Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

சமயபுரம் மாரியம்மன் கோயில் பூச்சுரிதல் விழா!

திருச்சி , சமயபுரம்  மாரியம்மன்  கோயிலில்  ஒவ்வோர்  ஆண்டும் பூச்சுரிதல் விழா கோலாகலமாக நடைபெறும் . அதுபோல்  இந்த ஆண்டும் ( 8-ம் தேதி ) நேற்று மாரியம்மனுக்கு பூச்சொரிதல் விழாத் தொடங்கியது.

தன்னை தரிசனம் செய்ய வரும் பக்தர்களுக்கு சகல சௌபாக்கியங்களையும் அருள அம்பாள் , மாசி மாத கடைசி ஞாயிறு முதல் பங்குனி மாத கடைசி ஞாயிறு வரை , 28 நாட்களுக்கு , பச்சை பட்டினி விரதம் இருந்து , பக்தர்களை காத்தருளுவதாக ஐதீகம் . இந்த விரத காலத்தில் அம்மனுக்கு தளிகை , நைவேத்தியம் கிடையாது . துள்ளு மாவு , நீர்மோர், பானகம் மற்றும் இளநீர் போன்ற பொருட்களைக் கொண்டு மட்டுமே நைவேத்யம் செய்யப்படுகிறது.


 
இந்த விரத காலத்தின் துவக்க நாளான நேற்று அதிகாலையில் விக்னேஷ்வர பூஜை , புண்ணிய வசனம் , வாஸ்து சாந்தி ஆகிய சிறப்பு பூஜைகள் நடந்தது . இதைத் தொடர்ந்து காலையில் அம்பாளுக்கு காப்புக்கட்டுதலுடன்  விழா தொடங்கி மாலையில் பூச்சொரிதல் விழா நடைப்பெற்றது .
யானைகள் புடை சூழ , மேளதாளத்துடன் பூ கூடைகள் எடுத்து , மூன்று தேரோடும் வீதிகள் வழியாக சுற்றி வந்து , அம்மனுக்கு பூக்களால் அபிஷேக , ஆராதனை செய்ப்பட்டு , மகா தீபம் ஏற்றப்பட்டது . பக்தர்கள் கொண்டு வந்த தாமரை, மல்லிகை , மகிழம்பூ , மரிக்கொழுந்து , தாழம்பூ , ரோஜா , முல்லை யென அனைத்து வகைப் பூக்களாலும் , அம்மனுக்கு அபிஷேகம் செயப்பட்டது.

தமிழகத்தின் பல்வேறு பகுதிகளில் இருந்தும் அம்மனுக்கு பூ கொண்டு வந்து பக்தர்கள் செலுத்தினர் . பக்தர்களின் வசதிக்காக விடிய விடிய கோயில் நடை திறந்திருந்தது . தர்ம தரிசனத்திற்கும் ஏற்பாடு செய்யப்பட்டு இருந்தது . திருவிழாவை முன்னிட்டு , 1000-க்கும் மேற்பட்ட போலீசார் பாதுகாப்புப் பணியில் ஈடுபட்டு இருந்தனர் . இந்த பூச்சொரிதல் விழா மார்ச் 8,15,22,29 ஆகிய நாட்களில் ( ஞாயிற்று கிழமை ) நடைபெறும் . நமக்காக விரதமிருக்கும் அம்பாளுக்கு புஷ்பம் கொண்டு சேவித்து, அம்பாள் அருள் பெருவோம்.

செய்தி , படங்கள் : - தே. தீட்ஷித்

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close