Vikatan.com

www.vikatan.com would like to send you push notifications.

Notifications can be turned off anytime from browser settings.

இந்த வருடம் நவராத்திரி பதினோரு நாட்களா?!

புரட்டாசி மாதம் வளர்பிறை பிரதமை துவங்கி நவமி வரையிலும் சாரதா நவராத்திரி காலம்.பத்தாவது நாளான தசமி அன்று விஜயதசமி திருநாள் அனுஷ்டிக்கப்படும். ஆக, பத்து நாள் கொண்டாட்டமாக அமையும் நவராத்திரி, இந்த வருடம் 11 நாட்கள் நீடிக்கிறது. இதுகுறித்து, விளக்குகிறார் நவக்கிரக ரத்னஜோதி சந்திரசேகர பாரதி. 

"இந்து மதத்தில் மூன்று தெய்வங்கள் முக்கியமாகப் போற்றப்படுகின்றனர். படைக்கும் கடவுள் பிரம்மா, காக்கும் கடவுள் விஷ்ணு, அழிக்கும் கடவுள் சிவன். இந்த மூன்று தேவர்களும், மூன்று சக்திகளாக திகழ்கிறார்கள். 

இவர்களின் சக்திகளாக திகழும், மூன்று தேவியர்களும் போற்றப்படுகின்றனர்.  இந்த மூன்று தேவர்களின் தேவிகளாக சரஸ்வதி, லட்சுமி, துர்கை ஆகிய முப்பெருந்தேவியர்கள் இருக்கிறார்கள். இந்த முப்பெருந்தேவியர்களை போற்றி துதிக்கும் விழாதான் நவராத்திரியாக நாம் கொண்டாடி மகிழ்கிறோம். 

நவராத்திரியில் முதல் மூன்று நாட்கள் துர்க்கைக்கும், அடுத்த மூன்று நாட்கள் லட்சுமிக்கும், கடைசி மூன்று நாட்கள் சரஸ்வதிக்கும் உரியதாக தமிழகத்தில் கொண்டாடப்படுகிறது. 

குறிப்பிட்ட நாட்களில் குறிப்பிட்ட தேவியை வழிபடுவது மிகவும் சிறப்பானதாகும். துர்க்கை உடல் சக்தியை கொடுப்பவள். வீர தீர பராக்கிரமத்தை உருவாக்குபவள். லட்சுமி பதினாறு செல்வங்களையும் வழங்கக்கூடியவள். சரஸ்வதி கல்வி செல்வத்தைத் தருபவள். 

நவராத்திரியில் கொலு வைத்து, சுமங்கலி பெண்களை (திருமணமாகி புத்திர, புத்திரிகளுடன் சந்தோசமாக வாழும் பெண்களை) பூஜித்து அவர்களுக்கு வெற்றிலை, பாக்கு, பழம், உணவுப் பொருட்கள், துணிகள் போன்ற மங்கள பொருட்களை கொடுத்து, அவர்களது நல்வாழ்த்துகளை பெறுவது கூடுதல் சிறப்பாகும். இதனால், ஜாதகத்தில் பெண் கிரகங்களான சந்திரன், சுக்கிரன் ஆகியோர் வலுவிழந்த நிலையில் இருப்பவர்களுக்கு நன்மை உண்டாகும்.

இந்த ஆண்டு நவராத்திரி அதிக திதி காரணமாக, பத்து நாட்கள் நடைபெறுகிறது. அக்டோபர் 1-ம் தேதி முதல், 10-ம் தேதி வரை நவராத்திரி விழா கொண்டாடப்படுகிறது. அக்டோபர் 1-ம் தேதி 'பிரதமை' நாள் முழுவதும் இருக்கிறது. 2-ம் தேதி காலையிலும், பிரதமை தொடர்கிறது. இதுவே அதிக திதியாகும். இதன் காரணமாக, 11-ம் தேதி விஜயதசமியையும் சேர்த்து மொத்தம் 11 நாட்கள் நவராத்திரி விழா கொண்டாடப்படவிருக்கிறது. 

11-ம் தேதி விஜயதசமி அன்று, பூஜை முடிந்ததும் புதிய காரியங்களில் ஈடுபட்டு வெற்றி பெறலாம். சில இடங்களில் நவராத்திரி இரண்டாம் தேதி தொடங்கப்படுகிறது. இதில் பழைய முறைப்படி 9 நாட்களே பூஜை முறைகள் நடைபெறும். 

மூன்று சக்திகளின் ( துர்கா, லட்சுமி, சரஸ்வதி) ஏக சக்தியாக விளங்கும் காமாட்சியை, இந்த நவராத்திரி காலத்தில் தினமும் காமாட்சி விளக்கு ஏற்றி வழிபடுவது குடும்பத்திற்கு கூடுதல் நன்மையைத் தரும். பல்வேறு காரணங்களால், ஒன்பது நாள்களிலும் தேவியை பூஜிக்க முடியாதவர்கள், அஷ்டமியன்றாவது அவசியம் முப்பெருந்தேவியர்களையும் பூஜிக்க வேண்டும். இதனால், முப்பெருந்தேவியர்களின் பரிபூரணமான ஆசி நமக்கு கிடைக்கும் என்பது ஐதீகம்" என்று 

-ரா.வளன் 
 

எடிட்டர் சாய்ஸ்

ஜெர்சி மாடுகள், பிரேசில் காபி, மருத்துவமனை உறுதி! ஜெயலலிதா பற்றி தோழியின் நினைவலைகள்
placeholder

அதே மாதிரி ஜெயலலிதா தன்னுடைய 10 வயதில் சிவாஜி கணேசன் முன்னிலையில் மயிலாப்பூரில் செய்த நடன அரங்கேற்றப் படங்கள் முதல் அதற்குப் பிறகான அவரது சின்ன வயசுப் படங்களை நாங்கள் தொகுத்திருந்தோம். அதை 2012 ம் ஆண்டு, எனக்கு அவரை சந்திக்கும் வாய்ப்புக் கிடைத்த போது கொடுத்தேன். அதைப் பார்த்து ரொம்ப சந்தோஷமாகிட்டாங்க. அந்தப் படத் தொகுப்பை, தன்னோட ஹேண்ட் பேக்ல வச்சுக்கிட்டாங்க. பத்திரமா வைத்துக் கொள்வதாகவும் சொன்னாங்க. சினிமாக்காரங்க என்றால் ஈஸியாக அணுகலாம் என்கிற திரையை உடைத்து, அவங்க தனி ரூட்டைப் போட்டு, அதை மத்தவங்க ஃபாலோ பண்ற அளவுக்கு வாழ்ந்து காட்டினாங்க. குறிப்பா, சினிமா விழாக்கள், நிகழ்ச்சிகளுக்கு போக மாட்டாங்க. 

அம்மாவிடமிருந்து போன் வந்தால்...!? - உருகும் வீணை காயத்ரி
placeholder

''சமீபத்தில் கொலை மிரட்டல் விட்டப் பையனால் அம்மாவை சந்திக்க வேண்டிய சூழ்நிலை ஏற்பட்டது. கடந்த ஜூலை 27-ம் தேதி சி.எம் ஆபீஸ்ல இருந்து போன் வந்தது. அம்மா உங்களை உடனே வரச்சொன்னதா சொன்னாங்க. நான் கொஞ்சமும் யோசிக்காமல் போய் நின்னேன். பொதுவாகவே நானும், அவங்களும்தான் தனியாகத்தான் பேசிப்போம். ஆனா, அன்றைக்கு, எல்லா அதிகாரிகளும், இருந்தாங்க. அவங்க முன்னாடி, 'எப்படி இருக்கீங்க' என கேட்டார். நான் பதில் சொல்லிவிட்டு, 'நவம்பர் மாதத்தோடு என்னோட டர்ன் முடியுது' என சொன்னேன். இதற்கு அவர், எல்லோருடைய முன்னிலையிலும், அடுத்த மூன்று வருஷத்துக்கும் நீங்களே துணை வேந்தரா இருங்க என சொல்லிவிட்டு, அவருக்கு பின்னால் இருக்கும் எல்லோரையும் பார்த்து மறுபடியும்  இதையே சொன்னார். அப்போதுதான் அவர்கிட்ட, 'நான் உங்களை சந்திக்க இரண்டு வருஷமாக முயற்சி செய்துட்டு இருந்தேன். இந்த கொலை மிரட்டல் காரணமாகத்தான் உங்களை சந்திக்கிற வாய்ப்பு கிடைச்சிருக்கு, நான் தனி மனுஷியாக இசை பல்கலைக்கழகத்தை நடத்தி வருகிறேன்' என சொன்னேன். உடனே, சம்பந்தப்பட்டவர்களை அழைத்து, அவங்களுக்குத் தேவையான எல்லா உதவிகளையும் செய்து கொடுங்க என சொன்னார்.  'அடுத்த முறைப் பார்க்கும்போது உங்க முகத்துல சிரிப்பை மட்டும் தான் பார்க்கணும்' என ஆறுதல் சொன்னாங்க. அந்த வார்த்தை இன்னும் என் காதில் கேட்டுட்டே இருக்கு. அதுதான் நான் அவங்களை கடைசியாகப் பார்த்தது.  அதற்குப் பிறகு அவரை பார்க்க முடியவில்லை. அவர் சொன்னது போல அதற்கான வேலைகள் நடந்து கொண்டிருக்கும்போதே அம்மா மருத்துவமனையில் அனுமதிக்கப்பட்டுட்டாங்க. நான் இப்போ அடுத்த ஆர்டருக்காக காத்திட்டு இருக்கேன். இன்னும் ஆர்டர் என் கைக்கு வரவில்லை''

MUST READ