Vikatan.com

www.vikatan.com would like to send you push notifications.

Notifications can be turned off anytime from browser settings.

விக்கெட் கீப்பரை தவிர அனைவரும் பந்துவீசினர்: ஆஸி.ஜோடி 503 ரன்கள் குவித்து புதிய சாதனை!

நியூசிலாந்து அணிக்கு எதிரான 3 நாள் ஆட்டத்தில்,  கிரிக்கெட் ஆஸ்திரேலியா அணியை சேர்ந்த ஆரோன் பின்ச் - கார்ட்டர்ஸ் ஜோடி, தொடக்க விக்கெட்டுக்கு 503 ரன்கள் குவித்து  சாதனை படைத்துள்ளனர்.

கடந்த 29-ம் தேதி சிட்னியில் தொடங்கிய இந்த ஆட்டத்தில், முதலில் கிரிக்கெட் ஆஸ்திரேலியா பேட் செய்தது. தொடக்க வீரர்களாக ஆரோன் பின்ச் மற்றும் கார்ட்டர்ஸ் களமிறங்கினர். இந்த ஜோடி நியூசிலாந்து அணியின் பந்து வீச்சை வெளுத்து வாங்கி ரன் குவித்தது. அதாவது தொடக்க விக்கெட்டுக்கு 503 ரன்களை விளாசியது. நியூசிலாந்து அணியில் விக்கெட் கீப்பரைத் தவிர மற்ற அனைவரும் பந்துவீசியும், இந்த ஜோடியை 503 வது ரன்னில்தான் பிரிக்க முடிந்தது.

இதில் கார்ட்டர்ஸ், 364 பந்துகளில் 209 ரன்கள் எடுத்த நிலையில் லாதம் பந்தில் வீழ்ந்தார். இதில் 18 பவுண்டரிகள் அடங்கும். அதே வேளையில் பின்ச் 363 பந்துகளில், 24 பவுண்டரிகள் 7 சிக்சர்கள் உதவியுடன், 288 ரன் எடுத்தார். இவர் கடைசி வரை அவுட் ஆகவில்லை. ஒரு கட்டத்தில் பிட்ச்சின் மோசமான தன்மை காரணமாக இந்த ஆட்டம் கைவிடப்பட்டது.

ஆஸ்திரேலிய கிரிக்கெட்டை பொறுத்த வரை, ஒரு ஜோடி 503 ரன்களை சொந்த மண்ணில் எடுத்துள்ளது புதிய சாதனைதான்.

எடிட்டர் சாய்ஸ்

அப்போலோ டூ எம்.ஜி.ஆர் சமாதி... ஜெயலலிதாவுக்கு அரண் அமைத்த மன்னார்குடி!

MUST READ