Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இதற்கு மாற்றே இல்லையா; இதுதான் நிரந்தரமா? இது வைகோவின் கவலை

 

"தமிழக தேர்தலை இனி பணம் தான் தீர்மானிக்குமா? இதற்கு மாற்றே இல்லையா? இதுதான் நிரந்தரமா? இனி பணம் படைத்தவர்கள் மட்டுமே தேர்தலில் போட்டியிட வேண்டுமா?" என்று ம.தி.மு.க. பொதுச் செயலாளர் வைகோ கவலை தெரிவித்தார்.

நாகர்கோவிலில் நடந்த ம.தி.மு.க. பிரமுகர் இல்ல திருமண விழாவில் கலந்து கொண்ட ம.தி.மு.க. பொதுச்செயலாளர் வைகோ, மணமக்களை வாழ்த்தி பேசுகையில், "தமிழக தேர்தலை இனி பணம் தான் தீர்மானிக்குமா? இதற்கு மாற்றே இல்லையா? இதுதான் நிரந்தரமா? இனி பணம் படைத்தவர்கள் மட்டுமே தேர்தலில் போட்டியிட வேண்டுமா?. இந்த நிலையில் இருந்து மீட்க வேண்டிய பொறுப்பு நமக்கு உண்டு. நான் மீட்பர் அல்ல, ஆனால் மீட்பர்கள் வழியிலேயே செல்கிற சாதாரண போர் வீரன். தேர்தலில் மக்கள் மனநிலைக்கு ஏற்ப வாக்குகள் வழங்குகிறார்கள். ஜனநாயக தீர்ப்பை தலைவணங்கி நான் ஏற்றுக்கொள்கிறேன். ஆனால் தமிழகம் முழுவதிலும் பணம்தான் தீர்மானித்தது. இந்தநிலை நீடிக்க முடியாது. நீடித்ததாக இயற்கை நியதி கிடையாது.

எந்த அநீதிக்கும் ஒரு எல்லை உண்டு. ஒரு முடிவு வரும். அந்த அநீதியை எதிர்த்து ஒரே நாளில் வென்றுவிட முடியாது. எந்த முயற்சியும் ஒரு நாளில் வெற்றி பெற்று விடாது. தோற்றுவிட்டோம் என்று தளர்ச்சி அடைந்தவனுக்கு லட்சியத்தில் நம்பிக்கை இல்லை என்று அர்த்தம். நான் தோற்கவில்லை, இன்னும் போராடுவேன். நாங்கள் ஒரு களத்தை இழந்திருக்கிறோம். யுத்தத்தை இழக்கவில்லை. கட்சிகளின் அங்கீகாரத்தை ரத்து செய்ய தேர்தல் ஆணையத்தால் முடியும். இதுவரை இந்தியாவில் தேர்தல் ஆணையம் அதைச் செய்யவில்லை. இப்போது என்ன செய்ய வேண்டும்?.

மத்திய அரசு சட்டம் நிறைவேற்ற வேண்டும். வாக்காளர்களுக்கு பணம் வழங்குகிற வேட்பாளர் என்று தேர்தல் ஆணையத்திடம் நிரூபணம் செய்தால், அந்த வேட்பாளரை தகுதி நீக்கம் செய்யும் அதிகாரத்தை வழங்குகிற சட்டத்தை கொண்டு வாருங்கள். அங்கீகாரத்தை ரத்து செய்கிற அதிகாரம் இருந்தாலும் இன்னும் தெளிவான விதிமுறைகளை வகுத்து கட்சிகளின் அங்கீகாரத்தை ரத்து செய்வதற்கு இன்னும் அதிகமான காரணங்களை காட்டி சட்டத்தை நிறைவேற்றுங்கள்" என்று பேசினார்.

ஏற்கனவே, இந்த தேர்தலில் தோல்வியை எதிர்பார்த்து அதை முழுமையாக எதிர்கொள்ள தயாராகவே இருந்தேன் என்று வைகோ கூறியிருந்தார் என்பது குறிப்பிடத்தக்கது.
 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

'சாக்கடையில் கலந்த ஜெயலலிதா ரத்தம்!'   -எம்பால்மிங் சீக்ரெட்டை உடைக்கும் மருத்துவர்கள் #VikatanExclusive
placeholder

'இருதயம் செயலிழந்து போனதற்கான காரணம் என்ன? திடீரென்று செயலிழந்து நின்று போன இருதயத்தை ஏன் மீண்டும் செயல்பட வைக்க இயலவில்லை? உலகத் தரம் வாய்ந்த உபகரணங்களையும் நிபுணத்துவத்தையும் தோல்வியைத் தழுவச் செய்த காரணங்கள் யாவை?' என்ற கேள்விகளையே மருத்துவர் பீலேயும் அப்போலோ மற்றும் எய்ம்ஸ் மருத்துவர்களும் தமிழக-இந்திய மருத்துவ உலகத்தாரும் தமிழ்நாடு-மத்திய அரசுகளும் கேட்டிருக்க வேண்டும். அதற்கான பதிலைக் கண்டறிய இயன்றளவில் முயற்சியை மேற்கொண்டிருக்க வேண்டும். ஆனால் அதற்கான ஒரு சிறிய துரும்பு அளவிலான முயற்சியைக்கூட இவர்கள் எவரும் மேற்கொள்ளவில்லை என்பதுதான் உண்மை.

Advertisement

MUST READ

Advertisement
[X] Close