Vikatan.com

www.vikatan.com would like to send you push notifications.

Notifications can be turned off anytime from browser settings.

பூத நெல் திருவிழா!

பண்டைய காலம் தொட்டு இன்று வரை  திருவாரூரில் வெகு விமரிசையாக நடைபெறக்கூடிய ஒரு விழாவாக இருந்து வருவது  பூத நெல் விழா..
 
“சுந்தர மூர்த்தி சுவாமிகள் திருவாரூரில் பரவை நாச்சியாரை மணம் புரிந்து, அத்தலத்திலேயே சிறிது காலம் தங்கி, தல மூர்த்திகளான வன்மீகநாதரையும் தியாகராஜப் பெருமானையும் முப்பொழுதும் வணங்கி வந்தார். திருவாரூருக்கு அருகில் உள்ள 'திருக்கோளிலி'(திருக்குவளை) என்னும் தலத்தில் குண்டையூர்க்கிழார் என்னும் அடியவர் வாழ்ந்து வந்தார். இவர் சுந்தரரிடம் பேரன்பு பூண்டிருந்தார்.
 
சுந்தரரும் அடியவர்களும் உணவு செய்யும் பொருட்டு நெல், பருப்பு, சர்க்கரை முதலிய உணவுப் பொருட்களை பரவையாரின் இல்லத்திற்கு தவறாது அனுப்பும் தொண்டினையும் கிழார் புரிந்து வந்தார். ஒரு சமயம் அவ்வூரில் கடும் பஞ்சம் நிலவ, சுந்தரருக்கு உணவுப் பொருட்களை அனுப்ப இயலாததால் குண்டையூர் கிழார் பெரிதும் வருந்தி, திருக்கோளிலி இறைவனிடம் முறையிட்டார்.


 
இறைவன் கிழாரின் கனவில் எழுந்தருளி 'சுந்தரர் பொருட்டு உம் வாயிலில் நெல் மலையைக் குவித்தோம்' என்று அருளிச் செய்தார். கண் விழித்த கிழார் தம் இல்லத்து வாயிலில் நெல் மலைகள் குவிந்து இருக்கக் கண்டு பெருமகிழ்வு எய்தி, திருவாரூர் சென்று சுந்தரரிடம் இறைவனின் அருட்செயலை தெரிவித்தார். சுந்தரர் திருக்கோளிலி சென்று நெல் மலைகளைக் கண்ணுற்று வியந்தார்.
 
நெற்குவியல்களை திருவாரூருக்கு கொண்டு செல்வது இயலாத காரியம் என்றும் உணர்ந்தார். திருக்கோளிலி ஆலயம் சென்று 'நீள நினைந்து அடியேன்' என்னும் தேவாரம் பாடி இறைவனை துதித்து, நெல் மலைகளை திருவாரூரில் சேர்ப்பிக்குமாறு வேண்டினார். கோலிளி இறைவனும் அசரீரி மார்கமாய் 'இன்று இரவு பூத கணங்களைக் கொண்டு நெல்மலைகளை திருவாரூரில் சேர்ப்பிப்போம்' என்று அறிவித்து அருளினார்.
 
சுந்தரர் திருவருளை எண்ணி வியந்து திருவாரூர் திரும்பினார். அன்று இரவே இறைவனால் ஏவப்பட்ட பூத கணங்கள் நெல் மலைகளை திருக்கோளிலியில் இருந்து கொணர்ந்து, திருவாரூர் முழுவதும் நிறைத்தன. பொழுது புலர்ந்ததும் சுந்தரரும் ஊர் மக்களும் திருவாரூர் முழுவதும் நெல் மலைகள் குவிந்து இருக்கக் கண்டு பெருவியப்பு எய்தினர்.


 
பரவை நாச்சியார் அவரவர் வாயிலில் உள்ள நெல் மலைகளை அவரவர் எடுத்துச் செல்லலாம் என்று பறை அறிவிக்க, அனைவரும் சுந்தரரையும் பரவையாரையும் போற்றிப் புகழ்ந்தனர் !”

      இந்த புராதான நிகழ்வு - திருவாரூரில் ஏற்பட்ட கொடிய பஞ்சத்தைப் போக்க உதவும்படி திருக்குவளையைச் சேர்ந்த குண்டையூர்க்கிழாரிடம் சுந்தரர் கேட்டுக்கொள்ள, அவர் பெரும் நெல் மலையையே அளித்ததாகவும் சுந்தரர் பதிகம் பாட சிவனின் பூத கணங்கள் இரவோடு இரவாக அவ்வளவு நெல்லையும் திருவாரூர் கொண்டு சேர்த்ததாகவும் சொல்லப்படும் 'நெல்மகோற்சவம்’ என்ற திருவிழாவாக நடைபெற்றது. பக்தர்கள் பூதவேடம் அணிந்து நெல் மூட்டைகளை சுமந்து நகரத்தின் நான்கு வீதிகளையும் சுற்றி வந்து திருகோவிலில் முடிவடைந்தது.  இந்நிகழ்வை ஆன்மிக மெய்யன்பர்கள் பாரம்பரிய இசை முழக்கங்களுடன் முடித்து வைத்தனர்.

த.க.தமிழ் பாரதன்
(மாணவ பத்திரிகையாளர்)

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ