Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

கடைசி ஒருநாள் போட்டி: 7 விக்கெட் வித்தியாசத்தில் இந்தியா வெற்றி ! #IndVsAus

இந்திய அணி கடைசி ஒருநாள் போட்டியில் ஏழு விக்கெட் வித்தியாசத்தி ஆஸ்திரேலிய அணியை வீழ்தியது. மணிஷ் பண்டே 11 ரன்களுடனும், கேதர் ஜாதவ் 5 ரன்களுடனும் களத்தில் இருந்தனர். இதன் மூலன் இந்தியா தொடரை 4-1 என கைப்பற்றியது

ஆஸ்திரேலிய அணிக்கு எதிரான கடைசி ஒருநாள் போட்டியில் இந்திய தொடக்க ஆட்டக்காரர் ரோஹித் ஷர்மா 125 ரன்களில் ஆட்டமிழந்தார். அதிரடியாக ஆடிய அவர் 11 பவுண்டரி மற்றும் 5 சிக்சர்கள் பறக்கவிட்டார். அதே ஓவரில் நான்காவது பந்தில் கேப்டன் கோலி அடித்து ஆட நினைத்து தூக்கி அடிக்க ஆட்டமிழந்தார். அவர் 39 ரன்கள் எடுத்தார். இந்திய அணிக்கு 60 பந்துகளில் 12 ரன்கள் மட்டுமே தேவை

ஆஸ்திரேலிய அணிக்கு எதிரான கடைசி ஒருநாள் போட்டியில் இந்திய தொடக்க ஆட்டக்காரர் ரோஹித் ஷர்மா சிக்சர் மூலம் தனது சதத்தை பதிவு செய்தார். இந்தியா வெற்றி பெற 88 பந்துகளில் 55 ரன்கள் தேவை.

ஆஸ்திரேலிய அணிக்கு எதிரான கடைசி ஒருநாள் போட்டியில் இந்திய அணி வெற்றி இலக்கை நோக்கி எளிதாக செல்கிறது. 34 ஓவர்கள் முடிவில் இந்தியா ஒரு விக்கெட் மட்டும் இழந்து 180 ரன்கள் எடுத்துள்ளது. ரோஹித் ஷர்மா 96 ரன்களுடனும், கேப்டன் கோலி 22 ரன்களுடனும் களத்தில் உள்ளனர். இந்தியா வெற்றி பெற 96 பந்துகளில் 63 ரன்கள் தேவை. 

சிறப்பாக விளையாடி வந்த நிலையில் ரஹானே 61 ரன்களில் கவுல்டர்நைல் பந்து வீச்சில் ஆட்டமிழந்தார். தற்போது கேப்டன் கோலி களமிறங்கி உள்ளார். இந்தியா 23 ஓவர்கலில் ஒரு விக்கெட் இழப்பிற்கு 124 ரன்கள் எடுத்துள்ளது. ரோஹித் ஷர்மா 63 ரன்களுடன் களத்தில் உள்ளார்

ரோஹித் ஷர்மா இந்தியாவில் நடைபெற்ற ஒருநாள் போட்டிகளில் வேகமாக 2000 ரன்கள் எடுத்த வீரர் என்ற பெருமையை பெற்றார்.

இந்திய அணி கடைசி ஒருநாள் போட்டியில் வெற்றி இலக்கை நோக்கி சிறப்பாக விளையாடி வருகிறது. தொடக்க ஆட்டகாரர்களாக களமிறங்கிய ரஹானே மற்றும் ரோஹித் ஷர்மா சிறப்பான தொடக்கத்தை அளித்துள்ளனர். 15 ஓவர்கள் முடிவில் இந்திய அணி 79 ரன்கள் எடுத்துள்ளது. ரஹானே 42 ரன்களும் ரோஹித் 37 ரன்களுடனும் களத்தில் உள்ளனர்.

rohit

இந்திய அணி 243 ரன்கள் எடுத்தல் வெற்றி என்ற இலக்குடன் விளையாடி வருகிறது. ஐந்து ஓவர்கள் முடிவில் இந்திய அணி விக்கெட் இழப்பின்றி 21 ரன்கள் எடுத்துள்ளது. ரஹனே 13 ரன்களும் ரோஹித் ஷர்மா 8 ரன்களும் எடுத்து களத்தில் உள்ளனர்

கடைசி ஒருநாள் போட்டியில்  243 ரன்கள் என்ற இலக்குடன் இந்திய அணி தனது இன்னிங்ஸை தொடங்கி உள்ளது. தொடக்க ஆட்டக்காரர்களாக ரோஹித் ஷர்மா மற்றும் ரஹானே களமிறங்கி உள்ளனர். 

இந்திய ஆஸ்திரேலிய அணிகளுக்கு இடையிலான கடைசி ஒருநாள் போட்டியில் இந்திய அணிக்கு வெற்றி இலக்காக 243 ரன்களை ஆஸ்திரேலிய அணி நிர்ணயித்துள்ளது. 50 ஓவர்களில் 9 விக்கெட் இழப்பிற்கு 242 ரன்களை ஆஸ்திரேலிய அணி எடுத்தது. நல்ல தொடக்கம் அமைந்தும் இந்திய அணியின் சிறப்பான பந்து வீச்சால் ஆஸ்திரேலிய அணியால் பெரிய ஸ்கோரை எட்ட முடியவில்லை.

indvsaus

நிலையாக ஆடிவந்த ஆஸ்திரேலிய வீரர்கள் ஸ்டாய்னிஸ்- ஹெட் ஜோடி ஆட்டமிழந்ததால் மீண்டும் ஆஸ்திரேலிய அணி சரிந்துள்ளது. ஹெட் 42 ரன்களிலும் ஸ்டாய்னிஸ் 46 ரன்களிலும் ஆட்டமிழந்தனர். 45 ஓவரில் 6 விக்கெட் இழப்பிற்கு 211 ரன்கள் எடுத்து ஆடிவருகிறது.

இந்திய ஆஸ்திரேலிய அணிகளுக்கு இடையிலான கடைசி ஒருநாள் போட்டியில் முதலில் பேட்டிங் செய்து வரும் ஆஸ்திரேலிய அணியை சரிவிலிருந்து ஸ்டாய்நிஸ் - ஹெட் ஜோடி மீட்டு வருகின்றது. 50 ரன் பார்ட்னர்ஷிப்பைக் கடந்து இந்த ஜோடி ஆடிவருகிறது. 37 ஓவரில் 4 விக்கெட் இழப்பிற்கு 178 ரன்கள் அடித்து ஆஸ்திரேலிய அணி ஆடிவருகிறது.

ஒரு கட்டத்தில் ஒரு விக்கெட் இழப்பிற்கு 100 ரன்கள் எடுத்து இருந்த ஆஸ்திரேலிய அணி, அடுத்த 18 ரன்களில் 3 விக்கெட்டுகளை இழந்துள்ளது.

ஆஸ்திரேலிய அணி தனது நான்காவது விக்கெட்டை இழந்தது. அந்த அணியின் ஹேண்ட்ஸ்கொம்ப் 13 ரன்களில் அக்‌ஷார் படேல் பந்து வீச்சில் ஆட்டமிழந்தார். இது அவருக்கு இரண்டாவது விக்கெட் ஆகும். 25 ஓவர்கள் முடிவில் 4 விக்கெட் இழபிற்கு 119 ரன்கள் எடுத்துள்ளது.

ஆஸ்திரேலிய அணியின் தொடக்க ஆட்டகாரரான வார்னர் 53 ரன்களில் அக்‌ஷார் படேல் பந்தில் ஆட்டமிழந்தார். படேல் பந்து வீச்சில் தூக்கி அடிக்க பவுண்டரி அருகில் மணிஷ் பாண்டே பந்தை பிடித்தார். குறுகிய இடைவெளியில் இரண்டு விகெட்டுகளை இழந்ததால் அந்த அணியின் ரன்விகிதம் சற்று குறைந்துள்ளது

 

ஆஸ்திரேலிய அணியின் கேப்டன் ஸ்மித் 16 ரன்களில், பகுதி நேர பந்து வீச்சாளரான கேதர் ஜாதவ் பந்தில் ஆட்டமிழந்தார். அரைசதம் அடித்த வார்னர் 50 ரன்களுடன் களத்தில் உள்ளார்.  அந்த அணி 19.3 ஓவர்களில் இரண்டு விக்கெட் இழப்பிற்கு 100 ரன்கள் எடுத்துள்ளது.

ஆஸ்திரேலிய அணி ட்ரிங்ஸ் இடைவேளையின் போது 18 ஓவரில், ஒரு விக்கெட் இழபிற்கு 94 ரன்கள் எடுத்துள்ளது. வார்னர் 47 ரன்களுடனும் ஸ்மித் 13 ரன்களுடனும் ஆடி வருகின்றனர், 

ஆஸ்திரேலிய அணி தனது முதல் விக்கெட்டை இழந்தது. தொடக்க ஆட்டக்காரர் பின்ச் 36 பந்துகளில் 32 ரன்கள் எடுத்து பாண்டியா வீசிய பந்தில் பும்ராஹ்விடம் கேட்ச் கொடுத்து ஆட்டமிழந்தார். 11.3 ஓவரில் ஒரு விக்கெட் இழப்பிற்கு 66ரன்கள் எடுத்து ஆஸ்திரேலிய அணி ஆடிவருகிறது.

5வது மற்றும் கடைசி ஒருநாள் போட்டியில் ஆஸ்திரேலியா அணி டாஸ் வென்று முதலில் பேட்டிங்கை தேர்வு செய்துள்ளது.தொடக்க ஆட்டக்காரர்களான வார்னர் மற்றும் பின்ச் நிதானமான தொடக்கத்தை அளித்துள்ளனர். 5 ஓவர் முடிவில் விக்கெட் இழப்பின்றி 21ரன்கள் எடுத்துள்ளனர் வார்னர் 10 ரன்களிலும்,பின்ச் 11 ரன்களிலும் களத்தில் உள்ளனர்.

india vs aus

இந்தியா-ஆஸ்திரேலியா அணிகள் மோதும் 5-வது மற்றும் கடைசி ஒருநாள் போட்டி மகாராஷ்டிராவின் நாக்பூரில் இன்று தொடங்கியது. முதலில் மோதிய நான்கு போட்டிகளில் இந்திய அணி மூன்று போட்டிகளில் வெற்றி பெற்றும் ஒரு போட்டியில் தோல்வி அடைந்தும்  5 போட்டிகள் கொண்ட தொடரில்  3-1 என்ற கணக்கில் முன்னிலை வகிக்கிறது. டாஸ் வென்ற ஆஸ்திரேலிய அணியின் கேப்டன் ஸ்டீவ் ஸ்மித் பேட்டிங்கை தெர்வு செய்தார்.   

india vs australia
 

உங்கள் கருத்தைப் பதிவு செய்யுங்கள்

Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close