Vikatan.com

www.vikatan.com would like to send you push notifications.

Notifications can be turned off anytime from browser settings.

செல்ஃபி, சிக்ஸருடன் விராட் விஸ்வரூபம்: ஆஸி. பயணத்தை வெற்றியோடு துவங்கியது இந்தியா!

ந்தியா மற்றும் மேற்கு ஆஸ்திரேலிய அணிகளுக்கு இடையேயான பயிற்சி போட்டி,  டி20 போட்டியாக நடைபெற்றது. பெர்த்தில் நடைபெற்ற இந்த போட்டியில் டாஸ் வென்ற இந்தியா,  பேட்டிங்கை தேர்ந்தெடுத்தது. 12 ரன்களாக இருந்தபோது ரோஹித் ஷர்மா அவுட் ஆக,  துணை கேப்டன் விராட் கோலி களமிறங்கினார். தவான் - கோலி ஆட்டத்தை கட்டுப்படுத்த முடியாமல் மேற்கு ஆஸ்திரேலியா தடுமாறியது.

விராட் கோலி,  7 பவுண்டரி 3 சிக்சருடன் பந்துவீச்சாளர்களை நாலா புறமும் சிதறவிட்டார். மறுபுறமும் தவான் அதிரடியாக அரை சதம் அடிக்க,  இவர்களது பார்ட்னர்ஷிப் 149 ரன்களாக உயர்ந்தபோது,  கோலி அவுட் ஆனார். பின்னர் வந்த கேப்டன் தோனியின் அதிரடியால், இந்தியா 20 ஓவர்களில் 4 விக்கெட்டுகளை இழந்து,  192 ரன்களை குவித்தது.


பின்னர் ஆடிய மேற்கு ஆஸ்திரேலியா,  இந்திய அணியின் கட்டுக்கோப்பான பந்துவீச்சால்,  20 ஓவர்களில் 118 ரன்களுக்கு 6 விக்கெட்டுகளை இழந்து,  74 ரன்கள் வித்தியாசத்தில் தோல்வியை தழுவியது. ஜடேஜா, அக் ஷர் படேல் இரண்டு விக்கெட்டுகளை வீழ்த்தினர். ஆஸ்திரேலியாவில் பயணம் மேற்கொண்டுள்ள இந்திய அணி, வெற்றியோடு பயணத்தை துவங்கியுள்ளது. சிறப்பான ஆட்டத்தை இந்த தொடரில் வெளிப்படுத்துவோம் என போட்டிக்கு பின் பேசிய ஷிகர் தவான் தெரிவித்தார்.

வைரலான விராட் கோலி செல்ஃபி :

 

#TeamIndia batsman Virat Kohli takes selfies with his fans at WACA #AUSvIND

Posted by Indian Cricket Team on 8 January 2016



ஆட்டத்தின் நடுவே, ஆஸ்திரேலியாவில் உள்ள இந்திய ரசிகர்களோடு இந்திய துணை கேப்டன் விராட் கோலி செல்ஃபி எடுத்து,  ரசிகர்களை மகிழ்ச்சியில் திளைக்க வைத்தார்.

இந்த சுற்றுப்பயணத்துக்கு முன்பு பிசிசிஐ விருதுகள் வழங்கும் விழாவின்போது,  ஆஸ்திரேலிய பயணம் குறித்த கேள்விக்கு,  " எங்கள் ஆட்டத்தை ரசிக்க,  அடிலெய்டு பாலத்தில் மக்கள் வரிசையில்  காத்திருந்தது தான் என்னை சதமடிக்க வைத்தது. அவர்களுக்காக சிறப்பான ஆட்டத்தை வெளிப்படுத்துவோம்" எனக் கூறியது குறிப்பிடத்தக்கது.


 

எடிட்டர் சாய்ஸ்