Vikatan.com

www.vikatan.com would like to send you push notifications.

Notifications can be turned off anytime from browser settings.

[X] Close

உலகின் பணக்கார கால்பந்து அணிகளுக்கு இப்போது இவர்கள்தான் குருநாதர்கள்!

கிளப் கால்பந்து வரலாற்றில் பார்சிலோனா ரியல்மாட்ரிட் அணிகளுக்கிடையேயான 'எல்கிளோசிகோ 'மோதல் பிரசித்தி பெற்றது. ஸ்பெயினில் கட்டலான் மாகாணத்தை பிரித்து தனிநாடாக்க வேண்டுமென்ற கோரிக்கை வலு பெற இந்த 'எல்கிளாசிகோ' மோதலும் ஒரு காரணமாக நிச்சயமாக இருக்கும்.

 எல்கிளாசிகோவில் பார்சிலோனா வெற்றி பெற்று விட்டால் அன்று அந்த நகரமே அல்லலோப்படும். உடனடியாக நகரில் குவியும் லட்சக்கணக்கான மக்கள், கட்டாலானை பிரித்து தர வேண்டுமென்று கோஷம் எழுப்புவார்கள். மொத்தத்தில் ஸ்பெயின் அரசியலே எல்கிளாசிகோ மோதலால் அலறும்.

அதேவேளையில் ரியல் வெற்றி பெற்று விட்டால்,' ஹாலா மாட்ரிட் ' என்ற கோஷம் எழும்பும். எனினும் சமீப காலமாக பார்சிலோனா முன் ரியல் மாட்ரிட்டின் ஆட்டம் எடுபடவில்லையென்றே சொல்ல வேண்டும். அண்மையில் நடந்த எல்கிளாசிகோ மோதலில் கூட, பார்சிலோனா ரியலை 4-0 என்ற கோல் கணக்கில்  துவம்சம் செய்து விட்டது.

ஆட்டத்தில் மட்டும் அனல் பறப்பது இல்லை. களத்திலும் இரு அணி வீரர்களும் ஒருவரை ஒருவர் தாக்கிக் கொள்வது, டைவ் அடிப்பது, எதிரணி வீரர்களை  கணுக்காலை பதம் பார்ப்பது என்ற  கால்பந்தில் தடை செய்யப்பட்ட அத்தனை விஷயங்களும் எல்கிளாசிகோ மோதலில் அரங்கேறுவது வழக்கம்.

தற்போது பார்சிலோனா அணியின் பயிற்சியாளராக லூயீஸ் என்ரிக் உள்ளார். இவர் கடந்த 2014ஆம் ஆண்டு பார்சிலோனாவின் பயிற்சியாளராக நியமிக்கப்பட்டார். ஸ்பெயின் அணிக்காக 65 போட்டிகளில் விளையாடியுள்ள என்ரிக், பார்சிலோனா அணிக்காக 207 போட்டிகளில் விளையாடி 73  கோல்களை அடித்துள்ளார்.

லூயீஸ் என்ரிக்  விளையாடிய காலக்கட்டத்தில்தான் ரியல்மாட்ரிட் அணிக்காக சினடேன் சிடேன் விளையாடினார்.அந்த சமயத்தில்' எல்கிளாசிகோ' மோதலில் இந்த இருவரும் ஒருவரை ஒருவர் அடித்துக் கொள்ளாத குறைதான். அந்த அளவுக்கு மைதானத்தில் மோதல் இருக்கும்.

இந்நிலையில் ரியல்மாட்ரிட் அணியின் பயிற்சியாளராக சினடேன் சிடேன் பொறுப்பேற்றுள்ளார். களத்தில் ஆக்ரோஷமாக மோதிக் கொண்ட, இவர்கள் கையில் இப்போது, உலகின் பணக்கார கால்பந்து அணிகள் ஒப்படைக்கப்பட்டுள்ளன.

தற்போதைய நிலையில் ஸ்பெயினின் முன்னணி 4  கிளப்புகளுக்குஒரே காலக்கட்டத்தில் விளையாடிய 4 நட்சத்திர வீரர்கள் பயிற்சியாளராக பொறுப்பேற்றுள்ளனர்.  ரியலுக்கு சிடேனும், பார்சிலோனாவுக்கு என்ரிக்கும் அத்லெடிகோ மாட்ரிட்டுக்கு சிமியோனும் வாலென்சியாவுக்கு மான்செஸ்டர் யுனைடெட்டின்
கேரி நெவிலியும் பயிற்சியாளர்களாக உள்ளனர்.
 

Advertisement
Advertisement
Advertisement
Advertisement
Advertisement

எடிட்டர் சாய்ஸ்

Advertisement

MUST READ

Advertisement
[X] Close