Vikatan.com

www.vikatan.com would like to send you push notifications.

Notifications can be turned off anytime from browser settings.

மாந்தோப்பில் வீசப்பட்ட 20 லட்சம்..! இது சேலம் பரபரப்பு



சேலத்தில் தேர்தல் பறக்கும் படையினரைப் பார்த்ததும் 20 லட்ச ரூபாயை மாந்தோப்பில் வீசி விட்டு சென்ற 2 பேரை காவல்துறையினர் வலைவீசி தேடி வருகின்றனர்.

வாக்காளர்களுக்கு அரசியல் கட்சியினர் கொடுப்பதை தடுக்கவும், பண நடமாட்டத்தை கண்காணிக்கவும் தேர்தல் ஆணையம் கடுமையான நடவடிக்கைகளை மேற்கொண்டு வருகிறது. இந்த நிலையில், சேலம் மாவட்டம், பாலக்கோட்டில் இருந்து பெல்ரம்பட்டிக்கு மர்ம நபர்கள் இருசக்கர வாகனத்தில் பணம் எடுத்து வருவதாக பறக்கும் படை அதிகாரிகளுக்கு தகவல் கிடைத்தது. அதைத்தொடர்ந்து பறக்கும் படை அதிகாரிகள் இரு குழுக்களாக அந்த பகுதியில் தீவிர கண்காணிப்பில் ஈடுபட்டனர்.

அந்த வழியாக இருசக்கர வாகனத்தில் 2 பேர் வந்தனர். தேர்தல் பறக்கும் படையினரை பார்த்ததும் அங்குள்ள மாந்தோப்பு அருகே வாகனத்தை நிறுத்தினர். அப்போது வண்டியில் பின்னால் அமர்ந்து இருந்தவர் 2 பைகளுடன் கீழே இறங்கி அங்குள்ள மாந்தோப்புக்குள் சென்றார். அங்கு அந்த பைகளை வீசி விட்டு மீண்டும் இருசக்கர வாகனத்தில் சென்று விட்டனர். இதனால் சந்தேகம் அடைந்த தேர்தல் அதிகாரிகள் மாந்தோப்புக்கு விரைந்து சென்று அந்த மர்ம நபர்கள் வீசிச் சென்ற பைகளை எடுத்து சோதனை நடத்தினர்.

அப்போது அதில் கட்டுக்கட்டாக பணம் இருந்தது தெரியவந்தது. அந்த பணத்தை பாலக்கோடு தொகுதி தேர்தல் நடத்தும் அலுவலர் வள்ளியிடம் தேர்தல் பறக்கும் படை அதிகாரிகள் ஒப்படைத்தனர். அப்போது, பையில் 20 லட்சம் ரூபாய் இருப்பது தெரியவந்தது. அதைத்தொடர்ந்து 20 லட்சத்தை தேர்தல் நடத்தும் அலுவலர் வள்ளி மற்றும் தேர்தல் பறக்கும் படையினர் கருவூலத்தில் ஒப்படைத்தனர். பணத்தை மாந்தோப்பில் வீசி விட்டு மோட்டார் சைக்கிளில் தப்பிச் சென்றவர்கள் குறித்து தேர்தல் அலுவலர்கள் விசாரணை நடத்தி வருகின்றனர்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ