Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

நார்த் ஈஸ்டை நொறுக்கியது கேரளா பிளாஸ்டர்ஸ்!

ந்தியன் சூப்பர் லீக் கால்பந்து தொடரில் சச்சினின் கேரளா பிளாஸ்டர்ஸ் அணி,  நடிகர் ஜான் ஆபிரகாமின் நார்த் ஈஸ்ட் யுனைடட் அணியை 3-1 என்ற கோல் கணக்கில் வீழ்த்தியது.

நேற்று மாலை கேரளாவின் ஜவகர்லால் நேரு மைதானத்தில், 7 மணிக்குத் தொடங்கிய இப்போட்டியை சுமார் 60,000 பேர் கண்டு களித்தனர்.

சென்ற ஆண்டு விளையாடிய வீரர்களில் நிறைய பேர் மாறிய கேரள அணி, தொடக்கத்தில் பெரிதாய் சோபிக்கவில்லை. அதற்கு ஏற்றார்போல்  நார்த் ஈஸ்ட் அணியும் சுமாராகவே விளையாடியது. இதனால் முதல் பாதி எந்த அணியும் கோல் போடாத நிலையிலேயே முடிவுக்கு வந்தது.

ஆனால் இரண்டாம் பாதியோ அதற்கு நேர்மாறாக அமைந்தது. குறிப்பாக பிளாஸ்டர்ஸ் அணியின் ஆட்டம் அனல் பறந்தது. அதன் பலனாக 49 வது நிமிடத்தில் முன்னாள் பார்சிலோனா இளைஞர் அணி வீரர் ஜோசு குரியாஸ் கோலடித்து, பிளாஸ்டர்சுக்கு முன்னிலை ஏற்படுத்தித் தந்தார். அதன் பிறகும் ஆக்ரோஷமாக விளையாடிய கேரள அணி, 68வது நிமிடத்தில் முன்னிலையை இரட்டிப்பாக்கியது.

பீட்டர் ரமேஜ் கொடுத்த பாஸை உள்ளூர் வீரரான முகமது ரஃபி, தலையால் முட்டி கோலாக்கினார். நார்த் ஈஸ்ட் அணிக்கு மேலும் ஒரு இடியாக, அடுத்த 4வது நிமிடத்தில் சான்சஸ் வாட் கோலடிக்க, பிளாஸ்டர்ஸ் அணியின் வெற்றி உறுதியானது. நார்த் ஈஸ்ட் அணிக்கு ஆறுதலாக, ஆட்டத்தின் 82வது நிமிடத்தில் நிக்கோலஸ் வெலஸ் கோலடிக்க, ஆட்டம் 3-1 என்ற கணக்கில் முடிவுற்றது.

ஆட்டத்தின் சிறந்த தருணத்திற்கான விருதை பிளாஸ்டர்ஸ் அணியின் கோல்கீப்பர் பைவாட்டரும், வளர்ந்து வரும் வீரருக்கான விருதை ரஃபியும் பெற்றனர். ஜோசு குரியாஸ் ஆட்ட நாயகன் விருது பெற்றார். கடந்த ஆண்டு இரண்டாம் இடம் பிடித்த பிளாஸ்டர்ஸ் அணி, இந்த ஆண்டை சிறப்பாக தொடங்கியுள்ளதால் கேரள ரசிகர்கள் வெற்றிக் களிப்பில் மிதந்தனர்.

மு.பிரதீப் கிருஷ்ணா

உங்கள் கருத்தைப் பதிவு செய்யுங்கள்

Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close