Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

இன்று இரவு ‘சூப்பர்' நிலாச் சோறு சாப்பிடலாமா..?!

‘நிலா நிலா ஓடி வா... நில்லாமல் ஓடிவா’ எனக் குழந்தைகளுக்கு அம்மாக்கள் சாதம் ஊட்டுவார்கள். அப்போதெல்லாம் நிலா வராமல் போகும். ஆனால், 69 ஆண்டுகளுக்குப் பிறகு இன்று இரவு பூமிக்கு நிலா வராது என்றாலும், பூமிக்கு மிக அருகில் வரப்போகிறது. நிச்சயம் இன்று மொட்டை மாடிக்குப்போய் குழந்தைகளுடன் 'நிலாச் சோறு' சாப்பிடுங்கள். வழக்கத்தைவிட நிலா பெரியதாக இருக்கும்... இல்லை பெரியதாக இருக்காது... பெரியதாகத் தெரியும். 

இது பற்றி நாசா வெளியிட்டுள்ள அறிக்கையில், ‘1948-ம் ஆண்டுக்குப் பிறகு நிலா பூமிக்கு மிக அருகில் வருவது இப்போதுதான். அதாவது இன்று ஞாயிற்றுக் கிழமை (13-11-2016) இரவுதான். ‘இன்று மிகவும் மேக மூட்டமாக இருந்து நிலாவை முழுமையாகப் பார்க்க முடியாவிட்டால், நாளை காலை 6:22 மணிக்குப் பார்க்கலாம்’ என்கிறார்கள். காலையில்தான் ரொம்பப் பெரியதாகவும் அழகாகவும் இருக்கும்.

சூரியனுக்கும் பூமிக்கும் இடையே  நீள்வட்டச் சுற்றுப்பாதையில் வரும் நிலா வழக்கத்தைவிட 30 சதவிகிதம் கூடுதலான ஒளிப்பிழம்பில் பூமியைக் குளிக்கச் செய்யப் போகிறது... இல்லை குளிர்விக்கப்போகிறது. இத்தனைக்கும் இந்த ஆண்டு அக்டோபர் 16, நவம்பர் 13மற்றும் டிசம்பர் 14 என மூன்று 'சூப்பர் மூன்கள்' வந்தாலும், நவம்பர் மாதத்தில் வரும் இந்த சூப்பர் மூன்தான் பெரியது. ‘இன்று நீங்கள் பார்க்கத் தவறினால், வரும் 2034-ம் ஆண்டு நவம்பர் 25 வரை நீங்கள் காத்திருக்க வேண்டும்’ என்று அறிவித்திருக்கிறார்கள் நாசா விஞ்ஞானிகள். 
வழக்கமாக, திருவண்ணாமலை அண்ணாமலையார் கோயிலுக்கு நாள்தோறும் ஆயிரத்துக்கும் அதிகமான பக்தர்கள் 14 கி.மீ மலையை கிரிவலம் வருவார்கள். மாதாந்திர பௌர்ணமியன்று மட்டும் லட்சக்கணக்கான பக்தர்கள் மலையாக உள்ள சிவனை வலம் வருவார்கள். ‘பௌர்ணமி அன்று வலம் வந்தால், அனைத்துச் செல்வங்களும் கிடைக்கும்’ என்பது மக்களின் நம்பிக்கை. அதுவும் இன்றைய தினம் நிலா ரொம்பவே பூமிக்கு அருகில் வருகிறது.

 

ஜோதிட ரிதீயாக மனோகாரகனான சந்திரன், பூமிக்காரகனான செவ்வாய்க்கு அருகே வரும்போது என்னவிதமான நிகழ்வுகள் நடக்கும் என்பது பற்றி ஜோதிட நிபுணர் மீனாட்சி அழகப்பனிடம் கேட்டோம். “சூரியன் துலாம் ராசியிலிருந்து விருச்சிகத்துக்குச் செல்கிறது. சந்திரன் பரணி நட்சத்திரத்திலிருந்து கிருத்திகை நட்சத்திரத்துக்குச் செல்கிறது.

பொதுவாக, பூமியின் துணைக் கிரகமான சந்திரன் பூமிக்கு அருகில் வரும்போது கடல் அலைகள் மிகவும் அதிகமாக இருக்கும். மனோகாரகனான சந்திரன் மனதில் ஆயிரம் எழுச்சிகளைத் தோற்றுவிக்கும். மக்களுக்கு சுபிட்சம் கிடைக்கும். செடிகொடிகள் நன்றாகவும் வேகமாகவும் வளரும். இன்னும் பதினைந்து நாட்களுக்கு கீரைகள், காய்கறிகளில் அதிக அளவில் சத்துக்கள் சேகரமாகியிருக்கும். பூமியில் வாழும் எல்லா உயிர்களுக்கும் வழக்கமான நாட்களைவிட 'எனர்ஜி லெவல்' கூடுதலாகக் கிடைக்கும். இதனால், மலை முழுவதும் அண்ணாமலையாக இருக்கும் திருவண்ணாமலையை இந்த நாளில் கிரிவலம் வந்தால் பெரிய அளவில் பலன்கள் கிடைக்கும். மனம் ரீ ஸ்டார்ட் செய்யப்பட்ட கம்ப்யூட்டர்போல் ரெஃப்ரெஷ் ஆகிவிடும்.

 

பரணி, கார்த்திகை, ரோஹிணி, பூரம், உத்திரம், ஹஸ்தம், பூராடம், உத்திராடம் மற்றும் திருவோணம் ஆகிய நட்சத்திரங்களில் பிறந்தவர்களுக்கு மனதில் பலவிதமான எழுச்சிமிக்க சிந்தனைகள் உருவாகும். இன்று அவர்கள் கிரிவலம் வந்தால், நெடுநாட்களாக இருந்து வந்த பிரச்னைகளுக்கு தீர்க்கமான முடிவுகளை எடுப்பார்கள். மூளையும் மனமும் நல்லவிதமாக ட்யூனாகும். எதிர்காலம் குறித்து தெளிவான முடிவெடுப்பார்கள்” என்று தெரிவித்தார். அதனால், இந்த கிரிவல நாளில் வலம்  வந்து அண்ணாமலையார் அருளைப் பெறுவோம்.

கிரிவலம் வர வேண்டிய நேரம்:  இன்று (13.11.16) இரவு 10:29 மணி முதல் நாளை இரவு 8:09 மணி முடிய பௌர்ணமி உள்ளது.

 

- எஸ்.கதிரேசன்

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close