Vikatan.com

www.vikatan.com would like to send you push notifications.

Notifications can be turned off anytime from browser settings.

இந்த நாள் இனிய நாள், புரட்டாசி 13, ராசி பலன்

மேஷம்: இன்று காலைப் பொழுது உற்சாகமாக விடியும். புதிய முயற்சிகளை எடுப்பதாக இருந்தால், காலையிலேயே எடுப்பது அனுகூலமாக முடியும். எதிர்பார்த்த பணம் கைக்கு வரும். பிள்ளைகளால் மகிழ்ச்சி ஏற்படும். பிற்பகலுக்குமேல் பணிச் சுமையும் மனச் சோர்வும் ஏற்படக்கூடும்.

பரிகாரம்: இன்று நீங்கள் நவகிரக சந்நிதியில் சனீஸ்வர பகவானுக்கு எள்ளெண்ணெய் தீபம் ஏற்றி வழிபடுவது நன்மை தரும்.

ரிஷபம்: தாய் வழி உறவினர்களிடம் இருந்து எதிர்பார்த்த உதவிகள் கிடைக்கும். அலுவலகத்தில் உங்கள் பொறுப்புகள் கூடும் என்றாலும் சமாளித்துவிடுவீர்கள். வியாபாரத்தில் எதிர்பார்த்ததை விட கூடுதல் லாபம் கிடைக்கும். அரசாங்க அதிகாரிகளின் சந்திப்பும் அதனால் காரிய அனுகூலமும் ஏற்படும்.

பரிகாரம்: விநாயகருக்கு அறுகம்புல் மாலை அணிவித்து வழிபட நன்மைகள் கூடும்.

மிதுனம்: பலவகைகளிலும் அனுகூலமான நாள். உற்சாகமாகச் செயல்படுவீர்கள். வாழ்க்கைத் துணை வழியில் தேவையான உதவிகள் கிடைக்கும். சிலருக்கு புதிய ஆடை ஆபரணங்கள் வாங்கும் யோகம் உண்டாகும். மாலையில் லேசான தலைவலி ஏற்படக்கூடும்.

பரிகாரம்: துர்கை சந்நிதியில் தீபம் ஏற்றி வழிபடுவது நன்மை தரும்.

கடகம்: காலையில் சற்று சோர்வாக இருந்தாலும் விரைவிலேயே சோர்வில் இருந்து விடுபட்டு பரபரப்பாக காணப்படுவீர்கள். அரசாங்க வகையில் எதிர்பார்த்த காரியங்கள் அனுகூலமாகும். சகோதரர்கள் நீங்கள் எடுக்கும் முயற்சிகளுக்கு ஆதரவாக இருப்பார்கள். முயற்சிகள் பலிதமாகும்.

பரிகாரம்: நவகிரக சந்நிதியில் சூரிய பகவானுக்கு தீபம் ஏற்றி வழிபட நலம் சேர்க்கும்.

சிம்மம்: இன்று காலையில் தொடங்கும் முயற்சிகள் நல்லபடி நிறைவேறும். எதிர்பார்க்காத பண வரவு இருக்கும். அலுவலகத்தில் பணிகள் அதிகரிக்கவும் அதனால் நேரத்துக்குச் சாப்பிடமுடியாத நிலையும் உண்டாகும். மாலையில் பழைய நண்பர்களைச் சந்தித்து மகிழ்வீர்கள்.

பரிகாரம்: முருகப் பெருமானுக்கு அர்ச்சனை செய்து வழிபடுவது நல்லது.

கன்னி: இன்று செலவுகள் அதிகரிக்கவும் அதனால் கடன் வாங்கவும் நேரும். தாய் வழி உறவுகளின் அன்பும் ஆதரவும் கூடும். வியாபாரத்தில் எதிர்பார்க்கும் லாபம் வந்தாலும் செலவுகளும் ஏற்படும். அலுவலகத்தில் மற்றவர்களிடம் அனுசரித்து நடந்துகொள்வது பிரச்னைகளைத் தவிர்க்கும்.

பரிகாரம்: தட்சிணாமூர்த்தி வழிபாடு சிரமங்களைக் குறைக்கும்.

துலாம்: உற்சாகமான நாள். எதிர்பார்த்த பணம் கைக்குக் கிடைக்கும். வியாபாரத்தில் உங்கள் திறமை வெளிப்படவும் லாபம் அதிகரிக்கவும் வாய்ப்பு உண்டு. அலுவலகத்தில் உங்கள் பணிகளில் சக பணியாளர்கள் ஒத்துழைப்பார்கள். மாலையில் சிறிய அளவில் மனச் சோர்வு ஏற்படக்கூடும்.

பரிகாரம்: ஆஞ்சநேயருக்கு வெண்ணெய் சாத்தி வழிபட நலம் சேர்க்கும்.

விருச்சிகம்: காலையில் புதிய முயற்சிகள் எதிலும் ஈடுபடாமல் வழக்கமான பணிகளில் மட்டுமே கவனம் செலுத்தவும். பிற்பகலுக்குமேல் அரசாங்க வகையில் எதிர்பார்த்த காரியங்கள் சாதகமாகும். சகோதரர்கள் வகையில் அனுகூலமான பலன் ஏற்படும். ஜன்மச் சனி தொடர்வதால் பொறுமை எப்போதும் அவசியம்.

பரிகாரம்: சனீஸ்வர பகவானுக்கு அர்ச்சனை செய்து வழிபடுவது நன்மை தரும்.

தனுசு: உற்சாகமான நாள். இன்று நீங்கள் எடுக்கும் காரியங்கள் அனுகூலமாகும். அலுவலகத்தில் வேலைகள் கூடுதலாக இருந்தாலும் சுலபமாகச் செய்து முடிப்பீர்கள். பணப் பற்றாக்குறை ஏற்படும் என்பதால் சிறிய அளவில் கடன் வாங்கவும் நேரிடும்.

பரிகாரம்: நவகிரக சந்நிதியில் குருபகவானுக்கு நெய் தீபம் ஏற்றி வழிபடுவது நன்மை தரும்.

மகரம்: தந்தை வழி உறவுகளால் அனுகூலம் பிறக்கும். அரசாங்க வகையில் எதிர்பார்த்த காரியம் சாதகமாக முடியும். கோர்ட் வழக்கில் உங்களுக்கு சாதகமான போக்கு காணப்படும். வியாபாரத்தில் எதிர்பார்த்த லாபம் கிடைக்கும். இன்று உங்களுக்கு சந்திராஷ்டமம் என்பதால் எதிலும் பொறுமை அவசியம்.

பரிகாரம்: விநாயகருக்கு தீபம் ஏற்றி வழிபட நன்மைகள் அதிகரிக்கும்.

கும்பம்: தாய்மாமன் வழியில் எதிர்பார்த்த உதவி கிடைக்கும். வாழ்க்கைத் துணை வழி உறவினர்களால் ஆதாயம் உண்டாகும். புதிய ஆடை ஆபரணங்கள் வாங்கும் யோகமும் சிலருக்கு ஏற்படும். தேர்வுகளை நன்றாக எழுதி அதிக மதிப்பெண் பெறுவீர்கள். வியாபாரத்தில் சுமாரான லாபம் கிடைக்கும்.

பரிகாரம்: துர்கையை செவ்வரளி மலர்களால் அர்ச்சித்து வழிபட நலம் கூடும்.

மீனம்: இன்று நீங்கள் தொட்டதெல்லாம் துலங்கும். மனதில் இனம் தெரியாத உற்சாகம் நாள்முழுவதும் குடிகொள்ளும். அலுவலகத்தில் உங்கள் பணிகளில் சக பணியாளர்கள் உதவி செய்வார்கள். உங்கள் கோரிக்கையை நிர்வாகம் ஏற்றுக்கொள்ளும் என்பதால் அலுவலகத்தில் உங்கள் மதிப்பு உயரும்.

பரிகாரம்: விநாயகருக்கு அர்ச்சனை செய்து வழிபடுவது நன்மை தரும்.

 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ