Vikatan.com

www.vikatan.com would like to send you push notifications.

Notifications can be turned off anytime from browser settings.

உ.பி-யில் ஆட்சியைப் பிடிக்க பாஜகவின் சென்டிமென்ட் பிளான் !

த்தரப்பிரதேசத்தில் சட்டசபைத் தேர்தல் அடுத்த ஆண்டு தொடக்கத்தில் நடைபெறவுள்ள நிலையில், அங்கு தேர்தல் களம் சூடுபிடித்துள்ளது. பாஜக-வைப் பொருத்தவரை, உத்தரப்பிரதேசத்தில் இந்த முறை வெற்றி பெற்றே ஆக வேண்டும் என்ற தீவிரத்தில் உள்ளது. கூடவே காங்கிரஸும் இழந்த இடத்தைப் பிடிப்பதில் மும்முரமாக உள்ளது. தற்போது ஆட்சியில் உள்ள சமாஜ்வாதி கட்சியும் தன் பங்குக்கு தேவையானதைச் செய்து வருகிறது.

ஏன் உத்தரப் பிரதேசம்?

நாட்டின் மிகப்பெரிய மாநிலமான உத்தரப்பிரதேசத்திலிருந்து தான் அதிக அளவிலான மக்களவை உறுப்பினர்கள் தேர்ந்தெடுக்கப்படுகிறார்கள். உத்தரப் பிரதேச மாநிலத்தில் ஆட்சியைப் பிடிப்பவர்களுக்கு, அடுத்து வரும் மக்களவை தேர்தலில் கணிசமான பலாபலன்கள் இருப்பதால் உத்தரப்பிரதேச கோட்டையைப் பிடிக்க, இந்த மூன்று கட்சிகளும் போட்டிபோடுகின்றன. இந்தக் கட்சிகள் மட்டுமல்லாது, மாயாவதி தலைமையிலான பகுஜன் சமாஜ் கட்சியும் ஆட்சியைப் பிடிப்பதில் மும்முரம் காட்டி வருகிறது. இதற்காக பல அரசியல் விளையாட்டுகளையும் கட்சிகள் அரங்கேற்றி வருகின்றன.

இந்த நிலையில் பிரதமர் வேட்பாளர் என்று சொல்லி சொல்லித்தானே மோடியை முன்நிறுத்தி மக்களவைத் தேர்தலில் ஜெயித்தார்கள், பிறகு ஏன் இதுவரை பாஜக முதல்வர் வேட்பாளரை அறிவிக்கவில்லை? என்ற கேள்வி எழுப்பப்பட்டு வருகிறது. இதற்கு உத்தரப்பிரதேச மாநில பாஜக தலைவர் கேசவ் பிரசாத் மவுரியா பதில் அளித்துள்ளார். 

சென்டிமென்ட் வெற்றி!

"பாஜக சார்பில் முதல்வர் வேட்பாளரை அறிவிக்கப் போவதில்லை. பாஜகவின் ஒவ்வொரு கடைநிலை ஊழியனும் முதல்வர் வேட்பாளர்தான். இதற்கு முன் நடந்த அஸ்ஸாம் மற்றும் டெல்லி தேர்தல்களில் முதல்வர் வேட்பாளர்களை அறிவித்தோம். அஸ்ஸாமில் மட்டுமே ஜெயித்தோம். டெல்லியில் வெற்றி கைகூடவில்லை. 

ஆனால் அதே நேரம், ஹரியானா, மஹாராஷ்ட்ரா மற்றும் ஜார்க்கண்ட் தேர்தல்களில் முதல்வர் வேட்பாளர்களை அறிவிக்காமலேயே போட்டியிட்டு வெற்றி பெற்றோம். எனவே இனிவரும் தேர்தல்களில் முதல்வர் வேட்பாளர்களை அறிவிக்காமல் போட்டியிடப் போகிறோம்" என்று தெரிவித்துள்ளார்.

ஒரே காரணம் மோடி!

பாஜக தேசிய கட்சியாக இருந்தாலும், கட்சிக்குள் இருந்த குழப்பங்களால் கட்சியை இந்தியா முழுக்க பரப்புவதிலும், ஆட்சியைப் பிடிப்பதிலும் தீவிரம் காட்டாமலேயே இருந்தது. எப்போது மோடி பாஜகவின் பிரதமர் வேட்பாளராக அறிவிக்கப்பட்டு தேர்தலுக்கு இரண்டு ஆண்டுகளுக்கு முன்பிருந்தே பிரச்சாரம் செய்யப்பட்டு வந்தாரோ அன்றிலிருந்து பாஜக சக்தி வாய்ந்த கட்சியாக உருவெடுக்கத் தொடங்கியது. பாஜகவின் வெற்றி வாய்ப்புகளைப் பெரும்பாலும் மோடி மீது செல்வாக்கு தீர்மானிக்கிறது.

முதல்வர் வேட்பாளரை அறிவிக்காமல் தேர்தல் களத்தில் இறங்கும் பாஜகவுக்கு மீண்டும் மோடி மேஜிக் கைக்கொடுக்குமா? உத்தரப்பிரதேச தேர்தலில் பா.ஜ.க வெற்றி பெற்றால், எப்படியும் மோடி ஆதரவாளரே  அம்மாநிலத்தின் முதல்வராவார் என்பது அனைவரும் அறிந்ததே.

- ஜெ.சரவணன்

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ