Vikatan.com

www.vikatan.com would like to send you push notifications.

Notifications can be turned off anytime from browser settings.

புண்ணிய நதியில் சுகாதார சீர்கேட்டை ஏற்படுத்தும் ஆகாயத் தாமரைகள்!

ஈரோடு: தென்னிந்தியாவின் காசி என அழைக்கப்படும் சங்கமேஸ்வரர் கோவிலில் உள்ள புனித நதியில் ஆகாயத் தாமரைகளால் சுகாதார சீர்கேடு ஏற்பட்டுள்ளது.

ஈரோடு மாவட்டம், பவானி அருகேயுள்ள கூடுதுறையில் மிகவும் புகழ்பெற்ற சங்கமேஸ்வரர் திருக்கோவில் உள்ளது. இந்த கோவிலுக்கு தமிழகம் மட்டுமின்றி இந்தியாவின் பல்வேறு மாநிலங்களில் இருந்தும் நாள்தோறும் ஆயிரக்கணக்கான பக்தர்கள் வந்து செல்கின்றனர். மேலும் ஆண்டுதோறும் ஆடி 18ஆம் நாளன்று ஆடிப்பெருக்கின் போது லட்சக்கணக்கான மக்கள் இந்த ஆலயத்தில் ஓடும் முக்கூடல் நதியில் நீராடுவது வழக்கம். இந்த ஆற்றில் காவிரி, பவானி மற்றும் அமிர்த நதி என மூன்று நதிகள் ஒன்றாக ஒன்றிணைவது இந்த ஆலயத்தில் மட்டும்தான். காசிக்கு செல்லமுடியாத பக்தர்கள் நாடி வரும் ஆலயம் இந்த கூடுதுறைதான். இதனால் இந்த ஆலயமானது தென்னிந்திய காசி எனவும், கொங்குமண்டல காசி எனவும் அழைக்கப்படுகிறது.

இவ்வளவு புகழ்பெற்ற, புண்ணியம் நிறைந்த இந்த ஆலயத்தின் முக்கூடல் நதியானது இன்று மிகவும் முகம் சுழிக்கும் நிலையில் உள்ளது. ஆண்டு தோறும் கவனமாக பராமரிக்கப்படவேண்டிய இந்த நதியானது முறையாக பராமரிக்கப்படாமல் இன்று ஆகாயத் தாமரைகளின் இருப்பிடமாகவும், கூடாரமாகவும் மாறியுள்ளது. இதனால் காவிரி ஆற்றில் தண்ணீரே தெரியாத அளவிற்கு வெறும் ஆகாயத் தாமரைகள் மட்டுமே காணப்படுகிறது.

இந்த ஆகாயத் தாமரைகள் தண்ணீரை மிகவும் அசுத்தமாக மாற்றுகிறது. மேலும் ஆலயத்துக்கு புனித நீராட வரும் பக்தர்கள் குளிக்க முடியாமல் முகம் சுழிக்கும் நிலையை ஏற்படுத்துகின்றன. இதுமட்டுமின்றி பல்வேறு நோய் தொற்றுதலுக்கும் இந்த ஆகாயத் தாமரைகள் காரணமாகின்றன. தொடர்ந்து எட்டு மாதங்களுக்கும் மேலாக பராமரிக்கப்படாமல் இருந்ததன் விளைவாக இன்று காவிரி ஆற்றில் இரண்டு கிலோ மீட்டர் தொலைவிற்கும் அதிகமாக ஆகாயத் தாமரைகளாக காட்சியளிக்கின்றன.

இந்த ஆகாயத் தாமரைகள் தவிர ஆற்றில் பல்வேறு பகுதிகளில் ஆலயத்தில் பரிகாரம் செய்யப்படும் பூஜைப் பொருட்கள் ஆங்காங்கே கொட்டப்பட்டு குப்பை கூடமாக  காட்சியளிக்கிறது. இவற்றுடன் விலங்குகளின் கழிவுகளும் ஆற்றில் கொட்டப்படுகின்றன. இந்த ஆகாயத் தாமரைகள் மற்றும் பல்வேறு கழிவுகளால் காவிரி ஆறு முழுவதுமாக மாசடைந்து தன்னுடைய பழைய அழகை முற்றிலுமாக இழந்து காணப்படுகிறது. இதனால் காவிரி ஆற்றில் வெள்ளப் பெருக்கு மற்றும் மழைக்காலங்களில் அருகில் உள்ள தாழ்வான பகுதிகளுக்கு வெள்ளநீர் எளிதில் புகுந்துவிடும் நிலை ஏற்பட்டுள்ளது.

இந்த சங்கமேஸ்வரர் கோவிலுக்கு ஆடிப்பெருக்கு மட்டுமின்றி ஆடி மற்றும் தை அமாவாசை நாட்களிலும், இதர அமாவாசை, பௌர்ணமி உள்ளிட்ட பல்வேறு விஷேச நாட்களிலும் பல்லாயிரக்கணக்கான பக்தர்கள் வருகை புரிந்து புனித நீராடுவது வழக்கம். இந்த புனித நதியில் தற்போது பக்தர்கள், நீராடாமல் திரும்பிச் செல்லும் நிலை ஏற்பட்டுள்ளது.

தற்போது பக்தர்களின் முக்கிய கோரிக்கையே புனித நதியானது விரைவில் சீரமைக்கப்பட்டு, மீண்டும் புண்ணிய நதியாக மாறவேண்டும் என்பதுதான்.
  
செய்தி, படங்கள்: கு.ஆனந்தராஜ்
(மாணவ பத்திரிகையாளர்)

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ