமுக- காங்கிரஸ் கூட்டணி. சேது சமுத்திர திட்டம் லட்சக்கணக்கான இளைஞர்களுக்கு வேலை வாய்ப்புகளை உருவாக்கவும், இந்திய பொருளாதாரத்தை உயர்த்தவும் கொண்டு வரப்பட்ட திட்டம். இந்த திட்டம் தொடங்கி  வைக்கப்பட்ட இடமும் இந்த மதுரைதான். வாஜ்பாய் மற்றும் சோனியாகாந்தி இருவருமே நாட்டிற்கு பயன்படும் திட்டங்களில் அரசியலை புகுத்தியது கிடையாது. அதேபோல்,  கருணாநிதியும் மாநில அரசின் நலத்திட்டங்களில் அரசியலை புகுத்தியது கிடையாது.

நோக்கியா நிறுவனம் நிறுவப்பட்டது, சென்னை மெட்ரொ ரயில் திட்டம், மதுரவாயல் பறக்கும்சாலை திட்டம், சரக்குகளை கையாள்வதற்கு எண்ணூர் துறைமுகத்திலே விரிவாக்கப்பணிகள், திருச்சியிலே இந்திய மேலாண்மை நிறுவனம், சிறுபான்மையின மக்களை அச்சுறுத்திய பொடா சட்டம் நீக்கப்பட்டது உள்ளிட்ட பல திட்டங்களும், தாய்மொழியாகிய தமிழ் மொழிக்கு செம்மொழி என்ற அந்தஸ்தையும் பெற்றுத் தந்த ஆட்சிதான் திமுக ஆட்சி.

திமுக ஆட்சியின் போது அமைச்சர்களை அடுத்த நொடியே தொடர்பு கொள்ளக்கூடிய வாய்ப்பு இருந்தது. ஆனால், இன்று அப்படி இல்லை. இதனால்தான் நோக்கியா, பாக்ஸ்கான் போன்ற நிறுவனங்கள் வெளியேறியது. சென்னை எண்ணூர் பறக்கும் சாலை திட்டத்தை முடக்கியது அதிமுக ஆட்சி. நாடாளுமன்றத்தில் அதிமுக எம்.பி.க்கள் என்றாவது தமிழக பிரச்னை குறித்து பேசியதுண்டா? காவிரி இறுதி தீர்ப்பின்படி காவிரி மேலாண்மை வாரியத்தை அமைக்க தவறியிருக்கிறது அதிமுக ஆட்சி. தொழில் முதலீடுகளை ஈர்ப்பதிலே 13-வது மாநிலமாக தள்ளப்பட்டிருக்கிறது தமிழகம், விவசாயத்தில் 21-வது இடத்திற்கு தள்ளப்பட்டுள்ளது. ஆனால், ஊழலில் முதல் மாநிலமாக தமிழகம் உள்ளது. இதை நான் சொல்லவில்லை. தேசிய பொருளாதார புள்ளிவிபரம் ஒன்று சொல்கிறது. பால் விலையையும், மின்கட்டணத்தையும் உயர்த்திவிட்டு இப்போது பால் விலையை குறைப்பதாகவும், 100 யூனிட் மின்சாரத்தை இலவசமாக தருவதாகவும் கூறுகிறார் ஜெயலலிதா.

திமுக வெற்றி பெற்றால் கலெக்ஷன், கமிஷன், கரப்ஷன் இல்லாத ஒரு ஆட்சி, கட்டப்பஞ்சாயத்து, ரெளடியிசம் இல்லாத ஒரு ஆட்சி, போலீஸ் சுதந்திரமாக செயல்பட வாய்ப்பளிக்கும் ஒரு நல்ல ஆட்சி அமையும். தொழில் துவங்க ஒற்றைசாளர முறையில் 100 நாட்களுக்கு அனுமதி வழங்க நடவடிக்கை எடுக்கப்படும்'  என்று கூறினார்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ