Vikatan.com

www.vikatan.com would like to send you push notifications.

Notifications can be turned off anytime from browser settings.

குமரி அனந்தன் அ.தி.மு.க.வில் இணைகிறாரா ?

முன்னாள் தமிழக காங்கிரஸ் தலைவர்...முன்னாள் எம்.பி....சிறந்த பேச்சாளர்...காந்தி பேரவையின் தலைவர்..நாடார் சமூகத்தின் மூத்த தலைவர்...என்றெல்லாம் அழைக்கப்படுகிறவர் குமரிஅனந்தன். தமிழக காங்கிரஸின் வர்த்தகப் பிரிவின் தலைவரான வசந்தகுமாரின் அண்ணன், தமிழக பா.ஜ.க. தலைவரான தமிழிசையின் தந்தையார். குமரி ஆனந்தனின் சொந்த ஊர் கன்னியாகுமரி மாவட்டம் அகஸ்தீஸ்வரம். பொது விஷயங்களுக்காக பல முறை தமிழகத்தில் நடைப் பயணம் மேற்கொண்டவர். தற்போது 83 வயதானலும், காங்கிரஸ் கூட்டங்களில் உற்சாகமாக பங்கேற்று வந்தார்.இந்த நிலையில் சிலமாதங்களுக்கு முன் கன்னியாகுமரியில், திருவள்ளுவரின் கங்கைப் பயணம் நிகழ்ச்சியில் குமரி அனந்தன் கலந்துக் கொண்டார் .அந்த நிகழ்ச்சியில் பா.ஜ.க.எம்.பி. தருண் விஜய்,மத்திய அமைச்சர் பொன்.ராதாகிருஷ்ணன் போன்றவர்களும் கலந்து கொண்டனர் .அப்போதே பா.ஜ.க.எம்.பி.யான தருண்விஜயை பாராட்டி பேசினார் அப்போதே அரசியல் வட்டாரத்தில் செய்தி பரவியது. குமரிஅனந்தன் விரைவில் பா.ஜ.க.வில் இணைந்து விடுவார் என்று. 
இந்த நிலையில் குமரிஅனந்தன், அ.தி.மு.க. பொதுச் செயலாளரும், தமிழக முதல்வருமான ஜெயலலிதாவை சந்திக்க நேரம் கேட்டு  வருகிறார் என குமரி மாவட்ட அ.தி.மு.க.வினர் சொல்கிறார்கள். இரண்டு நாட்களுக்கு முன்பு ராயப்பேட்டையில் உள்ள அ.தி.மு.க. தலைமை கழகத்துக்கு குமரி ஆனந்தன் நேரிடையாக சென்றுள்ளார். அங்குள்ள நிர்வாகிகளிடம் ஜெயலலிதாவின் உதவியாளரான பூங்குன்றனின் போன் நம்பரை குமரி அனந்தன் கேட்டாராம். தற்போது காங்கிரஸில் ஆக்டிவ்வான எந்த பொறுப்பும், உரிய மரியாதையும் குமரிஅனந்தனுக்கு கொடுக்கபட வில்லை எனவே குமரிஅனந்தன் ஜெயலலிதாவை சந்தித்து  அ.தி.மு.க.வில் தன்னை இணைத்துக் கொள்ளவும் வாய்ப்பு இருக்கிறது என்று காங்கிரஸார் சொல்கிறார்கள்.

இது குறித்து பேச குமரிஅனந்தனை தொடர்பு கொண்டோம். முதலில் கருத்து சொல்ல மறுத்தார்.பின்னர் அழைத்து கேட்ட போது பேச தயங்கியவர். ஒரு அட்ரஸ் வாங்குவதுக்கு அ.தி.மு.க. ஆபீஸ் போனேன் என்றார்.

தி.மு.க., தா.மா.க, ம.தி.மு.க., தே.மு.தி.க.என பல கட்சிகளை சேர்ந்தவர்கள் தொடர்ச்சியாக அ.தி.மு.க.வில் சேர்ந்து பெரிய பொறுப்புகளையும், பதவிகளையும் பெற்று வருகிற நிலையில் காங்கிரஸுன் மூத்த தலைவரான குமரிஅனந்தன் அ.தி.மு.க. கூடாரத்துக்கு தாவிவிடுவாரோ என்று காங்கிரஸ் வட்டாரத்தில் செய்தி பரவிக்கிடக்கிறது. அதே நேரம், நாடார் சமூகத்தை சேர்ந்த எம்.பி-யான சசிகலா புஷ்பா தற்போது ஜெயலலிதாவுக்கு தலைவலியாக இருக்கறார். நாடார் சமூகமே அவர் பக்கம் நிற்பதாக முழங்கி வருகிறார். இந்த நேரத்தில் அ.தி.மு.கழகம் தரப்பில் நாடார் சமூகத்தை சேர்ந்த பிரபலங்களுக்கு வலை விரித்துள்ளது. அந்த வலையில் குமரி ஆனந்தன் சிக்குவாரா? என்று அடுத்த சில நாட்களில் தெரிந்துவிடும். 

த.ராம்
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ