Vikatan.com

www.vikatan.com would like to send you push notifications.

Notifications can be turned off anytime from browser settings.

தமிழகம், புதுச்சேரியில் வாக்குப்பதிவு தொடங்கியது..! பாதுகாப்பு வளையத்தில் வாக்குச்சாவடிகள்

 

அரவக்குறிச்சி, தஞ்சாவூர் தொகுதியை தவிர தமிழகத்தில் 232 சட்டசபை தொகுதிகளுக்கும், புதுச்சேரியில் 30 தொகுதிகளுக்கும் வாக்குப்பதிவு தொடங்கியுள்ளது. வாக்குச்சாவடிகளில் பலத்த பாதுகாப்பு ஏற்பாடுகள் செய்யப்பட்டுள்ளது.

தமிழக சட்டப்பேரவை தேர்தலில் அ.தி. மு.க. தலைமையில் ஒரு அணியும், தி.மு.க-காங்கிரஸ் தலைமையில் ஒரு அணியும், தே.மு.தி.க- மக்கள் நல கூட்டணி தலைமையில் ஒரு அணியும், பா.ஜனதா தலைமையில் ஒரு அணியும் போட்டியிடுகின்றன. பாட்டாளி மக்கள் கட்சி, நாம் தமிழர் கட்சி ஆகியவை தனித்து போட்டியிடுகின்றன. இந்த தேர்தலில் 6 முனை போட்டி நிலவுகிறது. புதுச்சேரியிலும் ஆளும் என்ஆர் காங்கிரஸ், திமுக- காங்கிரஸ், அதிமுக, மக்கள் நலக்கூட்டணி உள்ளிட்டவைகள் களத்தில் நிற்கின்றன.

தமிழகத்தில் உள்ள 234 தொகுதிகளிலும் மொத்தம் 3,776 வேட்பாளர்கள் போட்டியிடுகின்றனர். இவர்களில் 3,454 பேர் ஆண்கள். 320 பேர் பெண்கள். மூன்றாம் பாலினத்தவர் 2 பேர். தேர்தல் பிரசாரம் நேற்று முன்தினம் மாலை 6 மணியுடன் ஓய்ந்தது.

கரூர் மாவட்டம் அரவக்குறிச்சி மற்றும் தஞ்சாவூர் தொகுதிகளில் தேர்தல் 23ம் தேதிக்கு தள்ளிவைக்கப்பட்டு இருப்பதால் மற்ற 232 தொகுதிகளுக்கும் இன்று ஓட்டுப்பதிவு தொடங்கியது. காலை 7 மணிக்கு தொடங்கிய உள்ள வாக்குப்பதிவு மாலை 6 மணி வரை வாக்காளர்கள் தங்கள் வாக்கை பதிவு செய்யலாம். இந்த தேர்தலுக்காக ஓட்டுப்பதிவு நேரம் ஒரு மணி நேரம் நீட்டிக்கப்பட்டு உள்ளது.

மொத்தம் 65 ஆயிரத்து 762 வாக்குச்சாவடிகள் அமைக்கப்பட்டு உள்ளன. மொத்தம் ஒரு லட்சத்து 4 ஆயிரத்து 596 வாக்குப்பதிவு எந்திரங்களும், 75 ஆயிரத்து 980 கட்டுப்பாட்டு எந்திரங்களும் பயன்படுத்தப்படுகின்றன. இதுதவிர 20 சதவீத வாக்குப்பதிவு எந்திரங்கள் அவசர தேவைக்காக தயார் நிலையில் வைக்கப்பட்டு உள்ளன.

இந்த தேர்தலில் 5 கோடியே 80 லட்சத்து ஆயிரத்து 540 வாக்காளர்கள் வாக்களிக்க உள்ளனர். இவர்களில் ஆண்கள் 2 கோடியே 87 லட்சத்து 65 ஆயிரத்து 967 பேர். பெண்கள் 2 கோடியே 92 லட்சத்து 30 ஆயிரத்து 853 பேர். மூன்றாம் பாலினத்தவர் 4 ஆயிரத்து 720 பேர்.

26 ஆயிரத்து 961 வாக்குச்சாவடிகள் வெப் கேமரா மூலமும், 10 ஆயிரம் வாக்குச்சாவடிகள் வீடியோ கேமரா மூலமும், 8 ஆயிரத்து 541 வாக்குச்சாவடிகள் நுண் பார்வையாளர்கள் மூலமும் கண்காணிக் கப்படுகிறது. ஒவ்வொரு வாக்குச்சாவடிக்கும் சிறப்பு ஏற்பாடாக ஒரு வயர்லெஸ் கருவி கொடுக்கப்பட்டு உள்ளது.

தேர்தலில் யாருக்கு வாக்கு அளித்தோம் என்பதை தெரிந்து கொள்ளும் வகையிலான வாக்குப்பதிவு எந்திரங்கள் அண்ணா நகர் தொகுதி உள்பட 17 தொகுதிகளில் பயன்படுத்தப்படுகின்றன. வாக்காளர்கள் எந்த வித சிரமமும் இன்றி ஓட்டுப்போடுவதற்கு தேவையான அனைத்து அடிப்படை வசதிகளும் வாக்குச்சாவடிகளில் செய்யப்பட்டு உள்ளன.

ஒரு லட்சத்து 25 ஆயிரம் காவலர்கள் மற்றும் முன்னாள் ராணுவத்தினர், ஊர்க்காவல் படையினர், தேசிய மாணவர் படையினர், தன்னார்வ தொண்டு நிறுவனத்தை சேர்ந்தவர்கள் என மொத்தம் 6 லட்சத்து 26 ஆயிரம் பேர் பாதுகாப்பு பணியில் ஈடுபட்டுள்ளனர். இவர்கள் தவிர வெளிமாநிலங்களிலிருந்து வந்துள்ள 30 ஆயிரம் துணை ராணுவத்தினரும் பாதுகாப்பு பணியில் ஈடுபட்டுள்ளனர்.

மொத்தம் 5 ஆயிரத்து 417 வாக்குச்சாவடிகள் பதற்றமானவை. அதில் 1,663 வாக்குச்சாவடிகள் மிகவும் பதற்றமானவை என்றும் அடையாளம் காணப்பட்டு உள்ளன. அந்த வாக்குச்சாவடிகளில் போலீசார் தவிர துணை ராணுவ வீரர்கள் 4 பேர் பாதுகாப்பு பணியில் ஈடுபட்டுள்ளனர்.

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ